Fréttablaðið - 01.11.2008, Blaðsíða 62
46 1. nóvember 2008 LAUGARDAGUR
folk@frettabladid.is
„Ég las bókina yfir fyrir mömmu þegar hún var búin
að þýða hana og leist rosalega vel á. Hún er búin að
tala um þessa bók við mig í mörg ár og það er gaman
að geta stutt hana í þessu,“ segir leik- og sjónvarps-
konan Ísgerður Elfa Gunnarsdóttir um bókina Þín
hjartans þrá eftir Soniu Choquette sem mamma
hennar, Hildur Halldóra Karlsdóttir, íslenskaði.
Fyrir jólin mun Ísgerður lesa upp úr bókinni, en
móðir hennar svara spurningum úr efninu og í dag
hefja þær leikinn í Pennanum, Holtagörðum klukkan
14.
„Ég hef alltaf haft mikinn áhuga á sjálfsræktar-
bókum og þegar ég var að lesa bók sem heitir Artist
Way var bent á þessa bók. Hún kennir fólki að lifa
meira út frá hjartanu, en ekki út frá væntingum
annara, virkja sjötta skilningarvitið og þora að
fylgja eigin tilfinningum,“ útskýrir Hildur sem var
nýkomin frá Chicago þegar blaðamaður náði tali af
henni, en hún hefur sótt þjálfun hjá Soniu Choquette
í Bandaríkjunum til að undirbúa eigin námskeið hér
á landi í janúar.
„Þegar The Secret kom út fannst mér það vera
svona eins og útþynnt útgáfa af þessari bók og ekki
segja almennilega hvað er verið að tala um, en Í þín
hjartans þrá lýsir Sonia því mjög vel hvernig hægt
er að sjá fyrir sér það sem maður þráir og kennir
aðferðir til þess,“ segir Hildur að lokum, en nám-
skeið hennar verða auglýst á síðunni upptok.com.
- ag
Les upp með mömmu
HJÁLPAR MÖMMU Ísgerður les upp úr bókinni Þín hjartans
þrá, sem móðir hennar, Hildur Halldóra Karlsdóttir, íslenskaði.
FRÉTTABLAÐIÐ/ANTON
Julia Roberts, Bruce Willis, Jack
Nicholson, Sean Penn og Tom
Hanks voru meðal þeirra sem
minntust kollega síns Pauls New-
man á góðgerðasamkomu sem var
haldin í San Fransisco.
Um var að ræða árlega sam-
komu sem samtökin The Painted
Turtle standa fyrir en Newman
stofnaði þau árið 1999. Halda þau
úti sumarbúðum fyrir börn sem
greinast með alvarlega sjúkdóma.
„Við höfðum vonast til að Paul
yrði með okkur þannig að þetta
breyttist í hálfgerða minningar-
samkomu,“ sagði leikarinn Danny
Glover, sem tók einnig þátt. Julia
Roberts bætti við: „Þetta er í
fyrsta sinn sem við tökum þátt í
þessu án Pauls. Það er ákveðið
tómarúm sem hefur myndast.“
Minntust Newmans
JULIA ROBERTS Leikkonan Julia Roberts
var meðal þeirra sem minntust vinar
síns Paul Newman sem lést á dögunum.
Jónsi, söngvari hljómsveitarinnar
Sigur Rós, var í ansi merkilegu
viðtali við breska blaðið The
Mirror í gær. Tilefnið er tónleika-
ferð hljómsveitarinnar í Bret-
landi sem hefst í Wolverhampton
Civic Hall á þriðjudaginn. Jónsi
fer um víðan völl í spjallinu og
ræðir meðal annars um nafnið á
hljómsveitinni sem fengið er frá
systur hans en hún fæddist sama
dag og hljómsveitin var form-
lega stofnuð. Jafnframt talar
Jónsi um hina svokölluðu
heimsfrægð og söngvarinn
segir að hún hafi aldrei verið á
dagskránni. „Þetta kom mér á
óvart. Var mjög spennandi og
skemmtilegt. Við töldum okkur
ekki eiga neina möguleika á því að
njóta svona mikillar velgengni,
hvað þá að spila í útlöndum. Að
vera í hljómsveit er í mínum
huga bara spurning um félags-
skap og að hafa það skemmti-
legt.“
Jónsi ræðir einnig um samkyn-
hneigð sína og hversu einangrað-
ur hann hafi verið. Hann hafi
því sótt í tónlist. „Að vera
hommi var mjög eðli-
legt fyrir mér þótt
ég hafi ekki komið
út úr skápnum fyrr
en ég var 21 árs. En
það að búa úti á landi þýddi
að ég hitti engan eins og mig
svo að ég varð einangraður.
Þegar ég sá Little Britain
fann ég til mikillar sam-
kenndar með the only gay in the village,“
segir Jónsi. Blaðamaður Mirror getur
síðan augljóslega ekki stillt sig um að
spyrja um ástandið á Íslandi. „Ég held að
allir hati Ísland núna. Það er eiginlega
allt brjálað hérna. Gjaldmiðillinn er svo
lágur og öllum líður eins og Ísland sé
bara að fara á hausinn. En það er líka
eitthvað heillandi við þetta allt. Þetta
var einhvers konar vekjaraklukka
fyrir okkur. Ég held að þjóðinnni hafi
í raun fundist að þetta
væri einum of mikið af
hinu góða.“ - fgg
Leið eins og hommanum í Little Britain
FANN TIL SAMKENNDAR Jónsi
segir að þegar hann hafi séð
Little Britain þá hafi hann fundið
til ótrúlega mikillar samkenndar
með „the only gay in the village“.
LITTLE BRITAIN
> OASIS SAMIR VIÐ SIG
Það er sjaldan lognmolla í kringum
bresku ólátabelgina í Oasis. Nú hefur
Noel Gallagher lýst því yfir að það hafi
verið bróður sínum, Liam, að kenna
að þeir náðu ekki að leggja Bandarík-
in undir sig árið 1996. „Hann hætti
við tónleika og fór að leita að
húsum. Ég kenni honum al-
farið um hvernig fór þá.“