Fréttablaðið - 29.05.2008, Qupperneq 79

FIMMTUDAGUR 29. maí 2008 51
Stórsöngvarinn Björgvin Halldórs-
son fagnar afmæli Hafnarfjarðar-
bæjar um helgina.
„Ég er alveg óþolandi Hafnfirðingur. Alltaf
talandi um hvað Hafnarfjörður sé æðisleg-
ur,“ segir Björgvin Halldórsson, gaflari
með meiru. Hundrað ára afmælishátíð
Hafnarfjarðar gengur í garð í dag og
stendur yfir um helgina. Dagskrá hátíðar-
innar er íburðarmikil og kemur Björgvin
þar fram á tvennum tónleikum. Fyrst á á
djasstónleikum í Hafnarborg ásamt Birni
Thoroddsen á föstudagskvöldið. „Síðan
verð ég með stórsveit á tónleikunum á
Víðistaðatúni á laugardagskvöldið og loka
því kvöldi,“ segir Björgvin.
Afmælishátíðin hefur verið mikið
auglýst að undanförnu með myndum af
þekktum Hafnfirðingum. Meðal þeirra eru
Keflvíkingurinn Magnús Kjartansson og
Þorgerður Katrín sem er fædd í Reykja-
vík. „Maggi er nú búinn að vera hérna svo
lengi að hann er kominn með ríkisborgara-
rétt. Þorgerður er gift Hafnfirðingi og svo
spilaði hún minnir mig handbolta með FH,“
segir Björgvin og bendir á að til séu
þrenns konar Hafnfirðingar. „Það eru þeir
sem eru aðfluttir, ekki fæddir hérna en
hafa búið hér lengi. Svo eru það þeir sem
eru fæddir á sjúkrahúsi í Hafnarfirði.
Síðan er það þriðja gerðin; þeir sem eru
bara fæddir heima hjá sér með aðstoð
ljósmóður og bala af heitu vatni,“ segir
Björgvin en hann fellur einmitt undir
síðustu skilgreininguna og því alveg
hreinræktaður gaflari.
Björgvin hefur búið um allt höfuð-
borgarsvæðið en segist hvergi líða
betur en í Hafnarfirði. Hann segir mik-
ilvægt, nú þegar höfuðborgarsvæðið er
nánast allt farið að tengjast, að bæjar-
félögin haldi sérkennum sínum. „Við
höfum reynt að gera það. Í miðbænum
er mikil uppbygging þar sem gamli og
nýi tíminn mætast. Litlir þröngir stígar
í gamla stílnum sem setja svip á mið-
bæinn,“ segir Björgvin.
Meðal tónlistarmanna hefur Hafnar-
fjörður hlotið áhugavert gælunafn.
„Keflavík er Liverpool en Hafnarfjörð-
ur er Memphis, þaðan er Elvis,“ segir
Björgvin en bendir á að hann sé ekki
að líkja sjálfum sér við Elvis. „Þetta er
svona grín í tónlistarheiminum.
Reykjavík er þá London og Akureyri
Bournemouth.“
Björgvin segir að öllum landsmönn-
um sé boðið í afmælið en dagskrána
má finna á www.hafnarfjordur.is.
soli@frettabladid.is
Söngkonan Kylie Minogue hélt
upp á fertugsafmælið sitt í gær.
Hún er um þessar mundir á
tónleikaferð um Evrópu og hélt
hún upp á þetta stórafmæli í
Þýskalandi.
Á meðal þeirra sem fögnuðu
með henni voru systir hennar
Dannii og foreldrar þeirra sem
flugu þangað frá Ástralíu. Kylie
þjófstartaði afmælisveislu sinni í
Grikklandi í síðustu viku. Þar tók
hún þriggja hæða hótel á leigu
fyrir gesti sína sem voru um eitt
hundrað talsins. Skemmtu þau sér
vel langt fram á nótt.
Kylie fertug
KYLIE MINOGUE Ástralska söngkonan
hélt upp á fertugsafmælið sitt í gær.
BJÖRGVIN HALLDÓRSSON Fagnar 100 ára afmæli
Hafnarfjarðar ásamt einvala liði listamanna.
Hafnarfjörður er Memphis
Brautarholt 20 105 Reykjavík s. 561 5100
mottaka@badhusid.is www.badhusid.is
BAÐHÚSIÐ
býður öllum konum
sem eiga Sumarkort
eða kort í klúbbinn
ISF97 á sérstaka
frumsýningu á
Sex and the City
fi mmtudaginn 29. mai
kl. 20.00
Miðar afhentir í móttöku
Baðhússins.
Sumarkort gildir til 24. ágúst nk.
Frjáls mæting í alla opna tíma og glænýjan
tækjasal. Einnig fylgir aðgangur að heitri laug,
vatnsgufu og hvíldarhreiðri þar sem gott er að
koma og slaka á frá amstri dagsins við notalegt
gjálfur gosbrunnsins.
Því fyrr sem þú kemur því lengur gildir kortið.
Komdu og fjárfestu í heilsunni og gerðu góð kaup í
leiðinni.
Sumarkort tilboðsverð kr. 14.990Sumarkort einnig til sölu í
Þrekhúsinu.
Sumarkort gildir í báðar stöðvar.