Fréttablaðið - 08.06.2008, Blaðsíða 24

8 sport
© GRAPHIC NEWS
Það er óhætt að
segja að frammi-
staða tveggja manna
standi upp úr þegar
menn horfa til baka
á sögu Evrópumóts
landsliða. Annar þeirra, Frakkinn
Michel Platini, vann Evrópumeist-
aratitilinn 1984 nánast upp á sitt
einsdæmi með því að skora 9
mörk í 5 leikjum en hinn er
Hollendingurinn Marco Van
Basten sem kórónaði frábæra
frammistöðu sína á Evr-
ópumótinu 1988 með því
að skora fullkomið mark í
úrslitaleiknum.
M ichel Platini stóðst press-una og gott betur á Evr-ópumótinu sumarið 1984.
Hann hafði verið kosinn besti
knattspyrnumaður Evrópu, var
markakóngur ítölsku deildar-
innar síðustu tvö tímabil og átti
að leiða franska landsliðið til
síns fyrsta titils á heimavelli.
Platini gerði gott betur en að
standast pressuna því hann var
maðurinn á bak við að hið létt-
leikandi franska landslið fór alla
leið og varð Evrópumeistari.
Platini skoraði 9 af 14 mörkum
liðsins í fimm leikjum sem er
met sem verður seint eða aldrei
bætt. Mikilvægi markanna var
líka mikið. Hann skoraði sigurmarkið í
opnunarleiknum á móti Dönum, hann skor-
aði tvær klassískar þrennur (með vinstri
fæti, hægri fæti og skalla) gegn
Belgum og Júgóslövum, sigur-
markið í framlengdum undanúr-
slitaleik á móti Portúgal og svo
fyrsta markið í 2-0 sigri á Spán-
verjum í úrslitaleiknum. Hann
skoraði í öllum fimm leikjunum
og aðeins eitt af níu mörkum hans
kom úr víti. Hann skoraði tvö mörk
með vinstri fæti, tvö mörk beint úr
aukaspyrnu og tvö mörk með
skalla. Það var bara eitt lið (Dan-
mörk) sem skoraði fleiri mörk
en Platini í þessari Evrópu-
keppni og það hefur enginn skor-
að fleiri mörk í úrslitakeppni
EM hvorki í einni keppni né
samtals á ferlinum.
Hafi frammistaða Platinis á
EM 1984 verið fullkomin þá
hefur enginn skorað fullkomn-
ara mark en Hollendingurinn
Marco van Basten í úrslita-
leiknum á Evrópumótinu 1988.
Þegar Marco van Basten sat á
bekknum í fyrsta leik Hol-
lands á EM í Vestur-Þýska-
landi 1988, 0-1 tapleik gegn
Sovétmönnum, þá gat hvorki
hann né aðrir ímyndað sér
hvað mikið myndi breytast á
næstu tveimur vikum. Van
Basten kom reyndar inn á sem
varamaður sjö mínútum eftir
að Sovétmenn höfðu skoraði
sitt eina mark en náði ekki að
breyta leiknum. Hann var
hins vegar í byrjunarliðinu í
næsta leik og skoraði þá
þrennu í 3-1 sigri á Englendingum, fiskaði
vítið sem Holland jafnaði metin úr í und-
anúrslitaleiknum og skoraði síðan sigur-
markið rétt fyrir leikslok. Í úrslitaleiknum
lagði van Basten síðan upp fyrra markið
fyrir Ruud Gullit áður en hann skoraði
markið ótrúlega. Adri van Tiggelen vann
boltann á miðjunni og gaf hann á Arnold
Mühren úti á vinstri vængnum. Mühren
sendi háan svífandi bolta yfir á fjærstöng
þar sem van Basten var átta metra frá
markinu, aðþrengdur af bæði endalínunni
sem og nokkrum sovéskum varnarmönn-
um. Það eina í stöðunni virtist vera að gefa
boltann fyrir en Van Basten var með sjálfs-
traustið í botni og lét bara vaða. Hann hitti
boltann fullkomlega og hann sveif yfir
Rinat Dasaev, besta markvörð Evrópu, og
datt niður í fjærhornið. Það hefur ekki og
mun eflaust ekki vera skorað fallegra
mark í úrslitaleik á stórmóti en þetta mark
van Bastens á kom 54. mínútu í úrslitaleik
Hollendinga og Sovétmanna á Ólympíu-
leikvanginum í München 25. júní 1988.
FULLKOMIN FRAMMISTAÐA
Nafn: Marco van Basten
Fæddur: 31. október 1964
Hæð: 188 sm
Leikstaða: Framherji
Félög: Ajax (1982-87) og AC
Milan (1987-1993)
Í dag: Þjálfari hollenska
landsliðsins og verðandi
þjálfari Ajax.
Vissir þú? - Marco van
Basten lék í aðeins einni
HM á ferlinum, HM 1990
á Ítalíu. Holland sat eftir í
undankeppni HM 1986 og
van Basten var meiddur á
HM 1994.
- Marco Van Basten var
þrisvar valinn besti knatt-
spyrnumaður Evrópu
1988, 1989 og 1992.
Nafn: Michel Platini
Fæddur: 21. júní 1955
Hæð: 178 sm
Leikstaða: Miðjumaður
Félög: AS Nancy (1972-79),
Saint-Étienne (1979-82)
og Juventus (1982-87).
Landsleikir/mörk: 72/41
(1976-87)
Í dag: Forseti UEFA
Vissir þú? - Michel Platini
lék síðasta landsleik sinn
á ferlinum á móti Íslandi á
Parc des Princes 29. apríl
1987.
- Michel Platini var valinn
besti knattspyrnumaður
Evrópu þrjú ár í röð, 1983,
1984 og 1985.
BASTEN OG PLATINI
Ármúla 36 s.588 1560 www.joiutherji.is
EM 2008 – þú færð
treyjurnar hjá okkur