Fréttablaðið - 01.11.2008, Blaðsíða 52

36 1. nóvember 2008 LAUGARDAGUR
timamot@frettabladid.is
Tilkynningar um merkis atburði, stórafmæli og
útfarir má senda á netfangið timamot@frettabladid.is.
RITHÖFUNDURINN STEPHEN CRANE
FÆDDIST ÞENNAN DAG ÁRIÐ 1871.
„Hver einasta synd er afrakstur
samvinnu.“
Stephen Crane samdi skáldsöguna Hið
rauða tákn hugprýðinnar sem fjallar
um hörmungar bandarísku borgara-
styrjaldarinnar. Hún kom út í íslenskri
þýðingu í fyrra.
Árni Thorlacius hóf veðurat-
huganir í Stykkishólmi þennan
dag. Þær hafa staðið samfellt
síðan og hafa veðurathugan-
ir á Íslandi hvergi staðið jafn-
lengi samfellt. Veðurmælinga-
sagan frá Stykkishólmi er þekkt
sem ein áreiðanlegasta heim-
ild sem til er um langtímamæl-
ingar veðurfars með vísinda-
legum hætti.
Árni var kaupmannssonur, fæddur á Bíldudal
árið 1802 en flyst síðan til Stykkishólms ásamt
fjölskyldu sinni. Hann missir föður sinn þrett-
án ára gamall og fer til náms í Kaupmannahöfn.
Hann kynnist Jónasi Hallgrímssyni og deilir með
honum veðurfræðiáhuga sínum.
Árin 1840-41 fær Jónas flesta presta landsins
til að halda veðurfarsdagbækur og eru þær síðan
haldnar á 50 stöðum, þó ekki í
Stykkishólmi. Jónas ferðast síðan
um Snæfellsnes, hittir Árna og
fer að skrifast á við hann. Þrem-
ur árum síðar hefur Árni veður at-
huganir sínar.
Árið 1869 birtir Alexander Bu-
chan, forseti skoska veðurfræðifé-
lagsins og fremsti veðurfræðing-
ur Breta, í tímariti sínu töflur sem
Árni hafði reiknað og samið fyrir
hann um athuganir sínar í Stykkishólmi. Buchan
telur þær hinar merkustu, einkum vegna þeirrar
alúðar og vandvirkni sem Árni hafði lagt við þetta
starf, enda hafði hann þremur árum áður feng-
ið mælitæki til að prófa mæla sína svo varathug-
anaröðin var orðin óvenjulega löng miðað við það
sem þá gerðist. Þetta álit Buchans á mælingum
Árna hefur síðan fengið alþjóðlega staðfestingu.
ÞETTA GERÐIST: 1. NÓVEMBER 1845
Veðurathuganir í Stykkishólmi
„Ég hef alltaf haft áhuga á starfi með
börnum og unglingum, og borið hag
þeirra fyrir brjósti. Því ákvað ég að
stofna Kærleikssamtökin 1. nóvember
2004 í þeim tilgangi að bjóða börnum og
unglingum upp á sjálfstyrkjandi jóga-
tíma, unglingafræðslu og fleira til að
efla með þeim sjálfsvitund, sjálfsaga
og hjálpa þeim að byggja upp sterkari
sjálfsmynd,“ segir Sigurlaug G. Ing-
ólfsdóttir, stofnandi Kærleikssamtak-
anna, sem eiga fjögurra ára afmæli í
dag. Sigurlaug er lærður jógakenn-
ari og heilari og heldur úti fjölbreyttu
mannúðarstarfi í menningarmiðstöð-
inni Gerðubergi í Efra-Breiðholti.
„Starfið hefur verið í stöðugri mótun
undanfarin fjögur ár og í dag býð ég
upp á barnajóga fyrir átta til ellefu ára,
unglingajóga og unglingafræðslu fyrir
táninga á aldrinum tólf til átján ára. Í
starfinu spjöllum við saman og förum
inn á vanlíðan; hvernig hægt er að
vinna sig út úr kvíða, reiði og ýmsum
kvillum sem hefta börn og valda þeim
vanlíðan,“ segir Sigurlaug sem auk
þess fer vikulega í unglingastarf með
Götusmiðjunni og fullorðinsfræðslu á
Litla-Hrauni.
„Fullorðnum kenni ég sjö vikna
sjálfsstyrktarnámskeið þar sem farið
er inn á andlega þáttinn og kennt
hvernig hann má nýta til varanlegr-
ar uppbyggingar og stefnubreyting-
ar í eigin lífi. Námskeiðin eru byggð á
fræðslu um hvernig hægt er að vinna
sig út úr áföllum, þunglyndi, sorg-
arferli, óregluferli og einmanaleika.
Þar kenni ég nemendum að skoða og
skilja sjálfa sig, og bera ábyrgð á sjálf-
um sér með aðferð sem nær yfir lík-
amlega og andlega þætti lífsins, sem
á endanum leiðir til jafnvægis, friðar
og hamingju,“ segir Sigurlaug sem af
eigin raun veit að alltaf má finna leið
úr öllum aðstæðum.
„Viðtökurnar hafa verið góðar, starf-
ið komist vel til skila og verið skemmti-
legt. Vegna aðstöðu minnar í Gerðu-
bergi hef ég hingað til miðað við börn
og unglinga í Breiðholti en stefni á að
færa út kvíarnar í önnur hverfi borg-
arinnar,“ segir Sigurlaug sem einn-
ig stendur fyrir vikulegri bænastund
þar sem fólk getur lagt fram bænar-
efni, ásamt því að bjóða fjarnámskeið
og kenna konum sem þjást af þung-
lyndi, kvíða og félagsfælni jiu-jitsu-
sjálfsvarnaríþróttina. Í tilefni afmæl-
isins hefur Sigurlaug hrundið af stað
söfnunarátaki þar sem markmið er að
fá 500 styrktaraðila til að styrkja sam-
tökin um 1.000 krónur á mánuði í heilt
ár. Nánari upplýsingar og fróðleikur er
á www.kaerleikssamtokin.com.
thordis@frettabladid.is
KÆRLEIKSSAMTÖKIN: STOFNUÐ FYRIR FJÓRUM ÁRUM Í DAG
Starfa í kærleik, ljósi og friði
KÆRLEIKSRÍK OG GEFANDI Sigurlaug G. Ingólfsdóttir, jógakennari og heilari, stofnaði Kærleiks-
samtökin til að hjálpa börnum og unglingum að styrkja sjálfsmynd sína. FRÉTTABLAÐIÐ/GVA
AFMÆLI
HRAFN
JÖKULS-
SON,
rithöfundur
og skák-
frömuður,
er 43 ára.
JÓN SIGUR-
BJÖRNSSON
leikari er 86
ára.
MERKISATBURÐIR
1502 Kristján 2. er kjörinn kon-
ungur Svíþjóðar.
1604 Leikrit Williams Shake-
speare, Óþelló, er sýnt í
fyrsta skipti.
1947 Síld finnst í Hvalfirði og
veiðar hefjast. Á fjórum
mánuðum veiðist síld í
magni sem á sér enga
hliðstæðu hér við land að
vetrarlagi.
1967 Almannagjá er friðuð fyrir
bílaumferð og lengist
þá leiðin frá Reykjavík til
Þingvalla um 4 km.
1980 Skúli Óskarsson lyftir
315,5 kg í réttstöðulyftu í
72 kg flokki og bætir með
því heimsmetið.
1993 Maastricht-samningurinn
tekur gildi.
2004 Eldgos hefst í Grímsvötn-
um.
Þökkum innilega auðsýnda samúð og hlý-
hug við andlát og útför elskulegrar móður
okkar, tengdamóður, ömmu og langömmu,
Elínar Þórunnar
Bjarnadóttur
frá Norður-Gröf, Kjalarnesi.
Hjartans þakkir til starfsfólks á hjúkrunarheimilinu
Víðinesi fyrir ómetanlega umönnun og umhyggju.
Jónas Tryggvi Pétursson
Þórunn Aldís Pétursdóttir Guðmundur Ringsted
Margrét Björg Pétursdóttir
Sigrún Bryndís Pétursdóttir Gunnar Þór Ólafsson
Pálmi Hannes Pétursson
Bjarni Þór Pétursson
barnabörn og barnabarnabörn.
33 ára afmæli
Ívar Ragnarsson
Head of Finance of Financial
Department in Íbúðalánasjóður.
Happy birthday with all my love,
besos. Begonia.
90 ára afmæli
Guðlaugur
Eyjólfsson
Árskógum 8, Rvk. er níræður í dag.
Af því tilefni vill hann gleðjast og taka á
móti gestum í safnaðarheimili Seljakirkju
laugardaginn 1. nóvember kl. 15 til 18.
Hann og kona hans Margrét S. Jónsdóttir
fagna einnig á þessum degi demants-
brúðkaupi sínu sem er 27. nóvember.
Innilegar þakkir til allra sem sýndu okkur
samúð og hlýhug við andlát og útför
móður okkar, tengdamóður, ömmu og
langömmu,
Sigríðar Guðmundsdóttur
frá Einarsnesi.
Þórarinn Sigþórsson Ragnheiður Jónsdóttir
Guðmundur Sigþórsson Herborg Árnadóttir
Helga Sigþórsdóttir Þórður S. Gunnarsson
Jóhanna S. Sigþórsdóttir
Þór Sigþórsson Guðný Björg Þorgeirsdóttir
Óðinn Sigþórsson Björg Karítas Jónsdóttir
Sigríður Sigþórsdóttir Hallmar Sigurðsson
barnabörn og barnabarnabörn
Móðir okkar,
Fanney Bjarnadóttir
sem lést á Droplaugarstöðum 25. október, verður jarð-
sungin frá Bústaðakirkju mánudaginn 3. nóvember kl.
13.00.
Fyrir hönd aðstandenda,
Gréta Björg, Árdís Ólöf og Ruth Jóhanna Arelíusdætur
Ástkær móðir okkar og tengdamóðir,
María Guðbjartsdóttir
Hringbraut 50, áður til heimilis að
Dalbraut 16, Reykjavík,
lést á Dvalar- og hjúkrunarheimilinu Grund fimmtu-
daginn 30. október.
Sigríður Ósk Óskarsdóttir Hermann Sigfússon
Halldóra Björt Óskarsdóttir Guðmundur R. Jónsson
Þráinn Ingólfsson Guðríður Hermannsdóttir
Ólafur Jón Ingólfsson Margrét Á. Hallsdóttir
og aðrir aðstandendur.
ENNÞÁ SKÖRUNGAR Á SVEIMI
Svava Arnardóttir flytur erindi um
nokkra kvenskörunga. MYND/ARNÞÓR
Skógræktarfélag Reykjavíkur og Orkuveit-
an standa fyrir málþingi á Einars vöku Ben
á Elliðavatni í dag frá klukkan tvö til sex.
Mælendaskrá er fjölbreytt en auk
skemmtilegra erinda flytur Sprengjuhöllin
nýtt lag um Einar Ben og staðið er fyrir um-
ræðum. Svala Arnardóttir, afkomandi Ein-
ars, er ein þeirra sem taka til máls en erindi
hennar kallast „Blóðið sama er í okkur“ - Til
fundar við nokkrar formæður „Svarta túlíp-
anans“. „Svarti túlípaninn er félagsskapur
nokkurra kvenafkomenda Einars en hann
var langafi okkar og við erum allar afkom-
endur Stefáns Más, sonar Einars Ben,“ segir
Svava til útskýringar og heldur áfram: „Ég
fjalla um konurnar í ætt Einars í erindi mínu
og það var gífurlegt skörungasafn sem ég
hafði úr að velja. Ég valdi fjórar svipmikl-
ar konur og set þetta þannig upp að ég sendi
þeim bréf þar sem við ræðum saman á per-
sónulegum nótum, en ég skálda þessi bréf.“
Auk bréfanna mun Svava lesa upp sjaldséð-
an kveðskap eftir Erlu Benediktsson, dótt-
ur Einars, en hún bjó í Englandi og orti á
ensku. Nánari upplýsingar um dagskrána
má finna á http://heidmork.is.
Einars vaka Ben í dag