Fréttablaðið - 29.05.2008, Side 76

48 29. maí 2008 FIMMTUDAGUR
folk@frettabladid.is
Í seinni tíð hefur notkun símaskrárinnar
minnkað til muna, enda Netið komið til
sögunnar og 118. Nú er heldur betur
komin góð ástæða til að ná sér í eintak af
hinum þykka doðranti því Hugleikur
Dagsson myndskreytir nýju símaskrána
sem kom á götuna í gær.
„Þegar ég tók þetta verkefni að mér
var mér bent á að gamlar ömmur fletta í
gegnum skrána og ég gæti því ekki verið
með líkamsvessa á hverri blaðsíðu,“ segir
listamaðurinn. „Ég leit nú bara á það sem
áskorun því áður fyrr hef ég oft bjargað
mér með því að fara út í kúk og piss-grín
þegar ég er kominn í þrot.“
Útkoman er heljarlöng saga, einn
rammi á hverri opnu nánast út alla
símaskrána. „Fyrstu níu rammarnir
eru nú bara fjöll, svona til að gefa tón-
inn, en svo spinnst sagan áfram,“
segir Hugleikur. „Strákur er sendur í
sveit, sveitastelpa fer til borgarinnar og
svo verður þetta smám saman Lord of the
Rings-legur ópus. Það er gott grín inn á
milli en aðallega er þetta falleg saga og
íslensk. Ég tók inn alíslenska hluti eins og
jólasveinana og Húsdýragarðinn.“
Hugleikur hefur búið í Hollandi síðasta
veturinn og kláraði nýja bók meðfram
símaskránni. „Það er Ókei bæ 2 sem
kemur vonandi út eftir viku. Þar fékk ég
góða útrás fyrir kúk og piss-grínið. Ég er
orðinn pínu tómur núna – kominn í list-
rænt gjaldþrot, getum við sagt – og ætla í
gott sumarfrí. Þegar ég er hættur að vera
tómur fer ég svo líklega að teikna þriðju
bókina um köttinn Kisa.“
Hefðbundin símaskrá er ókeypis en
harðspjalda kostar sjö hundruð krónur.
Hægt er að nálgast hana í verslunum
Bónuss, Símans, Vodafone og á bensín-
stöðvum Olís og Skeljungs á höfuðborg-
arsvæðinu og hjá Símanum, Vodafone og
á afgreiðslustöðvum Póstsins á lands-
byggðinni. - glh
Ekki kúkur og piss í símaskránni
HUGLEIKUR SÝNIR NÝJUSTU BÓKINA SÍNA Á
bak við hann glittir í Sigríði Margréti Oddsdótt-
ur, framkvæmdastjóra Já.
„Nú er ég á fullu að pródúsera
plötuna,“ segir Snorri Snorrason
sem stjórnar upptökum á sólóplötu
Alexanders Arons. Þeir Snorri og
Alexander þekkjast úr Idol
Stjörnuleit 3, þar sem þeir tóku
báðir þátt og Snorri sigraði. „Þetta
er allt frumsamið hjá honum, mega
stykki. Ég stjórna upptökunum og
útset lögin,“ segir Snorri. Margir
velta fyrir sér hvað varð af Snorra
eftir að hann gaf út plötuna Allt
sem ég á, sumarið 2006. „Ég er
kominn með helvíti góða aðstöðu
hérna heima. Ég er eiginlega með
aukaíbúð hérna í kjallaranum og
þar hef ég innréttað hljóðver,“
segir Snorri sem hefur nóg að
gera. Viðamesta verkefni hans
þessa dagana er plata Alexanders
Arons, en einnig vinnur hann náið
með kántrísveitinni Klaufum.
Hvað hans söngferil varðar segir
hann: „Maður er voða mikið að
semja. Ég er bara alltaf á kafi í því
að reyna að ná mér í pening með
því að vinna fyrir aðra,“ segir
hann. Þótt Snorri hafi haft hægt
um sig kom hann engu síður fram
með Sverri Stormsker á Broadway
á föstudaginn, þar sem þeir félag-
ar hituðu upp fyrir Johnny Logan.
„Hann hringdi bara í mig og bað
mig um að redda þessu fyrir sig,“
segir Snorri um Sverri. Lands-
menn þurfa þó ekki að bíða lengi
eftir því að fá að heyra meira í
Snorra á öldum ljósvakans. Sjálfur
stefnir hann á að gefa út eigið efni
sem nóg er til af, en einnig tekur
hann upp og flytur lag eftir Krist-
inn Kristinsson í Sjómannalaga-
keppni Rásar 2. „Lilli popp er hann
reyndar kallaður,“ segir Snorri
kátur. - shs
Idolstjarna tekur upp Idolstjörnu
SNORRI Tekur upp plötu með Alexander Aroni.
Nýjasti tölvuleikurinn í Guit-
ar Hero-seríunni, Guitar Hero
World Tour, kemur út í haust. Í
leiknum verður blandað
saman gítarspilinu úr Guitar
Hero- leikjunum við hljóm-
sveitarupplifun þar sem leik-
menn geta keppt saman og
notað til þess þráðlaus hljóð-
færi. Leikurinn mun innihalda
nýja tegund af gítar, trommu-
sett og hljóðnema. Þar fyrir
utan verður hljóðver í leikn-
um þar sem leikmenn geta
samið, tekið upp og leyft
öðrum að hlusta á eigin tón-
list. Í leiknum verður einnig
hægt að taka þátt í Battle of
the Bands þar sem átta leik-
menn geta keppt saman í
gegnum netið eða eina tölvu.
Þráðlausar gítar-
hetjur í haust
GUITAR HERO Nýjasti Guitar Hero-leikurinn
kemur í búðir í haust.
> STONE VEKUR REIÐI
Leikkonan Sharon Stone hefur vakið mikla reiði í Kína
fyrir að gefa í skyn að ástæðan fyrir jarðskjálftunum
í landinu hafi hugsanlega verið slæmt karma. Tengdi
hún skjálftana við stefnu Kínverja í málefnum Tíbet. „Ég
hugsaði með mér: „Er þetta
karma?“ Þegar þú ert ekki
góður við aðra lendir þú sjálf-
ur í vandræðum,“ sagði
Stone.
Laugavegi 89