Fréttablaðið - 11.08.2008, Blaðsíða 42
26 11. ágúst 2008 MÁNUDAGUR
HENRY BIRGIR GUNNARSSON
Skrifar frá Peking
henry@frettabladid.is
Örn komst ekki áfram í 100 metra baksundinu:
Stoltið er sært
PEKING 2008 Örn Arnarson náði
ekki að bæta sjö ára gamalt
Íslandsmet sitt í 100 metra bak-
sundi í gær eins og hann ætlaði
sér. Í raun var hann mjög langt
frá því, eða um einni og hálfri
sekúndu, og hann komst því ekki
áfram og endaði í 35. sæti af 45
keppendum.
„Það var ýmislegt jákvætt við
þetta sund og fullt neikvætt líka.
Þetta var besti tíminn sem ég næ
í ár en samt engan veginn nógu
gott. Ég hefði viljað fara miklu
hraðar,“ sagði Örn svekktur. Hann
kom í mark á 56,15 sekúndum en
Íslandsmet hans er 54,75.
„Ég fæ tækifæri til þess að laga
þetta í skriðsundinu en ég get
ekki neitað því að stoltið er sært.
Ég ætlaði mér mun stærri hluti og
svo kemur þessi niðurstaða. Þá er
stoltið að sjálfsögðu sært,“ sagði
Örn, sem hefur gengið í gegnum
miklar hremmingar síðustu mán-
uði, meðal annars farið í hjarta-
þræðingu og svo misst þjálfar-
ann. „Það hjálpaði ekki til en ég
vil ekki kenna neinu um.“ - hbg
VONBRIGÐI Örn Arnarson gat ekki
neitað því að hafa orðið fyrir vonbrigð-
um með 100 metra baksundið í gær.
FRÉTTABLAÐIÐ/VILHELM
PEKING 2008 Það var talsvert annar
bragur á íslenska landsliðinu í
fyrsta leik sínum á ÓL en í fyrstu
leikjum síðustu stórmóta. Strák-
arnir mættu geysilega vel stemmd-
ir til leiks, byrjuðu með látum og
létu forystuna aldrei af hendi. Þeir
lönduðu verðskulduðum sigri, 33-
31, sem hefði hæglega getað orðið
stærri.
Fyrri hálfleikur var ákaflega
góður hjá liðinu; sóknarleikurinn
lifandi og fjölbreyttur og vörnin
small fljótlega vel saman. Mark-
varslan var aftur á móti engin og
það leiddi til þess að Ísland var
aðeins þrem mörkum yfir í leik-
hléi, 19-16.
Ísland náði fljótt fimm marka
forystu í síðari hálfleik, 21-16, en
missti forskotið niður eins og oft
áður. Björgvin var þá byrjaður að
verja vel. Í stöðunni 22-21 virtust
íslensku strákarnir ætla að brotna
undan ágangi rússneska bjarnar-
ins en þeir stóðu af sér slaginn og
sigldu fram úr á nýjan leik. Náðu
mest sjö marka forskoti, 31-24.
Rússar klóruðu í bakkann en það
var of seint og of lítið.
„Ég var mjög meðvitaður um að
ég væri kominn á Ólympíuleika.
Fyrsti leikurinn minn á ÓL, fyrstu
mínúturnar, fyrsta markið og svo
framvegis. Ég ætlaði ekki að eiga
slæmar minningar um minn fyrsta
leik á ÓL,“ sagði Alexander Pet-
ersson brosmildur en hann fór
hreint hamförum í leiknum. Skor-
aði frábær og mikilvæg mörk,
stóð vaktina í vörninni vel, stal
boltum og fiskaði vítakast svo eitt-
hvað sé nefnt. Hann gerði allt í
þessum leik og var frábær.
Alex er fæddur og uppalinn í
Lettlandi og hann var því að mæta
sínum gömlu nágrönnum. Þeir
voru ekki kátir með stórleik hans
og brutu á stundum mjög gróflega
á honum og sluppu ótrúlega vel.
„Ég sagði hæ við þá á rússnesku
fyrir leik og þeir vita að ég er frá
Lettlandi. Kannski voru þeir að
reyna að meiða mig en ég vona
ekki. Ég get ekki neitað því að það
er mjög sérstakt og ánægjulegt
fyrir mig að spila vel gegn Rúss-
um. Þetta er risaþjóð og ákaflega
gaman að vinna þá,“ sagði Alex.
Snorri Steinn Guðjónsson átti
einnig sannkallaðan stórleik. Skor-
aði níu mörk í fyrri hálfleik og öll
tólf skot hans fóru í mark Rúss-
anna.
„Það var ekki bara ég heldur allt
liðið sem var vel stemmt og rétt
innstillt,“ sagði Snorri Steinn hóg-
vær í leikslok. „Fyrsti leikur er
mikilvægur og ákaflega gott að
setja tóninn. Sigur í fyrsta leik
léttir líka lundina og gerir fram-
haldið aðeins auðveldara.“
Alex og Snorri rotuðu Rússana
Strákarnir okkar fengu flugstart á Ólympíuleikunum er þeir lögðu bronslið Rússa frá síðustu leikum í
Aþenu, 33-31, í fyrsta leik sínum. Alexander Petersson og Snorri Steinn Guðjónsson fóru á kostum í íslenska
liðinu. Alexander fékk sér í lagi óblíðar móttökur frá leikmönnum rússneska liðsins en lét það lítið á sig fá.
FRÁBÆR Snorri Steinn Guðjónsson átti
stórleik fyrir íslenska liðið í gær og skor-
aði tólf mörk, þar af sex úr vítum.
FRÉTTABLAÐIÐ/VILHELM
Ólympíuleikarnir í Peking
Ísland-Rússland 33-31 (19-16)
Mörk Íslands (skot): Snorri Steinn Guðjónsson
12/6 (12/6), Alexander Petersson 6 (10), Arnór
Atlason 6 (13), Sturla Ásgeirsson 3 (4), Ólafur
Stefánsson 3 (8/1), Róbert Gunnarsson 2 (4),
Ásgeir Örn Hallgrímsson 1 (1).
Varin skot: Björgvin Páll Gústavsson 12 (34/5)
35%, Hreiðar Levý Guðmundsson (8/2).
Hraðaupphlaup: 5 (Alexander 2, Arnór 2,
Ásgeir).
Fiskuð víti: 7 (Róbert 3, Ólafur, Arnór, Snorri,
Alexander).
Utan vallar: 6 mínútur.
Mörk Rússa: Konstantin Igropulo 9, Alexander
Tsjernoivanov 5, Eduard Koksharov 4, Alexej
Rastvortsev 4, Egor Evdokimov 2, Alexej Kam-
anin 2, Dmitrí Kovalev 2, Timur Dibirov 1, Denis
Krivoshljkov 1, Vasilí Filippov 1.
Varin skot: Oleg Grams 16, Alexej Kostygov 2.
Hraðaupphlaup: 8
Utan vallar: 12 mínútur.
ÚRSLIT
PEKING 2008 Erla Dögg Haralds-
dóttir fann sig engan veginn í 100
metra bringusundinu í Peking í
gær. Hún kom í mark á 1:11,78
mínútum sem er rúmri sekúndu
frá Íslandsmeti hennar. Hún hafn-
aði í 40. sæti af 49 keppendum og
var þar að leiðandi fjarri því að
komast áfram.
„Ég er alls ekki nógu ánægð
með þetta. Ég veit ekki alveg hvað
var að í dag. Ég bara fann ekki
flæðið og hef ekki verið að finna
það síðan ég kom hingað. Af hverju
veit ég ekki,“ sagði Erla Dögg,
hundsvekkt skömmu eftir sundið,
en hún keppir í 200 metra fjór-
sundi í dag.
„Ég ríf mig upp fyrir það og
reyni að gera betur. Ég ætla mér
að vera tilbúin en vonandi truflar
þessi frammistaða mig ekki neitt,“
sagði Erla og var rokin.
Erla Dögg á einnig Íslandsmetið
í 200 metra fjórsundi, 2:18,74, sem
hún setti í Laugardalslaug í byrj-
un apríl á þessu ári.
- hbg
Erla Dögg var vonsvikin með dapurt sund hjá sér:
Veit ekki hvað var að
ÁKVEÐIN Í AÐ GERA BETUR Erla Dögg
var ekki ánægð með frammistöðu sína
í 100 metra bringusundi í gær en er
ákveðin í að gera betur í 200 metra
fjórsundi í dag. FRÉTTABLAÐIÐ/VILHELM
PEKING 2008 „Það er gríðarlega
mikilvægt að byrja vel. Ég hafði
góða tilfinningu fyrir þessum leik
og það gekk eftir,“ sagði Guð-
mundur Guðmundsson landsliðs-
þjálfari kátur í leikslok.
„Það sem er líka ánægjulegt er
að varnarleikurinn var mjög
góður fyrir utan kannski fyrstu
tíu mínútur leiksins. Sóknarleik-
urinn var allan tímann mjög
fjölbreyttur. Auðvitað var smá
hökt á köflum en það gerist
stundum,“ sagði Guðmundur en
góð byrjun hefur ekki verið
aðalsmerki íslenska liðsins á
síðustu stórmótum.
„Ég sagði við strákana að fara á
völlinn og njóta sín. Þeir hafa lagt
mikið á sig og þeir tóku mig á
orðinu. Framhaldið verður mjög
erfitt en við mætum grimmir til
leiks gegn Þjóðverjum.“ - hbg
Guðmundur Guðmundsson:
Strákarnir tóku
mig á orðinu
ÁNÆGÐUR Guðmundur var sáttur með
bæði vörn og sókn íslenska liðsins.
FRÉTTABLAÐIÐ/VILHELM
PEKING 2008 Guðjón Valur
Sigurðsson lék ekkert með gegn
Rússum vegna meiðsla á ökkla
sem hann hlaut á æfingu. Sturla
Ásgeirsson leysti hann af hólmi
og stóð sig mjög vel. Guðjón fékk
því nauðsynlega hvíld og vonandi
verður hann klár í næsta leik.
Aðspurður um stöðu mála sagði
Guðjón:
„Ég veit það ekki. Við sjáum
bara til,“ sagði Guðjón og brosti í
kampinn. - hbg
Meiðsli Guðjóns Vals:
Enn óvissa
FÓTBOLTI Keppnistímabilið hjá
liðum í ensku úrvalsdeildinni
mallaði rólega af stað í gær með
hinum árlega leik um Samfélags-
skjöldinn þar sem Manchester
United vann Portsmouth, 3-1,
eftir vítaspyrnukeppni.
Staðan var markalaus eftir
venjulegan leiktíma og lítið um
opin færi en Eng-
landsmeistar-
ar United voru
þó sterkari
aðilinn.
Hermann
Hreiðarsson
var í byrjunar-
liði Portsmouth en
var skipt út af í
síðari hálfleik. - óþ
Samfélagsskjöldurinn:
United vann
SIGURREIFUR Landsliðsþjálfarinn
Guðmundur Guðmundsson
hafði ástæðu til þess að fagna í
gær þegar Ísland vann Rússland.
FRÉTTABLAÐIÐ/VILHELM