Fréttablaðið - 21.06.2008, Side 40

● heimili&hönnun
Sigríði Thorlacius, söngkonu hljómsveitarinnar Hjaltalín,
dreymir um lítið bárujárnshús með brakandi gólffjölum.
„Draumahúsið mitt er á tveimur hæðum, helst gult með bláu
þaki og bláum gluggakörmum,“ segir Sigríður. „Á gólfum er
gamalt parkett sem brakar í og í loftinu fallegar rósettur. Eld-
húsið er með svörtum og hvítköflóttum gólfdúk og eldrauðri eld-
húsinnréttingu. Á efri hæðinni er svefnloft undir súð.“
Sigríður myndi vilja hafa risastóran garð umhverfis húsið,
þar sem hægt yrði að ná bæði morgun- og kvöldsólinni. „Garður-
inn er fullur af hvönn og lúpínu og uppi á hól er glæsilegt birki-
tré sem hægt er að leggja sig undir. Umhverfis garðinn er svo
blátt trégrindverk og rauður póstkassi. Í stofuglugganum býr
grár köttur með hvítar loppur og hvíta rófu. Það þarf svo varla
að taka það fram að í garðinum er alltaf sól, fullt af þröstum og
engir geitungar.“
Sigríður segist ekki vita um svona hús, en ef það er til álítur
hún eigandann ákaflega heppinn. - kka
DRAUMAHÚSIÐ
Bárujárnshús með
sól í stórum garði
Draumahúsið hennar Sigríðar er gamalt og í rómantískum stíl.
FRETTABLAÐIÐ/ARNÞÓR
● NYTJAHLUTIR OG SKRAUTMUNIR Hitamælar og klukkur
eftir hinn heimsþekkta danska hönnuð Jacob Jensen eru meðal
þess sem fæst í nýrri sameiginlegri lífsstílsverslun Epal
og Liborius á Laugavegi 7. Jacob
Jensen hefur hefur
meðal annars hannað
fyrir Bang & Olufsen og
hlotið fjölmargar viður-
kenningar fyrir verk sín.
Auk gjafavara, nytjahluta
og skrautmuna fyrir heim-
ilið sem Epal selur einnig í
öðrum búðum eru fleiri ný
vörumerki á Laugavegin-
um. Þar má nefna vörur frá
hollenska gjafavörufyrirtækinu
Royal vkb (www.royalvkb.com )
og Atmosphere-hnetti
(www.atmosphereglobes.
com).
hönnun
Járnsmiðja Óðins
Persónuleg þjónusta og fagleg ráðgjöfjsó
21. JÚNÍ 2008 LAUGARDAGUR8