Fréttablaðið - 25.06.2008, Qupperneq 21

[ ]
Margrét Kristjánsdóttir hjúkr-
unarfræðingur kann vel við sig
innan um mold og gróður og
skemmtilegast þykir henni að
skipuleggja garða.
„Ég er alin upp við að vera alltaf úti
í góða veðrinu og nú horfir þetta til
vandræða því ég kemst aldrei inn
til að gera neitt að gagni. En það er
svo sem nóg að gera úti við,“ segir
Margrét hlæjandi þegar hún er
heimsótt í eigin garð í Mosfells-
bænum sem hún tók við í vetur og
nýtir sumarfríið til að setja hann í
stand. „Hér var bara gras og rætur
af níu trjám sem höfðu verið felld í
fyrra. Ég fékk það verkefni að
grafa upp ræturnar og það var góð
líkamsrækt. Nú er ég líka langt
komin með að rífa upp grasið,“
segir hún og lýsir tilhöguninni
nánar.
„Mér finnst best að byrja á mann-
virkjum og er búin að setja upp
gróðurhús og arinn, búa mér til
matjurtagarð og safnkassa og byrj-
uð að planta. Ég ætla að vera með
eitthvað grannvaxið og fínlegt, eins
og klifurrós, klifurhortensíu og
humal sem fara upp með girðing-
um og veggjum og ekkert sem verð-
ur hærra en þrír metrar. Mér finnst
gaman að spila saman grófu og
fínu, tilklipptu og öðru sem vex
frjálst og blanda saman lauflitum.
Það er orðið margt sem lifir og
dafnar hér á landi.“
Greinilegt er að Margrét er vön
svona vinnu enda kveðst hún hafa
alist upp við garð og ræktað eigin
garða í bráðum þrjátíu ár. „Ég hef
átt skemmtilegt úrval af görðum.
Einn var flag sem ég þurfti að vinna
frá grunni, annar gamall og úr sér
vaxinn og honum umturnaði ég.“
Auk eigin garða kveðst hún hafa
skipulagt garða fyrir ættingja og
aðra sem hafi spurt hana ráða. „Ég
hef eignast skemmtilega vini út á
þetta áhugamál,“ segir hún bros-
andi. En hvaða heilræði á hún handa
þeim sem eru að koma sér upp
nýjum görðum? „Mér finnst mikil-
vægt að meta hvað passar garðin-
um sjálfum og legg áherslu á að
velja ekki plöntur sem þurfa mikla
fyrirhöfn, vinnu og dekur. Garðar
eiga bara að vera til ánægju.“
Eiga að vera til ánægju
Hænurnar hafa það gott í hænsnagerðinu hjá Margréti.
Blómapottar undir blómin eru nauðsynlegir. Fallegir blóma-
pottar lífga upp á og setja annan svip á heimilið. Gaman að
kaupa sumarpotta með flottu mynstri og setja falleg sumar-
blóm í.
Ragmagns nuddpottur (49 stútar)
4you.is • Eddufelli 2 • 111 Reykjavík • Sími 564-2030 690-2020
Acryl pottur
6 manna m/legubekk
Trappa og lok fylgir
Einangraður fyrir íslenskar aðstæður
Vínkælir
Útvarp
Kemur með Fossi
49 stútar
Tvær 3 ha. dælur
Ein hringrásadæla
Sjálfvirkt “Ozonizer” hreinsikerfi
LED ljós
5.5 kW hitari
Þyngd: 300 kg
Stærð: 228x228
Hæð: 92
Code: 082363-SKT338L
Allir þeir sem staðfesta pöntun fyrir mánaðarmót fá pottana á gamala genginu
495.000 kr.