Fréttablaðið - 11.08.2008, Blaðsíða 35
Allt sem þú þarft – alla dagaVeglegir vinningar í boði, dregið 31. ágúst og birt í Ferðalög, aukablaði Fréttablaðsins.
Sumar myndir vinna!
Smelltu sumarmyndinni þinni í ljósmyndakeppni Fréttablaðsins
1. verðlaun
Ferðavinningur frá Sumarferðum að
upphæð 100.000 kr. og Sony Alpha
dslr-a200k 10,2 megapixlar með 18-70 mm
skiptanlegri linsu að verðmæti 90.000 kr.
2. verðlaun
Ferðavinningur frá Sumarferðum að
upphæð 60.000 kr. og Sony Cyber-shot
dsc-t2 8,1 megapixlar með snertiskjá og 4GB
innbyggðu minni að verðmæti 50.000 kr.
3. verðlaun
Ferðavinningur frá Sumarferðum að
upphæð 40.000 kr. og Sony Cyber-shot
dsc-w200 12,1 megapixlar með andlits-
skynjun að verðmæti 40.000 kr.
Gl
æs
i l
egur
fer ðavin
ni
ng
ur
Þú einfaldlega hleður inn
skemmtilegustu myndinni
þinni frá því í sumar á
visir.is/ljosmyndakeppni,
skráir inn upplýsingar um
hvernig má ná í þig og þannig er
sumarmyndin þín kominn í pottinn.
Allar nánari upplýsingar um
fyrirkomulag má finna á visir.is.
Taktu þátt!
Glæsilegi
r vinninga
r í boði.
Gl
æs
i legur
ferðavinn
in
gu
r
Gl
æs
i legur
ferðavinn
in
gu
r
F
í
t
o
n
/
S
Í
A
MÁNUDAGUR 11. ágúst 2008 19
menning@frettabladid.is
Opnaðar voru tvær nýjar sýningar í Skaft-
felli á Seyðisfirði á laugardag. Önnur þeirra
nefnist Handan hugans og er í aðalsýningar-
sal Skaftfells. Myndlistarmennirnir Ásdís Sif
Gunnarsdóttir, Bjargey Ólafsdóttir, Ingibjörg
Magnadóttir og Kristín Eiríksdóttir sýna þar
verk sín. Útgangspunktur sýningarinnar eru
hugleiðingar um sköpunarþörfina, draumana
og litina eins og þær birtast í teikningum
sem listamennirnir teikna upp úr sér. Ásdís
kemur með eitthvað óvænt í pokahorninu
beint frá Póllandi, þar sem hún hefur dvalið
í vinnustofu undanfarið. Bjargey sýnir teikn-
ingar úr seríunni: „Láttu mig í friði, ég er að
reyna að sofa, ég kom ekki til Suður-Amer-
íku til að vinna.“ Ingibjörg teiknar konur alla
daga og Kristín teiknar alls kyns fígúrur upp
úr sér og skrifar gjarnan orð og setningar á
teikningarnar. Hin sýningin sem opnuð var
á laugardag nefnist Höfuðskáld Austfirðinga
og er fjórða sýningin í sýningarröð Vestur-
veggsins í ár. Á þeirri sýningu eiga verk
myndlistar- og tónlistarkonurnar Berglind
María Tómasdóttir og Birta Guðjónsdóttir.
Þær leggja út af sameiginlegri hrifningu sinni
á tónsmíðum, ferli og sögu Inga T. Lárus-
sonar tónskálds, sem jafnan er vísað til sem
höfuðtónskálds Austfjarða en hann fæddist
á Seyðisfirði árið 1892 og bjó á Austurlandi
til dánardags árið 1946. Tónsmíðar Inga T.
við ljóð ýmissa af helstu skáldum þjóðarinn-
ar hafa búið með þjóðinni en þekktust laga
hans eru við ljóðin Ég bið að heilsa, Hríslan
og lækurinn og Ó blessuð vertu sumarsól,
en það sígilda sönglag hefur Birta Guð-
jónsdóttir unnið með í vídeó-hljóðverki á
sýningunni, í samstarfi við Jempie Vermeu-
len, blindan, belgískan götutónlistarmann.
Hljóðverk Berglindar Maríu á sýningunni
samanstendur af tónlist Inga T. Lárussonar
og viðtölum við Austfirðinga af eldri kynslóð-
inni. - vþ
Konur sýna í Skaftfelli ÁSDÍS SIF GUNN-
ARSDÓTTIR Ein
þeirra listamanna
sem nú eiga verk í
Skaftfelli.
Sýning
Nú stendur yfir sýningin „Það sem
augað ekki greinir“ í DaLí Gallerí
á Akureyri, en á henni má sjá verk
eftir Sigurlínu M. Grétarsdóttur.
Sigurlína notar list sína til þess að
draga fram fegurðina í því sem við
sjáum í hversdagsleikanum og
einnig því sem er svo smátt að
augað nemur það ekki. Sýningin
stendur til 24. ágúst.
Næstu sumartónleikar í
Listasafni Sigurjóns fara
fram annað kvöld. Að þessu
sinni eru þeir helgaðir
íslenskri tónlist.
Þær Guðrún Ingimarsdóttir sópr-
ansöngkona og Jónína Erna Arnar-
dóttir píanóleikari koma fram í
Listasafni Sigurjóns, Laugarnes-
tanga 4, kl. 20.30 annað kvöld og
flytja þar fjölbreytta dagskrá með
íslenskum sönglögum, aríum og
leikhústónlist eftir Atla Heimi
Sveinsson, Jón Ásgeirsson, Sig-
valda Kaldalóns, Pál Ísólfsson og
Sigurð Þórðarson, auk annarra.
Fluttir verða meðal annars söngv-
ar úr Gullna hliðinu, Pilti og
stúlku, Sjálfstæðu fólki, Dansin-
um í Hruna og Allra meina bót.
Guðrún Ingimarsdóttir starfar
sem söngkona á meginlandi Evr-
ópu og hefur sungið veigamikil
hlutverk í óperuuppfærslum í
Þýskalandi, Sviss, Englandi og
Íslandi. Guðrún er einnig virk á
sviði kirkju- og óperettutónlistar
og hefur flutt slíka tónlist á fjöl-
mörgum tónleikum vítt og breitt í
Þýskalandi, Ítalíu, Austurríki,
Portúgal, Sviss og Tyrklandi. Hún
er uppalin á Hvanneyri í Borgar-
firði og stundaði söngnám í
Reykjavík og Lundúnum og fram-
haldsnám við einsöngvara- og
óperudeildir tónlistarháskólans í
Stuttgart hjá hinni heimsfrægu
söngkonu Sylviu Geszty.
Jónína Erna Arnardóttir píanó-
leikari hlaut grunnmenntun sína í
píanóleik við Tónlistarskóla Borg-
arfjarðar og Tónlistarskólann í
Reykjavík. Hún stundaði fram-
haldsnám við Tónlistarháskólann í
Bergen og lauk þaðan lokaprófi í
píanóleik og söng. Hún starfar nú
sem kennari og deildarstjóri
píanódeildar í Tónlistarskóla
Borgarfjarðar. Hún hefur leikið á
tónleikum með fjölda kóra og ein-
söngvara. Jónína Erna er listrænn
stjórnandi IsNord-tónlistarhátíð-
arinnar í Borgarnesi.
Í ár eru liðin tuttugu ár frá því
að Listasafn Sigurjóns Ólafssonar
var opnað fyrir almenningi og í
haust verða 100 ár liðin frá fæð-
ingu listamannsins sjálfs.
Vikulegir sumartónleikar hafa
verið hluti af starfi safnsins frá
upphafi og fara tónleikarnir fram
í aðalsal safnsins, sem er fyrrver-
andi vinnustofa myndhöggvarans.
Eftir tónleika geta gestir notið
veitinga í kaffistofu safnsins fyrir
opnu hafinu og síðbúnu sólarlagi.
Aðgangseyrir er 1.500 krónur.
vigdis@frettabladid.is
Íslensk sönglög, aríur og
leikhústónlist
GUÐRÚN INGIMARSDÓTTIR Kemur fram ásamt Jónínu Ernu Arnardóttur í Listasafni
Margeir Sigurðarson opnaði sýninguna
„Út á lífið / Party n´ bullshit“ á Café
Karólínu á Akureyri í byrjun mánaðar-
ins. Margeir sótti innblástur sinn við
sköpun verkanna á sýningunni til
skemmtanalífsins og þeirra hliða
mannlegrar hegðunar sem því fylgja.
„Oftar en ekki hef ég fundið sjálfan mig
úti á lífinu að stara yfir allan dýragarð-
inn, öll æðislega vitleysan er svo
skiljanleg en samt á sama tíma svo langt
frá því. Hvert andartak hefur sína sögu.
Engir tveir eru í sama ástandi en allir
eru í leit að einhverju nýju og spennandi
sem virðist vera rétt handan við hornið,“
útskýrir Margeir.
Verkin eru spreyjuð og máluð með
akrýl á striga og á blaðgull.
Margeir útskrifaðist úr Myndlista-
skólanum á Akureyri í vor en hefur nú
þegar tekið þátt í samsýningum og sett
upp nokkrar einkasýningar. Sýning hans
á Café Karólínu stendur til 5. september.
- vþ
Skemmtanalífið í
allri sinni dýrð
LITRÍKT UPPKAST Verk eftir
Margeir Sigurðarson.
Erfingjar listmálarans Jóhannnes-
ar Geirs hafa tilkynnt að þeir
hyggist gefa Listasafni Skagfirð-
inga málverk, skissur, ljósmyndir
og önnur gögn listamannsins, sem
féll frá fyrir nokkrum árum.
Hefur byggðarráð samþykkt að
þiggja þessa höfðinglegu gjöf með
þökkum. Varðveisla verður í sam-
ræmi við óskir gefenda.
Menningarsögulega er þetta
safn Jóhannesar einstakt. Jóhann-
es Geir er einn þekktasti listmál-
ari sem fæddur er og uppalinn í
Skagafirði og tengsl hans við hér-
aðið voru mikil.
Listasafn Skagfirðinga á nú
þegar milli 20 og 30 myndverk eft-
ir Jóhannes. Samþykkti Byggðar-
ráð Skagafjarðar á fundi sínum
hinn 30. júli að veita 500 þúsund-
um til móttöku og flutnings verk-
anna í Skagafjörð þar sem þau
verða skráð og þeim fyrir komið í
Listasafni Skagfirðinga. - pbb
Gjöf til Listasafns
Skagfirðinga
MYNDLIST Hús, hestar menn – málverk
eftir Jóhannes Geir.