Fréttablaðið - 03.09.2008, Blaðsíða 33

MIÐVIKUDAGUR 3. september 2008 17
UMRÆÐAN
Bryndís Ísfold Hlöðversdóttir skrifar
um heimgreiðslur
Falskir tónar streyma nú úr ráðhúsi Reykjavíkur þar sem Framsóknarflokk-
ur og Sjálfstæðisflokkurinn reyna að stilla
saman strengi sína á ný. Síðasta feilnótan
heyrðist úr leikskólaráði þegar heimgreiðsl-
ur voru endanlega samþykktar í vikunni
sem leið, en þá snarsnérist framsókn um
sjálfan sig í málinu. Fyrir örfáum mánuðum
taldi fulltrúi Framsóknarflokksins að fyrir-
áætlanir Sjálfstæðisflokksins um heim-
greiðslur – vera skref aftur á bak í jafnrétt-
isbaráttunni. Nú aftur á móti þegar
framsókn er komin í faðm Sjálfstæðis-
flokksins er í lagi að senda konurnar heim.
„Þjónustutryggingin“ sem meirihlutinn
kallar nú heimgreiðslurnar átti að
fela í sér „tryggingu“ í formi 35
þúsund króna, fyrir þá foreldra
sem biðu eftir plássi fyrir barn sitt
á leikskóla eða hjá dagforeldri. Nú
hins vegar stendur greiðslan til
boða fyrir foreldra barna yngri en
24 mánaða eftir að fæðingarorlofi
lýkur, þrátt fyrir að barninu standi
dagvistun til boða.
Gert er ráð fyrir að 260 milljónir
fari í heimgreiðslur næsta eina og
hálfa árið. Hverju barni fylgir 35
þúsund krónur sem er fráleit upp-
hæð sem er langt frá því að duga
sem framfærsla fyrir barn og full-
orðinn. Betur væri að verja þeim fjármun-
um í að hraða uppbyggingu leikskólanna í
borginni, fjölga plássum svo hægt sé að
lækka innritunaraldur barna. Auk þess sem
verulega þarf að huga að leiðum til
að hækka laun starfsmanna, ekki
síst til að vinna bug á mannekl-
unni. Þá teljum við að þrýsta þurfi
á ríkisstjórnina að flýta lengingu
fæðingarorlofsins enda er það
mikilvægt að foreldrar geti verið
lengur heima með börnum sínum,
en með sómasamleg laun. Ef meiri-
hlutanum er alvara með því að
greiða foreldrum svo þau geti átt
lengri samveru með börnum sínum
fyrstu mánuðina þarf sú upphæð
að vera í takt við rauntekjur fólks
– ekki smánarlaun eins og nú er
boðið upp á.
Áhrif heimgreiðslna í Noregi og Finn-
landi hafa sýnt að nær eingöngu konur nýta
sér þær, ástæðan er að þær hafa að jafnaði
lægri laun en karlar, líkt og hérlendis. Þessi
staðreynd hefur því styrkt gamaldags hlut-
verkaskiptingu kynjanna á heimilinu og eru
taldar hafa dregið verulega úr jafnrétti
kynjanna. Heimgreiðslurnar vinna því bein-
línis gegn markmiðum feðraorlofsins í því
að jafna þátttökumöguleika beggja kynja í
uppeldi barna sinna, ný samþykktum jafn-
réttislögum og mannréttindastefnu borgar-
innar.
Bilið sem myndast hefur á milli loka fæð-
ingarorlofs og þar til dagvistun fæst fyrir
barn er ekki viðunandi ástand en stjórn-
málamenn verða að sýna ábyrgð og vinna
að lausn vandans til frambúðar en ekki
freistast til að plástra ástandið – á kostnað
kvenna.
Höfundur er fulltrúi Samfylkingarinnar í
leikskólaráði.
Heimgreiðslur – afturhvarf til forneskju
UMRÆÐAN
Helgi Helgason skrifar um
hagsmuni Rússa á Íslandi
Með hliðsjón af því sem hefur verið að gerast í Georgíu
verðum við Íslendingar að spyrja
okkur að því hvort við viljum
virkilega taka þá áhættu að Rúss-
ar eigi hér efnahagslegra hags-
muna að gæta. Hér er ég að tala
um olíuhreinsunarstöð sem ein-
hverjir aðilar
virðast vinna
hörðum hönd-
um að koma á
fót á Vest-
fjörðum. Ég
segi einhverj-
ir aðilar
vegna þess
að það er með
þessa olíu-
hreinsunar-
stöð líkt og
með Frétta-
blaðið forð-
um, það virð-
ist vera farið með það sem
mannsmorð hverjir eigi fyrir-
tækið. Þó hefur það vitnast að
stöðin verði í eigu rússneskra
aðila en ekki hverra.
Rússar hafa farið hamförum í
Georgíu og Ossetíu. Ekki einung-
is hafa traust vitni borið þeim illa
söguna heldur hafa borist af þeim
myndir þar sem klárlega sést að
rússneskir hermenn haga sér
eins og verstu níðingar. Og við
skulum athuga það að voðaverk
Rússa eru mjög sennilega framin
að skipun valdhafa í Moskvu.
Ofan í allt saman ljúga svo rúss-
neski forsetinn, forsætisráðherr-
ann og hershöfðingjar til um
brottflutning rússneska hersins
eins og um var samið í vopna-
hléssamkomulagi milli Georgíu
og Rússlands að tilstuðlan vest-
urvelda.
Nú eru Rússar farnir að efla
heraflann sinn að nýju. Flugvélar
þeirra eru farnar að fljúga fram-
hjá og umhverfis Ísland á nýjan
leik. Rússneski sendiherrann á
Íslandi sagði í viðtali í sjónvarp-
inu, með þjósti, að Íslendingar
ættu bara að sætta sig við þetta.
Þegar fréttamaðurinn spurði
sendiherrann eitthvað í þá ver-
una hvort svona hátterni væri
sæmandi í garð vinaþjóðar þá
kom hik á hann og augun hring-
snerust í hausnum á honum. Mér
fannst eins og í þögninni og hik-
inu hjá honum fælust orðin: „Við
erum ekki vinaþjóð ykkar.“
Það er undarlegt fyrir mig sem
gömlum NATO-sinna og sjálf-
stæðismanni að enda þessa grein
á því að biðla til ráðherra Sam-
fylkingarinnar um að koma í veg
fyrir þessi áform um olíuhreins-
unarstöð. Á hugsjónalausu hags-
munasamtökin sem kalla sig
Sjálfstæðisflokk er ekki lengur
að treysta.
Höfundur er stjórnmálafræðingur
og formaður Frjálslynda flokksins
í Reykjavík.
Tvíeggjað
sverð
HELGI HELGASON
BRYNDÍS ÍSFOLD
HLÖÐVERSDÓTTIR
Haustnámskeið
í Tónvinnsluskóla Þorvaldar Bjarna
HAUSTNÁMSKEIÐIN HEFJAST Í SEPTEMBER
ÞAR SEM ÖLL FJÖLSKYLDAN GETUR FUNDIÐ EITTHVAÐ VIÐ SITT HÆFI Í TÓNLISTINNI.
Námskeiðin hefjast í september.
Kennt verður í Kópavogi, Grafarvogi, Foldaskóla eftir
að venjulegum skólatíma líkur og hljóðveri RMP
Skráningar á heimasíðunni www.tonvinnsluskoli.is
eða í síma 534 9090 Sponsored Digidesign School
*Nánari upplýsingar á www.itr.is
um möguleika Frístundakortsins.
Á ekki við um námskeið í tónvinnslu.
Gítarnámskeði fyrir byrjendur
Viltu vera stjarnan í partýinu eða
geta spilað lag fyrir ástina þína?
Langar þig kannski að stofna
hljómsveit? Þetta námskeið er
kjörinn byrjunarreitur. Kennsla fer
fram í hóptímum þar sem raðað er
niður eftir stöðu hvers og eins.
Markmið námskeiðsins er að
nemendur læri undirstöðuatriði
gítarleiks og kunni helstu gítagripin.
Lengd námskeiðs: 12 vikur
Aldur: Fyrir alla aldurshópa.
Fyrir þá sem vilja læra meira
Við bjóðum lengra komnum gítar-
leikurum upp á einkakennslu þar
sem farið er nánar í tækniatriði,
hljómfræði og kenndar upphafslínur
og þekkt sóló úr lögum flytjenda á
borð við Metallica, Led Zeppelin,
Nirvana o.fl. Uppbygging gítarsólóa
og notkun skala er kennd í bland
við skemmtileg gítar-"trix". Farið
verður í mismunandi “karakter”
-tegundir gítara og- gítarmagnara
og notkun þeirra í hljóðverum.
Lengd námskeiðs: 12 einkatímar
Aldur: Fyrir alla aldurshópa.
Kennarar að þessu sinni eru: Vignir Snær
Vigfússon, Gunnar Þór Jónsson og Hafþór
Valur Guðjónsson.
Söngur og framkoma
Þetta er nú í áttunda skipti sem
þetta skemmtilega og gagnlega
námskeið er haldið. Margrét Eir
Hjartardóttir sem leiðir þetta
námskeið sem fyrr en hún
útskrifaðist sem söngkennari frá
Linklater akademiunni í New York í
fyrra. Þetta er námskeið fyrir þá sem
ætla að fara að stíga sín fyrstu skref
á söngsviðinu t.d. með því að fara á
áheyrnarprufur leikhúsanna,
sjónvarpsstöðvanna eða jafnvel
ganga til liðs við hljómsveit. Einnig
hentar þetta þeim sem lengra eru
komnir sem vilja leysa ákveðin
vandamál hjá sér eins og t.d. hæsi
eða þreytu í raddböndum.
Barna- og unglinganámskeið
Þá er komið að nýju námskeiði fyrir
þá yngri. Núna verður námskeiðið
byggt upp í kringum Evróvisjónæði
okkar Íslendinga. Skólinn á í fórum
sér undirspil af öllum Íslensku
Evróvisjónlögunum og mun
námskeiðið miða að því að
undirbúa skemmtilega tónleika
fyrir vini og vandamenn.
Kennarar að þessu sinni eru Jón Jósep
Snæbjörnsson Evróvisjónfari
og Hulda Dögg Proppé.
Gestir verða Evróvisjónhetjurnar
Selma Björnsdóttir og Birgitta Haukdal.
Tónvinnsluskólinn „Sponsored
Digidesign School“
Nýlega gerðu Tónvinnsluskólinn og
Digidesign með sér samstarfssamning
um þjálfun nemenda í Pro Tools og
kallast nú Tónvinnsluskólinn
„Digidesign Sponsored School“.
Þetta veitir okkur rétt til að kenna til
alþjóðlega viðurkennds prófs
Pro Tools 101 og Pro Tools 110.
101 gráðan gerir mönnum kleift að
nota Pro Tools til eigin hagsmuna við
lagasmíðar og upptökur meðan að
110 gráðan gerir mönnum kleift að
nota Pro Tools í hljóðversumhverfi
atvinnumannsins.
Veitir rétt til framhaldsnáms
Eftir að hafa tekið þessi próf geta
nemendur farið beint í 201 og 210
gráðurnar erlendis sem gerir menn
að viðurkenndum „Pro Tools
Operator“ sem gefur möguleika á
störfum hér og erlendis í hljóðverum
og kvikmyndaverum.
25.000 kr. niðurgreiðsla fyrir þá sem geta notað Frístundakort ÍTR*