Fréttablaðið - 01.11.2008, Blaðsíða 18
18 1. nóvember 2008 LAUGARDAGUR
LAUGARDAGUR, 25. OKTÓBER.
Fjarstaddur maður tekur
til máls
Mbl.is í dag:
„Nokkur fjöldi tók þátt í blysför
frá Austurvelli að Ráðherrabú-
staðnum í Reykjavík á fimmta
tímanum. Yfirskrift mótmælanna
var „Rjúfum þögn ráðamanna og
göngum til lýðræðis.“ … Meðal
ræðumanna á Austurvelli voru
Þorvaldur Gylfason, Jón Baldvin
Hannibalsson, Þráinn Bertelsson
og Páll Óskar Hjálmtýsson …
Efnt verður til sams konar mót-
mæla á Austurvelli næstu þrjá
laugardaga.“
Mér finnst rétt að halda því til
haga að ég tók alls ekki til máls á
þessum fundi þótt annað sé fullyrt
á mbl.is.
Ástæðan fyrir því að ég mætti
ekki í mótmælin og fór heldur í
sund er sú að mér sýndist dóttir
fyrrverandi stjórnmálamanns og
einhverjir með henni vera að
reyna að taka yfir þau mótmæli
sem Hörður Torfason hefur haldið
utan um að undanförnu. Að frum-
kvæði Harðar sagði ég fáein orð á
fundi á Austurvelli fyrir viku,
enda voru engir stjórnmálamenn
þar á mælendaskrá.
Ég hef sem betur fer hvorki
hæfileika né sjálfstraust sem pól-
itískur endurlausnari svo að ég
ætla ekki að reyna að stofna né
stjórna mótmælahreyfingu. Dótt-
ur stjórnmálamannsins gengur
sjálfsagt gott eitt til með framlag
sitt þótt ég sé á því að faðir hennar
sé kominn fram yfir síðasta
neysludag – sem stjórnmálamað-
ur.
Við frú Sólveig fórum í mikið
indælis kvöldverðarboð í Kópa-
vogi hjá þeim
Samper-hjónum
Kristjönu og
Baltasar að
borða saltfisk
að hætti Kata-
lóníumanna.
Maturinn var svo
góður að enginn
fann sig knú-
inn til að setja
á svartsýnis-
ræður um
kreppuna.
Það næsta
sem við komumst efnahags-
málum var að ræða um ýmiss
konar aðlaðandi tilboð frá
símafyrirtækjum sem þrátt
fyrir örlæti sitt við viðskipta-
vinina virðast alltaf ná á okkur
góðum snúningi um hver mán-
aðamót.
SUNNUDAGUR, 26. OKTÓBER.
Snemmbúið vetrarfrí
Það er fjögurra daga samfellt
vetrarfrí í Landakotsskóla kring-
um þessa helgi frá föstudegi til
mánudags.
Litla Sól, fimm ára, ákvað að
tími væri til kominn að fá að gista
eina nótt hjá Lilju vinkonu sinni
og nágranna hérna í
Mjóstrætinu í um fimmtíu
metra fjarlægð frá okkur.
Þessi fyrsta „vinkonugist-
ing“ ævinnar mun hafa
gengið mjög vel og verið
mikið grín.
Andri, tíu ára, sem er
lífsreyndari, bauð Gumma
vini sínum og skólabróður
að gista hérna hjá okkur
og ég sofnaði við pískur
og hlátrasköll sem bárust
út úr herberginu þeirra.
Mér finnst þetta vetr-
arfrí vera soldið van-
hugsað. Skólinn er til
þess að gera nýbyrjað-
ur og ekki farið að votta
fyrir skólaþreytu hjá
krökkunum nema síður
sé. Gott væri að tíma-
setja vetrarfrí þannig að hægt
væri að tengja þessi frí við ein-
hverja daga sem von er til að for-
eldrar eða forráðamenn barna geti
notað tímann til að gera eitthvað
skemmtilegt með börnunum.
MÁNUDAGUR, 27. OKTÓBER.
Ofbeldi, hengilmænu-
háttur og harmleikur
Þá er helgin liðin með hefðbundn-
um ofbeldisverkum í Reykjavík
og nágrenni.
Í sambandi við ofbeldið í
Reykjavík þá getur það tekið á
sig ótrúlegar myndir. Til dæmis
þekki ég svartan kött sem
er búsettur einhvers stað-
ar hérna í Grjótaþorpinu
og er svo gegnsýrður af
ofbeldishugsun að hans
afþreying er að sitja fyrir
vegfarendum ofarlega í
Fischerssundi, rétt neðan
við Garðastræti.
Hugsanlega er það
gjaldþrot bankanna
ellegar hengilmænu-
háttur forsætisráð-
herra og harm-
leikurinn í
Seðla bankanum sem
hefur gert útslagið
á vitstola hugar-
ástand kattarins.
Hann situr á miðri
gangstétt og fylgist
vandlega með
umferð um Fischer-
sund og er að sigta út
fórnardýr að ráðast á, einkum
ef fólk er í göngutúr með risa-
stóra hunda hjólar kötturinn í þá
með klóm og kjafti og þeir eiga
fótum fjör að launa.
Um daginn sá ég að einhver
maður ætlaði að gera sér dælt
við kisa og skoða nafnspjald sem
hann er með í ól um hálsinn en
var fljótur að draga sig til baka
því að kötturinn beit hann snar-
lega í lúkuna og hann mátti þakka
fyrir að halda handleggnum.
Þessi árásargirni hlýtur að
hafa smitast í köttinn meðan
hann var enn þá kettlingur og
Range Rover- og Armani-herfor-
ingjarnir marséruðu hér um
stræti eins og þeir hefðu her-
numið landið og þjóðin væri rétt-
mætt herfang þeirra; skriðdrek-
ana sína geymdu þeir í
bílastæðahúsinu
hérna við Mjóstræti.
Bókin mín „Ég ef
mig skyldi kalla –
seinþroskasaga“ kom
úr prentsmiðjunni í
dag. Það er skrýtin
tilfinning að fá í
hendur bók sem
maður hefur eytt
ótal andvökustund-
um í að hugsa um og
mörgum vinnu-
stundum í að skrifa.
Nú er stundin
slegin. Nú er að sjá hvernig við-
tökur þetta bókarkorn fær. Ég er
í senn vongóður og kvíða-
fullur og stundum fyll-
ist ég örvæntingu. Það
er mitt jafnaðargeð.
ÞRIÐJUDAGUR, 28.
OKTÓBER.
„Menningarvitamála-
stofnun Íslands“
Egill Helgason er maður ekki ein-
hamur. Í gamla daga var sægur af
svokölluðum „menningarvitum“
sem tjáðu sig í blaðagreinum eða
á öldum ljósvakans um jafnó-
skyld menningarmál sem stjórn-
mál og listir. Egill hefur komið í
staðinn fyrir mestallan þennan
hóp. Með Silfri Egils og Kiljunni
og daglegu bloggi á Eyjunni er
Egill orðinn að stofnun í þjóðfé-
laginu, eins konar „Menningar-
vitamálastofnun“ sem lýsir öllum
sæfarendum á fiskimiðum menn-
ingar og stjórn-
mála.
Á sumrin fer
Egill svo til Grikk-
lands sér til heilsu-
bótar og á meðan
Menningarvitinn
logar ekki dettur
engum í hug að
minnast á bækur
né pólitík. Þetta er
sennilega ódýr-
asta og afkasta-
mesta stofnun á
landinu.
Þar sem ekkert
virðist vera svo
smátt að það fari
framhjá Agli
gerði hann mér
orð í tilefni af
útkomu „Ég ef
mig skyldi kalla“
og bað mig um
að koma í viðtal,
hvað ég og gerði.
Mér leið vel í
viðtalinu því að
Egill kann bæði
að spyrja og
hlusta og hefur
hlýlega nær-
veru.
FIMMTUDAGUR, 30. OKTÓBER.
Fjórtán þúsund gjald-
þrot
Það er hörmulegt að lesa
þessa frétt á visir.is:
„Hartnær fjórtán þúsund
Íslendingar eru í alvarleg-
um fjárhagserfiðleikum
… Þetta kemur fram í
nýrri skýrslu frá Cred-
itinfo Ísland.“
Það óhugnanlega
er að þessar tölur
segja bara frá
ástandinu í dag í
upphafi
kreppunnar og
aðrar tölur og
enn þá svaka-
legri eru
væntanlegar
á næstunni.
Það er greini-
legt að kapítalism-
inn sem trúarbrögð hefur
brugðist okkur eins og kommún-
isminn hefur brugðist öðrum þjóð-
um. Nú er spurningin hvort við
lærum af reynslunni og reynum að
reisa hér úr rústum nýtt þjóðfélag
samstöðu og samábyrgðar sem
snýst um hagsmuni fólksins í land-
inu.
Í landi þar sem fólkinu líður vel
mun fyrirtækjum og atvinnurekstri
einnig vegna vel.
Í því spili sem spilað hefur verið
undanfarna áratugi var frá upphafi
vitlaust gefið. Nú er ekki nóg að
þykjast ætla að stokka spilin. Við
verðum að fá okkur flunkunýjan
spilastokk – og nú er komið að þjóð-
inni sjálfri að gefa.
Þeir sem spila um líf og hamingju
annars fólks eiga hvergi heima
nema á betrunarhælum.
KÆRA DAGBÓK
Þráinn Bertelsson skrifar
Ný spil á hendi!
Í dagbók Þráins Bertelssonar er fjallað um fjarstaddan ræðumann,
hengilmænu og harmleik. Einnig er minnst á ofbeldishneigðan kött og
nýjan spilastokk og sagt frá ódýrustu og afkastamestu stofnun á landinu.