Fréttablaðið - 21.06.2008, Page 68

40 21. júní 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Marta María Jónasdóttir
Ég þekki margar konur sem eiga sínar bestu stundir fyrir framan tölvuna.
Með kampavínsglas og vísakort að vopni geta þær eytt heilu kvöldunum
einar með sjálfum sér, alsælar. Nei, þær eru ekki að fylgjast með erlendri
pólitík heldur hanga inni á eBay eða öðrum glyssíðum til að kaupa sér alls
konar vitleysu, en stundum geta þær reyndar verið ljónheppnar. Um
daginn sagði kvenkyns vinnufélagi minn frá því að hún hefði boðið í tvo
kjóla, frá Veru Wang og Roberto Cavalli, og fengið. Ég sagði henni að hún
ætti ekki að búast við of miklu og rifjaði upp söguna af vinkonu minni sem
hafði keypt sér tískugallabuxur og Dior-sólgleraugu í einhverju eBay-
flippi nokkrum árum fyrr. Þegar sendingin birtist reyndust buxurnar vera
„feik“ og sólgleraugun í barnastærð. Stuttu síðar, þegar hún var búin að
steingleyma þessu með barnasólgleraun og feikbuxurnar, gerði hún
reyfarakaup þegar hún fékk Svaninn eftir Arne Jacobsen á 40 þúsund
krónur. Þetta fannst mér vera ígildi þess að vinna í lottói þar sem
hefðbundinn Svanur í ullarefni kostar mánaðarlaun kennara. Það runnu
þó á hana tvær grímur þegar Svanurinn ógurlegi lenti á landinu, eitthvað
hafði hann breikkað við að búa í Ameríku. Geri ráð fyrir að stóllinn hafi
frekar verið eftir Barney Jacobs eða einhvern annan snilling.
Þegar ég var búin að segja samstarfskonu minni þessar tvær hryllings-
sögur þurfti ég að hughreysta hana og vonaði heitt og innilega að Wang og
Cavalli myndu standa undir væntingum. Í vikunni mætti ég henni á
ganginum og hún var eitt sólskinsbros og tjáði mér að sendingin hefði
komið, væri ekta og smellpassaði. Þegar hún dró gersemarnar upp úr
töskunni varð ég græn að öfund.
Einhvern veginn hef ég aldrei lagt í að kaupa föt á netinu. Það helgast
kannski af því að mér finnst svo ógurlega gaman að fara í búðir. Það er
einhver sérstök tilfinning sem heltekur konu þegar hún handfjatlar flík,
mátar, verður að eignast, lætur vaða og labbar svo alsæl með flíkina út úr
búðinni. Ég upplifði þetta sterkt um daginn þegar ég var stödd í Mílanó.
Þar heimsótti ég heimsfræga verslun og hnaut um draumatöskuna um leið
og ég datt inn um bronsklæddan þröskuldinn. Eftir að hafa skoðað hana á
hverjum degi í nokkra daga og hringt ótal símtöl heim til að tékka á
genginu (sem var alltaf jafn ókristilegt) lét ég loks vaða. Þegar ég borgaði
töskuna varð ég heltekin af vellíðan og ég verð eiginlega að játa að ég er
ennþá í sæluvímu. Ætli kaupin hafi þá ekki borgað sig eða að minnsta
kosti ef ég nota hana nógu oft?
Heltekin af vellíðan
Blómakjólar eru afar áberandi í sumar og ekkert lát
verður á þeirri tísku þegar tekur að hausta. Banda-
rískir hönnuðir eins og Diane Von Furstenberg,
Michael Kors og Erin Fetherston og franska tísku-
húsið Chloé sýndu ýmsar útgáfur af blómum: síðir
draumkenndir kjólar, grafískari mynstur í hippastíl
og jafnvel heilu kápurnar alsettar fögrum blómhnöpp-
um. Í sumar er líka um að gera að grafa upp fallega
blómakjóla enda fátt sem hæfir árstíðinni betur.
amb@frettabladid.is
TÍSKUPALLARNIR BLÓMSTRA Í
ORÐSINS FYLLSTU MERKINGU:
Blómarósir
KVENLEGT
Fallegur siffon-
kjóll frá Erin
Fetherston fyrir
haust/vetur
2008.
ÞJÓÐLEG ÁHRIF
Skemmtilegur
stuttur kjóll með
blómamynstri frá
Anna Sui.
ÁLFAMÆR
Gyðjulegur
síðkjóll með
svörtum
toppi frá Erin
Fetherston.
LILLABLÁTT Ægi-
fögur og kvenleg
blanda hjá banda-
ríska hönnuðinum
Michael Kors.
Á Sundance-kvikmyndahátíðinni
verður hátískuhönnuðurinn Yves
Saint Laurent tekinn fyrir sérstak-
lega og tvær kvikmyndir sýndar um
ævi hans og feril. Hin fyrri heitir
Yves Saint Laurent: His Life and
Times. Hún er eftir leikstjórann
David Teboul og fjallar um uppvöxt
þessa merka hönnuðar í Alsír, feril
hans hjá Dior og frægðarsólina
hjá eigin merki. Seinni kvikmynd-
in, einnig eftir Teboul, heitir 5,5
Avenue Marceau 75116 Paris og
sýnir Saint Laurent að hanna sína
síðustu línu árið 2001.
> YVES SAINT LAURENT Á SUNDANCE
Guðdóm-
lega sexí
svarta skó
með ökkla-
bandi frá
Gucci. Fást hjá
Sævari Karli.
Kynþokka-
fullt eldrautt
gloss á varirn-
ar frá Chanel.
Dásamlega
sumarlegan og
fallegan kjól frá
See by Chloé.
Fæst í Trilogiu
OKKUR
LANGAR Í
…
Opið á sunnudag 13 17
Laugavegur 41a
STÓR-
MYNSTRAÐ
Hressandi
rauðrósótt-
ur kjóll frá
Michael Kors.