Fréttablaðið - 08.06.2008, Blaðsíða 2
2 8. júní 2008 SUNNUDAGUR
LÖGREGLUMÁL Tveir lögreglumenn
voru skallaðir á Akureyri í
fyrrinótt en mikil ölvun var í
bænum og töluverður erill.
Hópslagsmál brutust út fyrir
utan veitingastað á Akureyri.
Tveir lögreglumenn voru
skallaðir þegar þeir reyndu að
skakka leikinn og fóru þeir á
slysadeild til skoðunar. Meiðsli
þeirra reyndust ekki alvarleg.
Árásarmaðurinn var handtekinn
en hann var talsvert ölvaður eða
undir áhrifum fíkniefna.
Ungur maður er talinn nefbrot-
inn eftir að hann var laminn í
andlitið fyrir utan veitingastað
um þrjú leytið. Þá var sautján ára
piltur handtekinn þar sem hann
reyndi að brjótast inn í bíla. - kh
Erill á Akureyri:
Skallaði tvo
lögreglumenn
MENNTAMÁL Hátíðardagskrá í
tilefni af hundrað ára afmæli
Kennaraháskólans var haldin í
Borgarleikhúsinu í gær.
Forseti Íslands og menntamála-
ráðherra fluttu ávörp og voru
fyrstu doktorar skólans braut-
skráðir. Ólafur Proppé rektor
sagði í ávarpi sínu miklar
breytingar framundan.
„Hinn 1. júlí munu Kennara-
háskóli Íslands og Háskóli Íslands
sameinast. Sama dag tekur gildi
nýtt skipulag Háskóla Íslands sem
felst í því að hann skiptist í fimm
fræðasvið. Kennaraháskóli Íslands
mun mynda kjarnann í menntavís-
indasviðinu og er ég sannfærður
um að enn takist að efla mennta-
vísindi þegar sérfræðingar beggja
háskóla leggjast saman á árar.“ - ve
Kennaraháskólinn:
Fagnaði hundr-
að ára afmæli
ÁVARP MENNTAMÁLARÁÐHERRA
Þorgerður Katrín Gunnarsdóttir mennta-
málaráðherra flutti ávarp á afmælinu.
FRÉTTABLAÐIÐ/VILHELM
STJÓRNMÁL „Þetta held ég að sé
yfirskot hjá honum Gunnari,“
segir Ásta Möller, þingmaður
Sjálfstæðisflokks, og sæti á í
fjárlaganefnd, er hún spurð um
ummæli Gunnars Svavarssonar,
þingmanns Samfylkingar og for-
manns fjárlaganefndar, í Morg-
unblaðinu um að til álita komi í
gerð fjárlaga að fresta byggingu
nýs háskólasjúkrahúss.
„Þegar Síminn var seldur lögð-
um við peninga til hliðar í þetta
verkefni þannig að það er ekki
eins og við séum að taka þá úr
ríkissjóði. Svo er atvinnuástand-
ið þannig að það fer ekki vel á
því að draga úr framkvæmdum.
Ég tel því að þetta fari ágætlega
saman,“ segir hún.
Haft er eftir Gunnari að einnig
komi til greina að fresta öðrum
verkefnum, til dæmis lagningu
Sundabrautar. „Það verkefni
hangir á skipulagsyfirvöldum í
Reykjavík og þau eru ekki tilbú-
in með útfærslu á því, því miður.
Þannig að það er á því stigi að
ríkisstjórn hefur lítið um það að
segja.“
„Það er afdráttarlaus skoðun
allra borgarfulltrúa í Reykjavík,
hvort sem er í meiri- eða minni-
hluta, að Sundabraut er algjört
forgangsverkefni,“ segir Hanna
Birna Kristjánsdóttir, borgar-
fulltrúi Sjálfstæðisflokksins.
Guðlaugur Þór Þórðarson heil-
brigðisráðherra hefur einnig
látið hafa eftir sér að frestun á
nýju háskólasjúkrahúsi sé ekki
inn í myndinni.
„Á þessu stigi er alltof snemmt
að taka afstöðu til einstakra
verkefna,“ segir Kristján Þór
Júlíusson, sem einnig á sæti í
fjárlaganefnd fyrir hönd Sjálf-
stæðisflokks. „En það segir sig
sjálft þegar tekjur ríkisins drag-
ast saman og útgjöld aukast
verða menn að skoða það for-
dómalaust hvernig megi bregð-
ast við því.“
-jse
Óeining innan stjórnarflokkanna vegna fjárlagagerðar:
Vilja ekki draga úr framkvæmdum
Ók ölvaður á staur
Ökumaður á Dalvík ók í fyrrinótt af
stað ölvaður en lenti á staur eftir
nokkra metra. Bifreiðin skemmdist
mikið. Ökumaðurinn verður kærður
fyrir ölvunarakstur.
LÖGREGLUFRÉTTIR
Eftirlit á Suðurlandi
Lögreglan á Selfossi stöðvaði í gær
um tvö hundruð bíla á Suðurlands-
vegi til að kanna ástand og réttindi
ökumanna. Einn ökumaður er talinn
hafa verið undir áhrifum áfengis.
Fjórir ökumenn óku of hratt.
HEILBRIGÐISMÁL Kransæðasjúkdóm-
ar eru algengt vandamál hjá konum
sem komnar eru yfir sjötugt og
algeng dánarorsök hjá öldruðum
konum en þessum sjúkdómum er
ekki jafnmikill gaumur gefinn og
öðrum sjúkdómum kvenna, til
dæmis brjóstakrabbameini.
„Dánartíðni úr kransæðasjúk-
dómi hefur lækkað verulega hjá
bæði körlum og konum á síðustu
tuttugu árum en fólk hefur ekki
almennilega gert sér grein fyrir að
þó að karlar fái hjartasjúkdóm
miklu fyrr en konur þá er krans-
æðasjúkdómur algengt vandamál
hjá eldri konum, konum sem eru
komnar á virkilega háan aldur,“
segir Guðmundur Þorgeirsson
hjartalæknir.
„Þetta þýðir að kransæðasjúkdóm-
ur er algengt vandamál hjá konum
eftir 70-75 ára aldur en það er ekki
vegna þess að sjúkdómurinn sé að
aukast ef við berum saman jafnaldra
konur. Þvert á móti hefur heldur
dregið úr honum. Hins vegar verða
fleiri og fleiri konur mjög aldraðar,
alveg eins og karlarnir, og það þýðir
að fleiri og fleiri konur hafa þetta
heilsufarsvandamál. Meðal eldri
kvenna er þetta ein af algengustu
dánarorsökunum,“ segir hann.
Í Danmörku hefur verið hrint af
stað herferð undir yfirskriftinni
„Konur lengi lifi!“ þar sem vakin er
athygli á hjartasjúkdómum sem
raunverulegum heilsufarsvanda
kvenna þó að hjartasjúkdómar séu í
huga flestra bundnir einkum við
karlmenn. Danirnir benda á að
þriðja hver kona fái hjartasjúkdóm,
þrátt fyrir það telji flestir að hjarta-
sjúkdómar séu sjúkdómar karla.
Guðmundur kannast við þessa
umræðu og segir að um allan heim
sé verið að leggja áherslu á að krans-
æðasjúkdómar séu algengir hjá
konum þó það sé ekki fyrr en kon-
urnar eru orðnar talsvert aldraðar.
Ástæðan sé sú að konur hafi „ein-
hverja náttúrulega vörn“. Krans-
æðasjúkdómar séu mjög sjaldgæfir
fyrir tíðahvörf og láti eiginlega ekk-
ert á sér kræla fyrr en komið sé
rækilega fram yfir tíðahvörf.
„Það er ábyggilega einhver nátt-
úruleg vörn gegn æðakölkunarsjúk-
dómi meðal kvenna sem tengist
þeirra hormónabúskap,“ segir Guð-
mundur og bendir á að grunnáhætta
íslenskra kvenna sé með því lægsta
sem gerist í Evrópu. Hann segir að
íslenskar konur séu hraustari hvað
þetta varðar og hafi meiri náttúru-
lega vörn en aðrar konur.
ghs@frettabladid.is
Íslenskar konur eru
kvenna hraustastar
Kransæðasjúkdómar eru algengir hjá öldruðum konum og ein algengasta
dánarorsökin. Sjúkdómurinn fær þó ekki jafnmikla athygli og aðrir sjúkdómar
kvenna. Íslenskar konur hafa þó náttúrulega vörn gegn kransæðasjúkdómum.
Í KVENNAHLAUPINU Í GÆR „Kransæðasjúkdómur er algengt vandamál hjá konum eftir
70-75 ára aldur,“ segir Guðmundur Þorgeirsson hjartalæknir. Erlendis er vakin athygli á
því að kransæðasjúkdómar séu ekki karlakvilli eingöngu heldur hrjái líka konur.
Það er
ábyggi-
lega einhver
náttúruleg vörn
gegn æðakölk-
unarsjúkdómi
meðal kvenna
sem tengist þeirra
hormónabúskap.
GUÐMUNDUR ÞORGEIRSSON
HJARTALÆKNIR
Nýr fyrsti ráðherra
Þingið á Norður-Írlandi hefur kosið
sambandssinnann Peter Robinson í
embætti fyrsta ráðherra heimastjórnar-
innar, sem er samstjórn sambands- og
lýðveldissinna. Robinson hafði áður
verið kjörinn arftaki Ians Paisley sem
leiðtogi stærsta flokks sambandssinna,
DUP. Martin McGuinness úr Sinn Fein,
flokki lýðveldissinna, verður áfram
staðgengill fyrsta ráðherrans.
NORÐUR-ÍRLAND
Fullur í Leifstöð
Ölvaður karlmaður var handtekinn í
Flugstöð Leifs Eiríkssonar í gær. Hann
hafði átt í útistöðum við starfsmenn
og ferðamenn í flugstöðinni. Maður-
inn fékk að gista í fangageymslu þar
til áfengisvíman rann af honum.
LÖGREGLUFRÉTTIR
EVRÓPA, AP Aðildarríki Evrópusam-
bandsins hafa komið sér saman um
reglur um ólöglega innflytjendur.
Staðfesti Evrópuþingið þær verða
þær að lögum. Þær tryggja
ólöglegum innflytjendum grund-
vallarréttindi, aðgang að mat,
skjóli og lögfræðilegri aðstoð.
Samkvæmt reglunum má ekki
halda fólki lengur en 18 mánuði
áður en því er vísað aftur til
heimalanda. Börnum sem eru ein á
ferð má ekki vísa úr landi.
Samræmdar reglur voru settar
þar sem óttast var að ólöglegir
innflytjendur nýttu sér mismun-
andi reglur í löndunum til að
flakka á milli landa. - kóp
Ólöglegir innflytjendur:
Samræmdar
reglur hjá ESB
Páll, vantar þig ekki útrás?
Nei, sérstaklega ekki núna þegar ég
get fengið hana á tveimur rásum.
Í gær nýtti Ríkissjónvarpið aukarás
sína, RÚV+, til að geta sýnt frá tveimur
íþróttaviðburðum í einu. Páll Magnússon
er útvarpsstjóri.
NÁTTÚRA Vatnajökulsþjóðgarður
var stofnaður við formlega athöfn
í gær. Hann er um tólf þúsund
ferkílómetrar að stærð, þekur
um tólf prósent af flatarmáli
landsins og er því stærsti þjóð-
garður Evrópu.
Þórunn Sveinbjarnardóttir
umhverfisráðherra sagði í ávarpi
sínu á opnunarhátíð í Skaftafelli
að hún væri vongóð um að hann
yrði enn stærri að ári enda stæðu
nú yfir viðræður við landeigend-
ur og sveitarfélög í þeim tilgangi.
Sagðist hún bjartsýn um að hin
sérstaka náttúra svæðisins við
Langasjó og Eldgjá yrði hluti
þjóðgarðsins.
Sagði umhverfisráðherra enn
fremur að með stofnun þjóð-
garðsins réðust Íslendingar í
stærsta náttúruverndarverkefni
frá upphafi.
Anna Kristín Ólafsdóttir, for-
maður stjórnar Vatnajökulsþjóð-
garðs, sagði þetta afar merkileg-
an áfanga og hafi margir lagt
hönd á plóginn svo honum yrði
náð. Sagði hún aðdragandann
hafa verið býsna langan og að
honum hafi komið, beint eða
óbeint, tugir ef ekki hundruð
manna.
Ekki var aðeins fagnað í Skafta-
felli því einnig var efnt til opnun-
arhátíðar í Gljúfrastofu í Jök-
uls árgljúfrum, á Skriðuklaustri í
Fljótsdal og í Kirkjuhvoli á
Kirkjubæjarklaustri. - jse
Vatnajökulsþjóðgarður formlega stofnaður í gær:
Stærsti þjóðgarður Evrópu
ÞJÓÐGARÐURINN OPNAÐUR Fáni með
nýju merki Vatnajökulsþjóðgarðs dreginn
að húni við formlega opnun garðsins í
gær. MYND/HERMANN VALSSON
SLYS Fjögur óhöpp urðu í mótor-
krosskeppni á Sólbrekkubraut á
milli Grindavíkurvegar og
Reykjanesbrautar í gær. Tvær
konur, ein stúlka og karlmaður
duttu af hjólum sínum.
Maðurinn, sem er 22 ára,
handleggsbrotnaði og var fluttur
á Borgarspítalann. Konurnar eru
22 og 28 ára gamlar og stúlkan 14
ára. Öll voru þau þátttakendur í
keppninni og duttu ýmist aftur
eða fram fyrir sig við að sýna
listir sínar.
Konurnar og stúlkan slösuðust
ekki alvarlega. Þær mörðust víða
og ein kvartaði yfir eymslum í
baki. - kóp
Vélhjólabyltur á Suðurnesjum:
Fjórir slösuðust
í vélhjólakeppni
FRÁ KEPPNINNI Einn keppandinn flýgur
af hjóli sínu í keppninni í gær.
VÍKURFRÉTTIR/ELLERT
FR
ÉT
TA
BL
AÐ
IÐ
/V
IL
H
EL
M
ÁSTA MÖLLER Fulltrúi Sjálfstæðisflokks
í fjárlaganefnd er ósammála formanni
nefndarinnar. FRÉTTABLAÐIÐ/ RÓBERT
KRISTJÁN ÞÓR JÚLÍUSSON Hann segir of
snemmt að taka ákvörðun um einstaka
verkefni. FRÉTTABLAÐIÐ/HEIÐA.IS
SPURNING DAGSINS