Fréttablaðið - 22.07.2008, Síða 21

ÍÞRÓTT • MENNING • LÍFSSTÍLL
lh hestar
ÞRIÐJUDAGUR 22. JÚLÍ 2008
Stóðhesturinn Aris frá Akureyri
varð efstur í A-flokki gæðinga
á Landsmóti hestamanna á
Gaddstaðaflötum. Knapi var
Árni Björn Pálsson. Bættust
þeir félagar þar með í hóp
fárra útvaldra sem unnið hafa
þennan titil, sem þykir einn sá
eftirsóknarverðasti í hesta-
mennskunni.
Úrslitin í A-flokki voru dramat-
ísk. Fyrirfram spáðu flestir hinum
reynda knapa Sigurbirni Bárð-
arsyni fyrsta sætinu. Er það eini
stóri titillinn sem hann hefur ekki
unnið á löngum og litríkum ferli
og því mikið í húfi. Hann hafði úr
að spila tveimur úrvals gæðing-
um, þeim Stakki frá Halldórsstöð-
um, sem er í eigu Kára Stefánsson-
ar, og Kolskeggi frá Oddhóli, sem
er stóðhestur úr hans eigin rækt-
un. Kolskeggur var efstur bæði í
forkeppni og milliriðli og þar með
efstur inn í úrslit. Stakkur þurfti
að keppa í B-úrslitum, vann þau og
þar með réttinn til að keppa í A-úr-
slitum.
ÆÐRI MÁTTARVÖLD GRÍPA Í TAUMANA
Það ríkti mikil eftirvænting um
það hvorn hestinn Sigurbjörn
myndi velja. Stakkur er óhemju
sterkur í úrslitum. Það fór klið-
ur um brekkuna þegar hann reið
Kolskeggi inn á völlinn. Það voru
að sama skapi mikil vonbrigði
þegar ljóst varð að Stakkur var
ekki með í úrslitunum. Þótti mörg-
um það óvirðing við hestinn og
mótsgesti. Kolskeggur byrjaði
vel, var efstur þegar keppnin var
hálfnuð. Hann varð hins vegar
fyrir því óhappi að missa undan
sér skeifu á brokkinu og átti
enga möguleika eftir það. Þóttust
margir skynja að þar hefðu æðri
máttarvöld gripið í taumana. Sig-
urbirni hefði verið refsað fyrir að
velja ekki Stakk. Árni Björn hélt
hins vegar sínu striki á Aris. En
það var mjótt á munum og úrslit-
in ekki ljós fyrr en síðustu tölur
höfðu verið lesnar upp. Sjá viðtal
við Árna Björn á síðu 10.
Dramatísk úrslit í A-
flokki á Landsmóti
Árni Björn Pálsson fagnar sigri í A-flokki gæðinga á Aris frá Akureyri. Þorgerður
Katrín Gunnarsdóttir menntamálaráðherra afhenti verðlaunin. MYND/JENS EINARSSON
Þrítugasta Íslandsmótið í hesta-
íþróttum verður haldið í Víðidal,
félagssvæði Fáks í Reykjavík,
dagana 24.–27. júlí. Mótið er það
stærsta til þessa hvað þátttöku
varðar, um 500 skráningar hjá um
tvö hundruð knöpum.
Þetta er þriðja stóra mótið sem
Fákur heldur á þessu ári. Reykja-
víkurmótið í hestaíþróttum var
haldið þar í vor og síðan hvíta-
sunnumót Fáks, sem var gæðinga-
keppni og úrtaka fyrir Landsmót.
Dagana 14.–17. ágúst mun Fákur
svo halda Íslandsmót barna, ung-
linga og ungmenna. Geri aðrir
betur.
Allir helstu knapar landsins
eru skráðir til leiks að þessu sinni
og ljóst að hart verður slegist á
toppnum. Skemmst er að minnast
spennandi úrslita í tölti á LM2008
þar sem Viðar Ingólfsson á Tuma
og Þorvaldur Árni Þorvalds-
son á Rökkva börðust um hverja
kommu í tölti. Í undirbúningi er að
útbúa leiksvæði fyrir börn í Reið-
höllinni. Aðgangur að því verður
ókeypis en skipulögð gæsla verð-
ur ekki á leiksvæðinu. Mótið hefst
síðdegis á fimmtudag og lýkur síð-
degis á sunnudag.
Því má bæta við að Fákur aug-
lýsir eftir sjálfboðaliðum til starfa
á mótinu. Í staðinn er í boði falleg-
ur reiðjakki fyrir þá sem vinna að
minnsta kosti átta klukkustundir.
Þeir sem vilja slá til geta hringt í
Jón Finn í síma 898-8445.
Íslandsmótið í hesta-
íþróttum þrjátíu ára
Flestir bestu knapar og hestar landsins eru skráðir til leiks á Íslandsmótinu í hesta-
íþróttum. Þar á meðal eru þeir Viðar Ingólfsson og Tumi frá Stóra-Hofi sem sigruðu
tölt á LM2008 eftir harða baráttu. MYND/JENS EINARSSON
Átjánda Landsmót hestamanna
var haldið á Gaddstaðaflötum við
Hellu fyrstu viku júlímánaðar.
Mótið er það fjölmennasta til
þessa. Talið er að um fjórtán þús-
und manns hafi verið á svæðinu
þegar flest var. Sunnlenskir vind-
ar gerðu hressilega vart við sig á
Rangárvöllum fyrstu daga móts-
ins. Í tvígang gerði storm sem
stóð yfir í nokkrar klukkustundir
í hvort skipti. Ætlaði þá allt um
koll að keyra. Flugbjörgunarsveit-
in á Hellu kom fólki til aðstoðar
sem þurfti að taka niður tjöld sín.
Nokkrir fengu gistingu í íþrótta-
húsinu á Hellu. Sem betur fer varð
þó ekkert úr slagviðri sem spáð
var. Veðurguðirnir gengu síðan
til liðs við hestamenn og þrjá síð-
ustu daga mótsins naut fólk hverr-
ar stundar í sól og blíðu.
Síðan skein sól
Sólin skín á efsta stóðhest í fimm vetra
flokki, Óm frá Kvistum. MYND/JENS EINARSSON
„Ég tel nauðsynlegt að vekja upp
meiri félagsvitund á meðal hesta-
manna. Það eru hestamannafélög-
in í landinu sem standa að Lands-
mótinu. Þau ættu að vera sýnilegri
á þeim vettvangi,“ segir Haraldur
Þórarinsson, formaður LH.
„Við þurfum að taka þessa um-
ræðu. Vera vakandi yfir því hvert
við stefnum. Það er alveg ljóst
að ímynd hestamannafélaganna
sjálfra hefur farið halloka í móts-
haldinu. Þetta er ólíkt því sem ger-
ist í flestum öðrum íþróttagrein-
um. Þar er meiri áhersla lögð á
gildi þess að vera í íþróttafélagi;
að menn séu að keppa fyrir sitt
félag, í félagsbúningi. Við getum
litið til heimsmeistaramótanna.
Þar á hvert land sitt svæði í áhorf-
endastúkunni. Það er keppni milli
þjóða og mikil stemning. Allt í
mesta bróðerni, en þetta þjappar
fólki saman og gerir alla að virk-
ari þátttakendum,“ segir Harald-
ur.
Vill auka
félagsvitund
Á heimsmeistaramótum styður hver
þjóð sína menn. MYND/JENS EINARSSON
Magnús Helgi og Þorsteinn Lofts-
synir í Haukholtum í Hruna-
mannahreppi fór beint á toppinn
með fyrsta hrossið sem þeir rækta
og fara með í dóm. Það er hryssan
Elding frá Haukholtum, sem varð
efst í sex vetra flokki hryssna á
LM2008. Elding er undan Hrynj-
anda frá Hrepphólum og Fjöð-
ur frá Haukholtum, sem er ósýnd
hryssa út af Feyki frá Hafsteins-
stöðum og Gulltoppi frá Árna-
nesi. Þeir Haukholtabræður eru
fyrst og fremst fjárbændur en
ákváðu eftir veru sína á Hvann-
eyri að hefja hrossarækt. „Elding
er hörkuhross, hún vill áfram,“
segir Magnús Helgi sem segir að
í Haukholtum hafi alltaf verið til
dugleg og góð reiðhross.
Haukholtabræð-
ur á toppinn
Magnús Helgi og Þorsteinn taka við
verðlaunum fyrir efstu sex vetra hryss-
una á LM2008. MYND/JENS EINARSSON
Formenn nokkurra hestamannafé-
laga og aðrir sem vildu geta sofið
í næði á LM2008 eru afar óhress-
ir með það sem þeir kalla skríl-
slæti á tjaldstæðunum. Aðalhlið-
ið var fært til að þessu sinni og
ekki þurfti að fara í gegnum það
til að komast inn á tjaldstæðin. Er
það ætlan margra að tjaldstæð-
in hafi fyllst af unglingum sem
hafi komið í þeim eina tilgangi að
komast ókeypis á útihátíð. Fram-
kvæmdastjóri Landsmóts segir
að gæsla á svæðinu hafi brugðist.
Formaður Flugbjörgunarsveitar
segir skipulagsleysi um að kenna.
Ekki sé hægt að kalla það skríl-
slæti að syngja og spila á gítar. Sjá
fréttir á bls. 2.
Ekki skrílslæti
að spila á gítar
Fyrir skömmu fór fjöldi hrossa
í WorldFeng, upprunaættbók ís-
lenska hestsins, yfir 300.000
hrossa múrinn. Alls eru 300.200
hross skráð í upprunaættbókinni
hinn 17. júní síðastliðinn. Um 74
prósent hrossanna voru fædd á Ís-
landi, eða 222.459, og næstflest ís-
lensk hross eru skráð fædd í Dan-
mörku um 9 prósent, eða 26.762
hross. Þegar Fengur, forveri
WorldFengs, var opnaður árið 1991
fyrir 17 árum, þá voru um 9.000
hross í gagnagrunni hrossarækt-
arinnar á Íslandi. Í dag eru skráð
hross fædd í 27 löndum. Þennan
góða árangur má þakka frábæru
starfi skrásetjara WorldFengs
um allan heim og þátttakendum í
skýrsluhaldi hrossaræktarinnar.
Upprunabók
stækkar
Söngkonan Elísabet Alla
sló í gegn á Landsmóti hestamanna
BLS. 14