Fréttablaðið - 01.11.2008, Blaðsíða 66

50 1. nóvember 2008 LAUGARDAGUR
sport@frettabladid.is
Landsliðskonurnar Hólmfríður
Magnúsdóttir hjá KR og Margrét Lára
Viðarsdóttir hjá Val hafa verið í allra
fremstu röð í íslensku deildinni und-
anfarin ár en nú bendir flest til þess
að stöllurnar muni reyna fyrir sér í
atvinnumennsku erlendis.
Margrét Lára hefur nú þegar gefið
það út að hún hafi hug á því að
spila erlendis á næsta tímabili.
„Ég fer út til Svíþjóðar og skoða
aðstæður hjá Linköping um næstu
helgi og það verður spennandi
að skoða og sjá. Það er metnaðarfullt
félag sem er með flotta leikmenn inn-
anborðs. Svo mun ég reyna að finna tíma
til þess að fara út til Bandaríkjanna, þar
sem Los Angeles Sol valdi mig í nýliðavali
fyrir nýja atvinnumannadeild þar í landi. Það
er líka spennandi kostur og mikill heiður að fá
að taka þátt í því,“ segir Margrét Lára.
Hólmfríður er enn ekki búin að
ákveða neitt með framhaldið en
viðurkennir þó að atvinnu-
mennskan kitli eftir að hafa
leikið í deildinni hér á landi
síðustu átta árin.
„Ég hætti við að fara út í fyrra
og vildi spila eitt ár í viðbót
á Íslandi til að sanna mig
aðeins betur. En nú er ég
alveg með hugann við
að fara til útlanda og
skoða hvaða möguleikar
eru í boði þar. Ég er samt
ekkert búin að ákveða mig
hundrað prósent með þetta.
Eina sem er svona fast í hendi
núna er að ég ætla að kíkja út til
Betu [Elísabetar Gunnarsdótt-
ur, nýráðins þjálfara Kristi-
anstad] í Svíþjóð og skoða
aðstæður hjá Kristianstad
einhverja helgina í nóvem-
ber. Það er bara spennandi
dæmi. Ég hef þekkt Betu síðan
hún var að þjálfa mig í U-21
árs landsliðinu og kann vel
við hana. Annars á ég alveg eins von á
því að fleiri lið í Svíþjóð muni setja sig
í samband við mig þar sem það var
þó nokkur áhugi frá nokkrum þeirra í
fyrra. Sænska deildin er rosalega sterk
og ég tel mig geta bætt mig heilmikið
sem leikmann þar og hún er því ekki
ólíklegur áfangastaður,“ segir Hólmfríður.
HÓLMFRÍÐUR OG MARGRÉT LÁRA: MUNU SKOÐA AÐSTÆÐUR HJÁ ERLENDUM FÉLÖGUM Á NÆSTU VIKUM
Sænska úrvalsdeildin ekki ólíklegur áfangastaður
HANDBOLTI Íslenska karlalandslið-
ið í handbolta mætir í dag Norð-
mönnum í Drammen í einum af
úrslitaleikjum riðils síns í undan-
keppni EM 2010. Báðar þjóðir
unnu öruggan sigur í fyrsta leik í
vikunni, Ísland vann 19 marka
heimasigur á Belgum en Norð-
menn unnu 8 marka útisigur á
Eistlendingum eftir að hafa verið
20-8 yfir í hálfleik.
Guðmundur Guðmundsson
landsliðsþjálfari veit að leikurinn
í dag verður af allt öðrum toga.
„Þetta er allt annað dæmi og
það er bara himinn og haf þar á
milli. Þetta er bara alvörulið á
sínum heimavelli þannig að þetta
verður mjög erfitt verkefni,“
segir Guðmundur.
„Við erum með upptöku af leik
þeirra á móti Eistum og erum
búnir að greina leikinn,“ segir
Guðmundur sem er viss um að
hann græði miklu meira að hafa
séð Norðmenn vinna Eista en
Norðmenn á því að skoða leik
íslenska liðsins gegn Belgum.
„Eistarnir spiluðu 6:0 vörn.
Við sáum því hvað Norðmenn
eru að gera á móti henni því við
erum að spila þá vörn. Við græð-
um því meira á því en þeir að
skoða leikinn okkar á móti Belg-
um. Við vitum annars ekkert um
hvað þeir eru að hafa mikla
áhyggjur af okkur,“ segir Guð-
mundur.
Íslendingar hafa ekki unnið í
síðustu fimm leikjum sínum á
móti Norðmönnum en þar á meðal
er leikur frá því í fyrra þar sem
Ísland mætti með b-liðið sitt og
Norðmenn unnu með 17 mörkum.
Þjóðirnar mættust síðast í alvöru
landsleik á EM í Sviss 2006 og
unnu Norðmenn þá með þriggja
marka mun, 33-36, þar sem Kjetil
Strand skoraði 19 af mörkum liðs-
ins.
„Þeir eru með mjög sterkt lið.
Við gerum okkur alveg grein
fyrir því að við þurfum að spila
vel til þess að vinna þá,“ segir
Guðmundur sem leggur áherslu á
að sínir menn spili grimma vörn
og verði duglegir að ganga að
Norðmönnum og trufla þá.
„Þeir spila tiltölulega passíva
6:0 vörn og þjappa mjög vel inn á
miðjuna. Við þurfum að vera til-
búnir að sækja breitt á þá og nýta
hornin vel. Þeir keyra síðan á
okkur hraða miðju þannig að við
þurfum að vera snöggir til baka,“
segir Guðmundur.
Norðmenn kunna vel við sig í
Drammen og þeir unnu þar meðal
annars alla leiki sína í sínum riðli
á EM í ársbyrjun. Norðmenn
unnu þá 27-26 sigur á verðandi
Evrópumeisturum Dana sem
unnu alla aðra leiki sína á mót-
inu.
Guðmundur er með nýja menn
í liðinu og það vantar lykilmenn
eins og Snorra Stein Guðjónsson,
Alexander Petersson og Sigfús
Sigurðsson auk þess sem Ólafur
Stefánsson er hættur.
„Nú fá nýir menn tækifæri. Það
eru menn sem eru ekki í liðinu
sem voru að spila mjög stór hlut-
verk á Ólympíuleikunum. Við
gerum okkur grein fyrir því að
það verður þrautinni þyngra að
fylla í þeirra skörð. Við höfum
líka haft mjög lítinn tíma til þess
en vonandi tekst það,“ segir Guð-
mundur.
Leikurinn í dag er einn af
úrslitaleikjum riðilsins enda hafa
bæði lið sett stefnuna á að komast
í úrslitakeppnina í Austurríki.
„Það er gríðarlega mikið undir.
Það má búast við því að það verði
þrjú lið sem berjast um þessi tvö
sæti, Makedónía við og Norð-
menn. Það segir sig því sjálft að
það eru gríðarlega mikilvægir
punktar hér í boði,“ segir Guð-
mundur.
Leikurinn fer fram í Drammens-
hallen og hefst klukkan 15.15 að
íslenskum tíma en leikurinn verð-
ur sýndur í beinni útsendingu í
Sjónvarpinu. ooj@frettabladid.is
Það er gríðarlega mikið undir
Guðmundur Guðmundsson landsliðsþjálfari er búinn að greina síðasta leik Norðmanna og segir að ís-
lenska handboltalandsliðið eigi erfitt verkefni fyrir höndum í Drammen í dag í undankeppni EM 2009.
SKYTTURNAR MIKILVÆGAR Logi Geirs-
son og félagar verða að halda breiddinni
og opna fyrir hornin að mati landsliðs-
þjálfarans. FRÉTTABLAÐIÐ/ARNÞÓR
SPENNANDI SLAGUR Það mun örugg-
lega eitthvað heyrast í Guðmundi Guð-
mundssyni meðan á leiknum stendur.
FÓTBOLTI Íslenska kvennalands-
liðið er komið í úrslitakeppni EM
eftir sigur á Írum í umspilinu.
Íslenska liðið vann 7 af 10 leikj-
um sínum í undankeppninni og
hélt hreinu í öllum sigur-
leikjunum.
Íslenska liðið skoraði 31 mark í
þessum tíu leikjum eða meira en
þrjú mörk í leik og liðið náði auk
þess að skora í öllum leikjunum.
Vörnin var frábær alla undan-
keppnina og stelpurnar fengu
aðeins á sig 5 mörk í allri undan-
keppninni. Þrír markverðir náðu
að halda hreinu, Þóra Björg
Helgadóttir fimm sinnum, Guð-
björg Gunnarsdóttir einu sinni
og María Björg Ágústsdóttir einu
sinni.
Fimm leikmenn liðsins náðu að
spila alla þessa tíu leiki þar af
spilaði Guðrún Sóley Gunnars-
dóttir allar 900 mínúturnar sem
voru í boði. Edda Garðarsdóttir
(868 mínútur), Margrét Lára Við-
arsdóttir (867) og Katrín Jóns-
dóttir (852) voru líka í byrjunar-
liði í öllum leikjunum. Dóra
María Lárusdóttir var með í
öllum leikjunum en byrjaði ekki
inn á í einum þeirra.
Margrét Lára Viðarsdóttir var
langmarkahæst hjá íslenska lið-
inu en hún skoraði alls 12 mörk.
Hólmfríður Magnúsdóttir kom
næst henni með fjögur mörk og
þær Dóra María Lárusdóttir,
Katrín Jónsdóttir og Katrín
Ómarsdóttir skoruðu allar þrjú
mörk hver.
Dóra María átti flestar stoð-
sendingar eða sex en bæði Mar-
grét Lára og Hólmfríður lögðu
upp fimm mörk hvor. Edda Garð-
arsdóttir átti síðan fjórar stoð-
sendingar. Margrét Lára fiskaði
að auki tvær vítaspyrnur sem
hún nýtti sjálf.
Árangur íslenska liðsins á
Laugardalsvellinum var sérstak-
lega glæsilegur en stelpurnar
okkar unnu alla fimm heimaleiki
sína í keppninni og héldu auk
þess hreinu í þeim öllum eða í
samtals 450 mínútur. Markatalan
var 21-0 íslenska liðinu í hag.
Margrét Lára Viðardóttir skoraði
í öllum fimm heimaleikjunum
samtals átta mörk.. - óój
Íslenska kvennalandsliðið vann sjö af tíu leikjum sínum í undankeppni Evrópumótsins í Finnlandi:
Markatalan var 21-0 á Laugardalsvellinum
FINNLAND, HÉR KOMUM VIÐ Stelpurnar fagna sigrinum á Írum. FRÉTTABLAÐIÐ/STEFÁN
> Aðsóknin fjórfaldaðist
Íslenska kvennalandsliðið hefur ekki bara náð sögu-
legum árangri inni á knattspyrnuvellinum því liðið fékk
einnig fullt af áhorfendum á heimaleiki sína í undan-
keppninni. Alls komu 21.617 manns á fimm heimaleiki
liðsins eða 4.323,4 áhorfendur að meðaltali í leik. Það
var ekki nóg með að meðalaðsóknin fjórfaldaðist milli
undankeppna hjá stelpuum því það komu líka færri
áhorfendur samtals
á alla heimaleiki
liðsins í síðustu
keppni (4.266)
heldur en komu að
meðaltali á leik í þess-
ari undankeppni.
Iceland Express-deild karla
KR-Snæfell 91-80 (53-42)
Stig KR: Jason Dourisseau 21 (13 frák.), Jón Arnór
Stefánsson 19 (11 stoðs., 10 frák.), Jakob
Sigurðarson 18, Fannar Ólafsson 10, Helgi Már
Magnússon 10 (8 stoðs., 7 frák., 7 stolnir), Skarp-
héðinn Ingason 4, Darri Hilmarsson 4, Ellert
Arnarson 3, Pálmi Freyr Sigurgeirsson 2.
Stig Snæfells: Sigurður Á. Þorvaldsson 24 (14
frák., 7 stoðs.), Jón Ólafur Jónsson 21 (10 frák.),
Magni Hafsteinss. 14, Kristján Andréss. 9, Atli
Hreinss. 7, Egill Egilss. 3, Gunnlaugur Máras. 2.
Keflavík-Breiðablik 86-107 (46-55)
Stig Keflavíkur: Hörður Axel Vilhjálmsson 21,
Gunnar Einarsson 18, Þröstur Leó Jóhannsson
18, Sverrir Þór Sverrisson 10 (9 stoðs.), Sigurður
Gunnar Þorsteinsson 9 (8 frák., 6 varin), Vilhjálm-
ur Skúli Steinarsson 8, Axel Þór Margeirsson 2.
Stig Breiðabliks: Nemanja Sovic 41 (12 frák., 5
stolnir, hitti úr 13 af 18 skotum), Kristján Rúnar
Sigurðsson 23, Halldór Halldórsson 15, Aðal-
steinn Pálss. 11, Rúnar Ingi Erlngss. 10 (6 stoðs.),
Loftur Þór Einarsson 4, Daníel Guðmundsson 3.
Skallagrímur-Grindavík 59-126 (39-71)
Stigahæstir: Þorsteinn Gunnlaugsson 16,
Sveinn Davíðsson 14, Egill Egilsson 9 – Páll Axel
Vilbergsson 24, Guðlaugur Eyjólfsson 24, Helgi
Jónas Guðfinnsson 18, Páll Kristinsson 12, Davíð
Páll Hermannsson 10, Þorleifur Ólafsson 10.
ÚRSLIT
KÖRFUBOLTI Mjög óvænt úrslit urðu
í Iceland Express-deild karla í
körfubolta í gær þegar nýliðar
Blikar unnu 21 stigs sigur, 107-86,
á Íslandsmeisturum Keflavíkur á
þeirra eigin heimavelli í Toyota-
höllinni. Á sama tíma stríddu
Snæfellingar KR þrátt fyrir að
leika án Hlyns Bæringssonar og
Grindavík burstaði Skallagrím
með 67 stiga mun í Borgarnesi.
Nemanja Sovic átti frábæran
leik með Blikum í Keflavík og
Keflvíkingar náðu hreinlega ekki
að stoppa kappann sem var með 41
stig og hitti úr 72 prósentum skota
sinna. Kristján Rúnar Sigurðsson
átti einnig fínan leik en Keflavík-
urliðið fann sig aldrei og tapaði
öllum fjórum leikhlutunum.
KR-ingar unnu 11 stiga sigur á
Snæfelli 91-80, þar sem Snæfell-
ingar héngu í þeim og unnu
fráköstin þrátt fyrir að leika án
Hlyns Bæringssonar sem var
meiddur og stjórnaði liðinu af hlið-
arlínunni. KR komst í 21-4 og var
68-53 yfir þegar 13 mínútur voru
eftir en barátta Snæfellsliðsins og
skotnýting Jóns Ólafs Jónssonar
kom muninum niður í eitt stig
áður en heimamenn gerðu út um
leikinn í lokin. -óój
Iceland Express-deild karla:
Nýliðar Blika
unnu í Keflavík
EKKI MEÐ Hlynur Bæringsson stjórnaði
Snæfellsliðinu af hliðarlínunni í gær.
FRÉTTABLAÐIÐ/STEFÁN

FR
ÉTTA
B
LA
Ð
IÐ
/STEFÁ
N