Fréttablaðið - 22.06.2008, Síða 20

LEYNIVOPNIÐ
„Það yrðu engar kökur til nema hrærivélin mín væri
á staðnum,“ segir Dóra Hrönn Gústafsdóttir um
leynivopnið sitt í eldhúsinu, sem er forláta hrærivél.
Sú er af gerðinni KitchenAid og hvít að lit. Dóra
keypti vélina á sínum fyrstu búskaparárum eftir að
hafa fengið aðra að gjöf sem stóðst ekki kröfurnar.
„Ég sá að marengsinn yrði aldrei góður nema ég
fengi almennilega hrærivél,“ segir hún og hlær. „Ég
bakaði á hverjum einasta degi fyrst þegar ég fór að
búa og nú baka ég allt brauð, kökur og smákökur og
læt hrærivélina gera allt fyrir mig. Þetta voru mjög
góð kaup. Þegar ég veit að von er á gestum þá skelli
ég í eina köku og finnst það lítið mál.“
Dóra er dugleg að prófa nýjar uppskriftir og til-
búið kökumix á ekki upp á pallborðið hjá henni. Það
eru helst „stubbarnir á heimilinu“ eins og hún nefnir
dætur sínar sem fá að spreyta sig á því, en yfirleitt
endar afgangurinn í ruslinu. Dóra segir stubbana lítt
hrifna af mikilli tilraunamennsku í bakstrinum og
vilja bara sína gömlu góðu skúffuköku. Húsbóndinn
borði hins vegar allt en hún reyni að eiga alltaf eitt-
hvað heimabakað til í frystinum. Smákökusortirnar
fyrir jólin hafa farið upp í sextán talsins, en Dóra er
hússtjórnarskólagengin.
„Það eru tuttugu ár síðan ég gekk í Hússtjórnar-
skólann á Hallormsstað og á enn gömlu matreiðslu-
bókina mína síðan úr skólanum. Þetta var skemmti-
legur tími og ég gæti vel hugsað mér að hitta
skólasysturnar aftur. Ég bý enn að þessari reynslu
en við mágkonurnar steiktum 750 kleinur um daginn
úr átta kílóum af degi,“ segir Dóra og fer að hræra í
afmælistertu handa tengdamóður sinni í hrærivél-
inni góðu. - rat
Á alltaf heimabakað
Það yrðu engar kökur til án hrærivélarinnar, segir Dóra Hrönn
Gústafsdóttir. FRÉTTABLAÐIÐ/HEIÐA.IS
S. 440-1800 www.kælitækni.is Okkar þekking nýtist þér ...
Blandarinn sem allir eru
að tala um!
Mylur alla ávexti, grænmeti klaka
og nánast hvað sem er
Hnoðar deig
Býr til heita súpu og ís
Hraðastillir
Lífstíðareign!
y g
4 matur
Sítróna er ávöxtur sem er notaður í bæði mat og drykki. Hún er blend-ingsafbrigði sítrostrés sem er rækt-
að á hitabeltinu og á heittempruðum
svæðum. Tréð getur orðið allt að sex
metrar á hæð en er þó yfirleitt mun
minna.
Uppruni sítróna er óljós þó að talið sé
að hann megi rekja til Kasmír. Sítrónur
bárust til Kína fyrir um 4.000 þúsund
árum, en Írakar og Egyptar kynntust
þeim um 700 eftir Krist. Egyptar gerðu
úr þeim safa, sem var vinsæll í heimi
Araba og þjóða við Miðjarðarhafið í
kringum 1100 eftir Krist.
Kristófer Kólumbus kynnti sítrónur
fyrir íbúum Ameríku þegar hann
sigldi þangað 1492. Spænsku
landkönnuðirnir gróður-
settu sítrónufræ í Nýja
heiminum. Þær voru
komnar til Kaliforníu
og Flórída á sautjándu
og átjándu öld þar sem
farið var að nota þær í
matargerð.
Sítrónur eru svo súrar að
erfitt er að borða þær einar og sér.
Þær er þó hægt að nota í margs konar
rétti og drykki til að bragðbæta og gera
ferskari. Sítrónusneiðar eru oft bornar
fram með ýmiss konar mat, til dæmis
kjötmeti og fiski. Þæru eru einnig
vinsælar í drykki eins og til dæmis
sangría eða gin og tónik.
Sítrónur má líka nota þegar
losna á við ýmiss konar bletti
sem hafa sest í föt eða dúka. Eins
er hægt að losna við fituskán
innan úr örbylgjuofnum með því
að setja sítrónusneiðar í vatnsskál
og inn í ofninn þar sem vatnið er látið
hitna vel. Svo nægir að strjúka örbylgju-
ofninn að innan með klút, en þá hverfa
óhreinindin hratt og örugglega. - mmr
N
O
RD
IC
PH
O
TO
S/
G
ET
TY
HRÁEFNIÐ: Sítróna
Margþætt hlutverk
1. Sítrónur eru fallega sumarlegar.
2. Sitrónur eru góðar út í drykki.
3. Ekki er verra að setja sítrónur í salatið til þess gefa
því ferskan blæ.
4. Sítrónusneiðar eru oft notaðar með kjötmeti og fiski.
Frostpinni er sumarlegur eftirréttur, sérstaklega
vinsæll meðal barna, búinn til úr bragðbættum
frosnum vökva í ýmsum litum, sem pinni er
festur í.
Fyrsti frostpinninn sem sögur fara af var búinn
til árið 1905. Frank litli Epperson, ellefu ára gam-
all strákur frá San Francisco, skildi glasið sitt
eftir úti á verönd yfir nótt. Í glasinu var vatn
íblandað sódavatnsdufti eins og vinsælt var á
þeim tíma en í því var líka trépinni til að hræra
með. Frost var úti og daginn eftir kom Frank að
vatninu frosnu. Eftir að hafa látið heitt vatn renna
á glasið losnaði klakinn úr og gat Frank þá sleikt
pinnann með sódavatninu. Þessi uppfinning var
Frank greinilega hugleikin, en sautján árum síðar
sótti hann um einkaleyfi á „frosnum klaka á
pinna“ undir nafninu Epsicle. Stuttu síðar endur-
nefndi hann vöruna Popsicle, sem í dag er eitt
þekktasta vörumerki í Bandaríkjunum. Frost-
pinni er iðulega kallaður popsicle á ensku, sama
frá hvaða fyrirtæki hann kemur.
Auðvelt er að búa til frostpinna heima fyrir og
fást þar til gerð box víða. Ef fólk vill sleppa við
sykurinn er sniðugt að hella hreinum ávaxtasafa
í boxin og búa til ávaxtasafafrostpinna, sem eru
mjög vinsælir og hollir. - mþþ
UPPGÖTVAÐUR FYRIR TILVILJUN
Frostpinnar eru vinsælir á meðal barna og fullorðinna.
NORDICPHOTOS/GETTY
1
3
4
2
Sítróna