Fréttablaðið - 03.09.2008, Blaðsíða 21

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
GAGNLEGAR UPPLÝSINGAR ætlaðar börnum er að finna
á vefsíðu Umferðarstofu www.us.is undir liðnum umferðar-
fræðsla. Þar eru meðal annars leikir sem börn geta spilað á
netinu til að öðlast betri innsýn og þekkingu á ýmsu sem
lýtur að öryggi í umferðinni.
„Á gamla vinnustað mínum í Þor-
lákshöfn var myndaður gönguhóp-
ur fyrir rúmum áratug og höfum
við farið í allnokkrar ferðir. Fyrstu
þrjú árin gengum við innanlands en
höfum svo þrívegis farið til útlanda
og nú síðast til Grikklands,“ segir
Guðmundur Hermannsson, fulltrúi
á Skattstofu Reykjanesumdæmis,
sem einnig hefur farið með hópn-
um til Ítalíu og Spánar.
Ferðin til Grikklands, sem var á
vegum Úrvals-Útsýnar, hófst á Krít
en þaðan var siglt yfir til Aþenu og
Akrópólíshæð barin augum. „Þaðan
var svo keyrt í lítið þorp sem heitir
Kala Nera en þar dvöldum við í sex
nætur meðan á gönguferðunum
stóð. Frá þorpinu var ýmist gengið
eða farið með rútu og yfirleitt voru
gönguferðirnar um fjögurra til sex
tíma langar,“ segir Guðmundur en
meðal annars var gengið við rætur
Ólympusfjalls, hæsta fjalls Grikk-
lands, og um hin ýmsu þorp.
Guðmundur segir ferðina hafa
verið ljómandi góða og hitann ekki
óbærilegan. „Ég hef einu sinni
gengið á Krít seint um sumar og þá
var hitinn svo mikill að varla mátti
nema staðar án þess að standa
undir laufguðu tré. Í slíkum hita er
reynt að leggja af stað snemma á
morgnana til þess að það sem er
upp í móti sé að baki þegar sólin er
komin hæst á loft.“
Guðmundur segir að gönguferðir
sem þessar gefi færi á því að kynn-
ast landi og þjóð með allt öðrum
hætti en á hefðbundnum ferðalög-
um og lýsir síðustu ferð sem and-
lega upplífgandi. vera@frettbladid.is
Gengið um Grikkland
Gönguferðir gefa nærtæka mynd af umhverfinu og eru í senn heillandi útivist og líkamsrækt. Þetta veit
Guðmundur Hermannsson sem hefur verið í gönguhóp um árabil og gengið bæði hér heima og erlendis.
Guðmundur Hermannsson er hæstánægður með ferðina til Grikklands. FRÉTTABLAÐIÐ/VILHELM
• 5 tímar í skvass
• 5 tímar í Golf
• máltíð á BK Kjúkling
• 5 tímar í ljós
• frítt í allar ÍTR sundlaugarnar
• frír mánuður fyrir vin
• tækjakennsla
• bolur
• brúsi
Sport
Klúbburinn
Alla
miðvikudaga
og
laugardaga