Fréttablaðið - 02.10.2008, Blaðsíða 31

FIMMTUDAGUR 2. október 2008 3
Í miðjum fjármálalegum fellibyl hófst tískuvikan „sumar 2009“ í París á sunnudag og ekki beinlínis
hátíðarstemning. Tíska og lúxus
er ekki það fyrsta sem kemur
upp í hugann meðan atvinnu-
leysi í landinu hækkar um tvö
prósent á einum mánuði. Ekki
ólíklegt að innkaupa- og
verslunarstjórar sem hafa
streymt til borgarinnar fari var-
lega í innkaupum fyrir komandi
sumar.
Fjármálakreppan birtist í
fleiri myndum í heimi tískunnar
því sú tíska sem nú er kynnt er
mótuð af kreppunni. Hönnuðir
bjóða upp á einfaldari og not-
hæfari tísku en áður sem hentar
þannig breiðari hópi. Þetta sást
á hátískusýningum fyrir kom-
andi vetur nú í júlí og enn frekar
í sumartísku næsta sumars sem
nú er kynnt.
Dior sýndi á mánudag og þótti
hönnun Johns Galliano óvenju
einföld og notendavæn sem í
sjálfu sér er ekki svo slæmt
fyrir fatnað. Galliano hefur oft
verið uppteknari af því að hanna
fatnað sem er eins og ætlaður
fyrir sýningar en með takmark-
að notagildi. Í þetta sinn var
uppistaðan einföld, stutt pils eða
kjólar úr gegnsæjum efnum í
sterkum litum eins og gulu og
ljósgrænu. Afrísk áhrif sjást
meðal annars í hárgreiðslum þar
sem að fyrirsæturnar höfðu líkt
og afríska trommu gerða úr hári.
Einnig með skartgripum úr kuð-
ungum sem áður voru notaðir í
Afríku sem mynt.
Það var hins vegar annar Eng-
lendingur, Gareth Pugh, dúxinn
þetta árið úr Saint-Martins-skól-
anum í Lundúnum eins og Galli-
ano sjálfur, sem opnaði tískuvik-
una með dálítið sadó/masólegum
fatnaði; blöndu af leðri og vínyl.
Sýningin vakti mikla athygli og
líklegt að þessi 27 ára hönnuður
eigi eftir að láta á sér bera.
Eini ástralski hönnuðurinn
sem sýnir í París og sýndi í upp-
hafi vikunnar, Collette Dinnig-
an, segir í viðtali að það sé rangt
að þeir ríku verði ekki varir við
kreppuna og hún hafi því lítil
áhrif á lúxusframleiðsluna. Verð
hækki stöðugt á fataefnum og
það skili sér í dýrari klæðum.
Víst er að viðskiptavinir sem eru
loðnir um lófana halda að sér
höndum í eyðslunni meðan verð-
bréf eru í frjálsu falli og margir
sem áður höfðu ráð á fínum tísk-
umerkjum geta ekki lengur leyft
sér að eyða eins og áður. Dinn-
ingan er annað dæmi um hönn-
unð sem hefur einfaldleikann að
leiðarljósi. Hún sækir innblást-
ur í herklæði.
Eina von tískuhúsanna um að
gera góð viðskipti um þessar
mundir er að arabískir olíufurst-
ar eða nýríkir Kínverjar og
Rússar líti við. En hversu lengi
munu þeir halda lífi í tískunni?
Jú, þangað til bankarnir þeirra
smitast af hinum en líklega er
bið á að arabísku olíubankarnir
veikist.
bergb75@free.fr
Tískuvika í hvirfilbyl
ÚR HÁBORG TÍSKUNNAR
Bergþór Bjarnason skrifar frá París
Nýjasti kvenilmur Jean Paul
Gaultier er fyrir konur sem
vilja skara fram úr.
Jean Paul Gaultier tileinkar hinni
frjálsu nútímakonu nýjasta ilm
sinn, Ma Dame. Þótt nafnið gefi til
kynna að hann sé ætlaður fínum
dömum þá er hugmyndin gagn-
stæð eða eins og Gaultier sjálfur
orðar það No „MADAME“ allowed.
Lyktin hefur sterkan karakter og í
henni mætast hrekkir og gleði. Í
henni er bæði að finna styrk og
mýkt en hið sama má segja um
flestar konur.
Glasið, sem er neonbleikt, hefur
skarpar útlínur sem undirstrika
bogadregnar línur kvenlíkamans
sem greyptur er í glasið.
- ve
Daman mín
Ilmvatnsglasið hefur skarpar útlínur
sem undirstrika bogadregnar línur
kvenlíkamans sem greyptur er í það.


 
 


 

 

 
 


  
 



 
  
 



 
  
 



  
 

  
   

    

  
 


 
  
 
 


 
 
 


 
  
 
 

!"#
    
 


 
  
 
 



! 
  " 
#
  " $
 
  " $
Ný sending af húfum
og höttum
Mörkinni 6, Símí 588-5518
Opið virka daga frá kl. 10-18 og laugardaga frá kl. 10-16