Fréttablaðið - 01.11.2008, Blaðsíða 6

6 1. nóvember 2008 LAUGARDAGUR
STJÓRNMÁL Stjórnarflokkarnir eru
ósammála í veigamiklum málum.
Augljósustu ásteytingarsteinarnir
snúa að Evrópusambandinu og
Seðlabankanum. Áherslumun er þó
að finna í öðrum málum.
Fljótlega eftir að efnahagskrepp-
an skall á af fullum þunga fór sam-
fylkingarfólk að tala fyrir aðild að
ESB. Ingibjörg Sólrún Gísladóttir
sagði í grein í Morgunblaðinu 13.
október að ef ekki yrði gengið í
ESB myndu Íslendingar hverfa til
fortíðar. Geir H. Haarde kvaðst á
þingi daginn eftir ósammála því.
Hinn 15. október lýsti Jóhanna Sig-
urðardóttir þeirri skoðun sinni að
allt væri uppi á borðinu á milli
stjórnarflokkanna; jafnvel aðild að
ESB. Daginn eftir sagði Geir það
misskilning.
Oddvitar flokkanna hafa ólíka
afstöðu til bankastjórnar Seðla-
bankans. Geir H. Haarde hefur
ítrekað lýst yfir stuðningi við hana,
en hver samfylkingarmaðurinn á
fætur öðrum hefur hins vegar
óskað eftir brotthvarfi hennar, í
það minnsta Davíðs. Ingibjörg Sól-
rún sagði í viðtali við RÚV, 14.
október, skynsamlegt að banka-
stjórnin viki.
Þá má nefna að í umræðum á
Alþingi 15. október talaði samfylk-
ingarfólk mjög á félagslegum
nótum. Björgvin G. Sigurðsson
sagði nýja tíma „með félagslegum,
sanngjörnum og siðferðilegum
undirstöðum“ nú taka við og efla
ætti „jöfnuð og félagslegan stöðug-
leika“. Félagsmálaráðherra sagði
þá nýfrjálshyggjuna hafa beðið
mikinn hnekki og af því þyrfti að
draga lærdóm. Miður væri að ekki
hefði verið byggt upp traustara vel-
ferðarnet í uppsveiflu síðustu tíu
ára.
Athyglisverður er ósamhljómur
í málflutningi formanns og vara-
formanns Sjálfstæðisflokksins.
Þorgerður Katrín sagði í grein í
Fréttablaðinu 12. október að háir
stýrivextir Seðlabankans væru
öfugmælavísa og sagði breyttar
forsendur kalla á endurnýjað
hagsmunamat varðandi Evrópu-
sambandið. Samfylkingarfólk
hefur einnig talað fyrir lægri
stýrivöxtum.
Geir H. Haarde lýsti því hins
vegar yfir á blaðamannafundi 9.
október að hann myndi koma því á
framfæri teldi hann lækkun stýri-
vaxta þarfa. Það hefur hann ekki
gert enn. Ráðherrar hafa þó allir
sagt hækkun stýrivaxta tímabund-
ið í 18 prósent nauðsynlega.
Í vikunni sagði Geir að aðild að
ESB væri ekki lausn á vanda þjóð-
arinnar. Um Evrópumál ætti þó að
ræða þegar um hægist.
kolbeinn@frettabladid.is
Misvísandi skilaboð frá
forystu stjórnarflokkanna
Misræmis gætir í yfirlýsingum frá Samfylkingunni og Sjálfstæðisflokknum. Ágreiningur um Evrópusam-
bandið og Seðlabankann. Formaður og varaformaður Sjálfstæðisflokks ósammála í veigamiklum málum.
ÓLÍKAR ÁHERSLUR Vel fór á með oddvitum stjórnarflokkanna í stjórnarmyndunar-
viðræðum í fyrra. Ágreiningur í veigamiklum málum hefur hins vegar verið áberandi í
kreppunni. FRÉTTABLAÐIÐ/DANÍEL
FERÐAIÐNAÐUR Kjartan Ragnarsson leikstjóri undirbýr
stofnun félags um jarðböð og heilsulindir við Deildar-
tunguhver í Reykholtsdal og vill atbeina Orkuveitu
Reykjavíkur til að koma verkefninu í gang.
Kjartan vill sjálfur ekkert segja um málið að svo
stöddu og vísar á Orkuveituna. Guðlaugur Sverrisson,
formaður stjórnar Orkuveitunnar, segir erindi
Kjartans enn til skoðunar. Fyrirmyndirnar séu meðal
annars Bláa lónið og Jarðböðin í Mývatnssveit sem
gengið hafi vel.
„Kjartan er með flottar hugmyndir um að efla
ferðaþjónustu og sveitina um leið. Hægt sé að búa til
viðskiptatækifæri og fjölga um leið gistinóttum á
svæðinu. Gistinætur á hótelum á Norðurlandi og
Suðurlandi eru 250 þúsund á ári en aðeins 150 þúsund
á Vesturlandi. Kjartan telur að eitthvað vanti til að fá
fólk til að staldra lengur við og bendir á að nú þegar
komi 50 þúsund manns árlega að Deildartunguhver,“
segir Guðlaugur og minnir á hversu vel Kjartani og
konu hans Sigríði Guðmundsdóttir hafi tekist upp með
Landsnámssetrið í Borgarnesi. „Menn telja að það
hafi verið mikill viðskiptaauki.“
Guðlaugur segir Orkuveituna sinna samfélags-
skyldum víða. „Þegar hugmyndir eru þannig að
samfélagið njóti góðs af þá telur Orkuveitan sér skylt
að skoða það. Við gætum hugsanlega komið að
verkefninu með tækniaðstoð eða fjárframlag á
frumstigi en ætlum alls ekki þátt í neinum rekstri.“
- gar
Vonast til að heilsulind við vatnsmikinn hver lokki ferðamenn á Vesturland:
Jarðböð við Deildartunguhver
LÖGREGLUMÁL Lögreglan handtók
tvo fíkniefnasala í fyrrakvöld.
Karlmaður á þrítugsaldri var
handtekinn í miðborg Reykjavíkur
með um 70 grömm af marijúana
og 150 þúsund krónur í peningum.
Grunur leikur á að peningarnir
séu til komnir vegna fíkniefna-
sölu. Í kjölfarið var farið í húsleit
á heimili mannsins og þar fannst
meira af fíkniefnum svo og
haglabyssa og skot. Maðurinn
viðurkenndi sölu fíkniefna.
Annar karlmaður var einnig
stöðvaður í miðborginni í fyrradag
með 20 grömm af marijúana.
Hann viðurkenndi sölu fíkniefna.
- jss
Höfuðborgarsvæðið:
Fíkniefnasali
með haglabyssu
STJÓRNMÁL Jón Bjarnason,
þingmaður VG og fjárlaganefndar-
maður, segir nefndinni og Alþingi
algjörlega haldið
utan við öll áform
stjórnvalda um
efnahagsaðgerð-
ir. Engar
upplýsingar sé að
hafa og þaðan af
síður sé haft
samráð við þingið
þó samþykkt
þess sé á
endanum forsenda margvíslegra
ráðstafana.
„Allri vinnu og öllum upplýs-
ingum er haldið frá Alþingi,“
segir Jón og telur valdhroka
stjórnvalda yfirgengilegan.
Í ofanálag viti stjórnarþing-
menn ekki hvaða stefnu beri að
taka í ríkisútgjöldum, sumir vilji
auka þau en aðrir skera niður. - bþs
Jón Bjarnason VG:
Alþingi fær
ekkert að vita
JÓN BJARNASON
VIÐ DEILDARTUNGUHVER Orkuveitan á afnotaréttinn að
vatnsmesta hver Evrópu og gæti selt heitt vatn fyrir
jarðböð og heilsulindir þar við hliðina.
MYND/SKESSUHORN
Lagadeild
www.lagadeild.hi.is
Recent challenges and
develop ments at the
International Court of Justice
Fundarstjóri Björg Thorarensen,
prófessor og forseti lagadeildar
Mánudagur 3. nóvember kl. 12:30
Hátíðasalur Háskóla Íslands
Rosalyn Higgins er fyrsta konan sem skipuð
var í starf dómara við Alþjóðadómstólinn í
Haag árið 1995 og kjörin forseti dómstólsins
árið 2006. Áður átti hún langan og far sælan
feril sem einn fremsti fræði maður Bretlands á
sviði þjóðaréttar og prófessor við háskólann í
Kent og London School of Economics.
Allir velkomnir!
Rosalyn Higgins forseti Alþjóðadómstólsins
KJARTAN RAGNARSSON GUÐLAUGUR SVERRISSON
Karlmaður á Selfossi hefur verið
dæmdur í fjögurra mánaða skil-
orðsbundið fangelsi og til að greiða
öðrum manni á fimmta hundrað
þúsund í skaðabætur fyrir að hafa
slegið hann í andlitið.
DÓMSTÓLAR
Skaðabætur fyrir hnefahögg
Þekkir þú einhvern sem hefur
misst vinnuna í þessum mán-
uði?
Já 72,1%
Nei 27,9%
Telur þú æskilegt að RÚV fari
af auglýsingamarkaði?
Segðu skoðun þína á visir.is
STJÓRNMÁL „Ég tel að störf þeirra
njóti trausts,“ segir Ágúst Ólafur
Ágústsson, varaformaður Samfylk-
ingarinnar, um störf Valtýs
Sigurðssonar ríkissaksóknara og
Boga Nilssonar, fyrrverandi sak-
sóknara.
Dómsmálaráðherra hefur falið
Valtý að vinna skýrslu til að fara
yfir starfsemi íslenskra peninga-
og fjármálastofnana í aðdraganda
hrunsins. Markmiðið er að kanna
hvort eitthvað hafi átt sér stað sem
gefi tilefni til lögreglurannsóknar.
Valtýr hefur fengið Boga til liðs við
sig við verkið.
Valtýr er faðir Sigurðar Valtýs-
sonar, annars forstjóra Exista,
helsta eiganda Kaupþings og Bogi
er faðir Bernhards Bogasonar, yfir-
lögfræðings Stoða, áður FL Group.
Lögfræðingar sem Fréttablaðið
hefur rætt við telja óvíst að Valtýr
og Bogi teljist vanhæfir í skilningi
stjórnsýslulaga. Fram kom í Morg-
unblaðinu að þeir telja sig ekki
vanhæfa.
Ágúst Ólafur telur að ekkert hafi
komið fram sem stefni hæfi þeirra
í hættu. „En ég treysti á að umboðs-
maður Alþingis taki málið upp,
jafnvel að eigin frumkvæði, telji
hann ástæðu til þess.“
Tryggvi Gunnarsson umboðs-
maður segir ekkert hafa verið
ákveðið formlega í þessum efnum.
„Ég hef fylgst með þróun mála,“
segir Tryggvi.
Hann bendir á að þeir sem telja
brotið á sér í stjórnsýslulegri með-
ferð geti lögum samkvæmt leitað
til embættisins. - ikh
Segir að ríkissaksóknarar njóti trausts í umfjöllun um hugsanleg lögbrot:
Umboðsmaður fjalli um hæfi
VALTÝR
SIGURÐSSON
BOGI
NILSSON
KJÖRKASSINN