Fréttablaðið - 17.10.2008, Qupperneq 29

17. október föstudagur 7
Ég datt ofan í tónlistarpakkann þegar ég sá „Two
of One“-myndbandið með Metallica þegar ég var
tólf ára. Föðurbróðir minn var í Trössunum sem var
metalbandið á Eiðum og hann var með VHS-spól-
una heima hjá sér til að læra lagið. Við Ottó
frændi minn vorum í matarhléi í unglinga-
vinnunni og ákváðum að fara heim til
ömmu að kíkja á þetta. Um leið og ég sá
makkann á Jason Newsted þeytast í
hringi langaði mig að vera í hljómsveit.
Skömmu síðar vorum við strákarnir
búnir að stofna okkar fyrstu hljóm-
sveit á Borgarfirði. Það má sumsé
segja að Metallica, Trassarnir og
amma eigi stærstan þátt í þess-
ari sögu.
ÁHRIFAVALDURINN
Magni Ásgeirsson tónlistarmaðurNÝTT
landi, 500 fm einbýli hérna heima
og eitthvert geðveikt sumarhús
því maður verður svo frekur. Nú
er ég komin á þann stað að ég er
ánægð að búa í húsinu mínu með
börnunum mínum,“ segir hún og
játar að hafa tapað stórum fjár-
hæðum upp á síðkastið.
„Ég tapaði peningum í fyrsta
skipti nú í haust. Það var vegna
fasteignaviðskipta. Ég tók að mér
að byggja hús fyrir fólk og svo rauk
allur kostnaður upp úr öllu valdi
en ég er að klára það núna.“
Í millitíðinni keypti Íris hús að
Sunnuflöt 48 í Garðabæ. Hún lét
rífa húsið sem stóð á lóðinni og
ætlaði að láta byggja 900 fm hús
í staðinn. Á endanum seldi hún
lóðina ásamt teikningum en þá
var hún búin að eyða miklum
tíma og peningum í að láta fjar-
lægja húsið. Nú eru hins vegar
nokkur spennandi verkefni á
teikniborðinu. „Ég er að fara að
vinna fyrir Þóru Guðmundsdóttur
[fyrrum Atlantaeiganda, innskot
blm.] ásamt Leifi Welding sem
átti hlut í Saltfélaginu. Við ætlum
að hanna húsið hennar að innan.
Svo horfi ég svolítið til verkefna í
útlöndum og er að láta setja upp
heimasíðu fyrir batteríið mitt sem
er ekki komið með nafn enn þá.
Ætli það verði ekki bara Stúdíó
Íris,“ segir hún og bætir því við
að fólk megi ekki gleyma því að í
þessu efnahagsástandi felist líka
tækifæri og fólk megi ekki hætta
að brosa. „Ég kemst langt á Pollý-
önnu. Ég er alltaf brosandi og ég
hef svo óbilandi trú á mannkyn-
inu. Ég veit ekki hvað þyrfti að
gerast til þess að ég yrði svaka-
lega svartsýn. Ég er búin að ganga
í gegnum svo margt í lífi mínu að
það þarf meira en blankheit til
að koma mér úr jafnvægi,“ segir
hún. Þegar hún er spurð út í ást-
ina kemur stórt bros á andlitið og
hún viðurkennir að hún sé skotin
í strák. „Við erum búin að þekkj-
ast í tvö ár og erum að kynnast
betur núna og á annan hátt. Krón-
an skiptir engu máli þegar maður
fær sæt sms og horfir stoltur á
börnin sín. Ég er þekkt fyrir að sjá
alltaf tækifærin í öllu sem gerist.
Ef ég fæ að halda heilsu og ef allir
eru vinir í skóginum þá reddast
allt. Þetta eru sjeikí tímar og ég
hef alltaf haft það bak við eyrað
að ég gæti misst allt á morgun.
Ég geri mér þó grein fyrir að það
er ekki það versta í stöðunni. Þá
byrjar maður bara upp á nýtt.“
ÁHRIFA-
valdurinn