Fréttablaðið - 01.11.2008, Blaðsíða 46

30 1. nóvember 2008 LAUGARDAGUR
É
g held að fólk yngist
upp við að fá sér
Royal-búðing,“ segir
Sigurður F. Kristjáns-
son, verkstjóri í verk-
smiðju Agnars
Ludvigssonar, sem framleiðir
Royal-búðing og hefur gert síðan
1955. Óumbreytanleiki búðingsins
sem bragðast eins og hann hefur
alltaf gert og, það sem ekki er
síður mikilvægt, er í nákvæmlega
eins umbúðum og hann hefur verið
síðan á sjötta áratugnum, fram-
kallar fortíðarþrá hjá stórum hluta
þjóðarinnar.
Royal-búðingur hefur verið til í
hillum íslenskra kaupmanna síðan
innflutningur á Royal-vörum hófst
hjá Agnari Ludvigssyni. En síðan
framleiðslan á honum hófst hefur
hann verið búinn til í lítilli verk-
smiðju á Nýlendugötu. Sú verk-
smiðja lætur lítið yfir sér en þar
er búðingurinn framleiddur og
pakkað í umbúðir sem bera
umbúðahönnun sjötta áratugarins
fagurt vitni. „Þær eru prentaðar í
Kassagerðinni af litfilmum sem
búnar voru til á sínum tíma,“ segir
Sigurður og bendir á að vegna þess
sé erfitt að breyta umbúðunum
sem eru á ensku en með leiðbein-
ingum á íslensku. „Því ekki viljum
við breyta umbúðunum, Íslending-
ar vilja hafa Royal-búðinginn
alveg eins og hann hefur alltaf
verið.“ Sigurður veit hvað hann
syngur, hann hefur meðal annars
það starf með höndum að gæða-
prófa framleiðsluna og veit að
nákvæmnina verður að hafa að
leiðarljósi svo neytendur fái vör-
una sem þeir þekkja og halda
tryggð við.
Vinsældir búðingsins hafa verið
miklar og stöðugar og því hvarflar
ekki að eigendum að breyta til, til
hvers að breyta því sem virkar?
Auk þess að framleiða Royal búð-
ing í fimm bragðtegundum, súkku-
laði, vanillu, karamellu, sítrónu og
jarðarberja, er samnefnt lyftiduft
líka búið til í verksmiðjunni.
Starfsfólkið pakkar duftinu í pökk-
unum inn eftir kúnstarinnar regl-
um en dósirnar eru fluttar inn.
„Við teljum dósirnar vera á sama
stað í hönnunarsögunni og litla
kókflaskan,“ segir Stefán Guðjóns-
son, forstjóri John Lindsey, heild-
sölunnar sem keypti fyrirtækið
Agnar Ludvigsson fyrir áratug.
Það fyrirtæki er nú að byggja nýtt
húsnæði í Klettagörðum og þang-
að mun verksmiðjan flytjast og
allir starfsmenn vera undir einum
hatti. Verksmiðjan gamla verður
yfirgefin og umhverfi starfsfólks-
ins verður öllu nútímalegra.
Dyggum starfsmönnum verk-
smiðjunnar líst vel á flutninginn
þó greina megi söknuð vegna
gamla vinnustaðarins.
Áhrif efnahagskreppunnar eru
ýmiss konar í þjóðfélaginu og
segir Stefán greinilega söluaukn-
ingu í lyftiduftinu síðan hún skall
á. „Fólk bakar meira og kaupir þá
auðvitað Royal lyftiduft, það er
íslensk framleiðsla.“
Búðingur með nostalgíubragði
Royal-búðingur er örugglega einn af vinsælustu eftirréttum þjóðarinnar. Hann hefur um áratuga skeið verið framleiddur í
verksmiðju við Nýlendugötuna sem bráðum verður flutt í nýtt húsnæði. Aðdáendur búðingsins þurfa þó ekki að örvænta,
uppskriftinni verður ekki breytt. Sigríður B. Tómasdóttir pældi í eftirréttinum ómótstæðilega.
NÁKVÆMNI SKAL GÆTT Royal-búðingur
er framleiddur í fimm bragðtegundum
og þess vandlega gætt að hann bragðist
alltaf eins. Súkkulaði og karamella eru
vinsælustu bragðtegundirnar.
GLATT Á HJALLA J. Jing Zhang og Jónína Flosadóttir standa vaktina við færibandið á Nýlendugötu.
Í tvöhundruð manna matar-
veislu fannst matgæðingnum
Áslaugu Snorradóttur við hæfi
að gera köku sem heitir því
fallega nafni Rússakarlotta
eða Charlotte Russe. Hún bjó
þó til eigin útfærslu á kökunni
sem er ábætisréttur með
langa sögu en gefum Áslaugu
orðið:
„Ég hef aðeins þrisvar komist
í kynni við Rússakarlottu,
meðal annars í Finnland á
barnum hans Aki Kaurismäki,
þá fékk ég með henni vodka
standard silfur filteraðan sem
er besti vodka í heimi. Stuttu
seinna útbjó ég tvöhundruð
manna afmælisveislu við 20
lítra af vodka standard og var
þá vissulega við hæfi að útbúa
eina Karlottu.“
Karlottan umrædda var
þó ekki hefðbundin, en sá
eftirréttur skartar búðingi milli
laga af ladyfingers.
Útfærsla Áslaugar krefst þess af geranda að hann kaupi Royal búðing, matar-
lím og rúllutertur frá Myllunni. Í stórveislunni áðurnefndu fóru hvorki meira
né minna en 20 lítrar af Royalbúðingi og 10 rúllutertur í kökuna en svo var
búðingurinn hertur með matarlími „svo Karlottan færi ekki á skrið.“ Magnið
fer hins vegar eftir stærð skálarinnar sem kakan er löguð í. Heppilegast er að
nota vanillubúðing að sögn Áslaugar sem þó telur súkkulaðibúðing eflaust
vera ágætan líka. En svona er uppskriftin:
„Fyrst er að finna heppilega skál fyrir réttinn, til dæmis grunna og breiða, eða
háa og mjóa. Svo er Royal dufti blandað með mjólk eins og segir á pakk-
anum, gæti einnig verið rjómabland en þá allra helst á jólunum. Tvö til þrjú
matarlímsblöð þarf á hvern lítra af búðingi. Matarlímið er leyst upp í heitu
vatni. Rúllutertan er skorin í sentimetraþykkar sneiðar, skálin fóðruð með
plastfilmu og sneiðunum raðað eins og sést á meðfylgandi mynd. Því næst
er búðingnum hellt ofan í skálina og sett í kæli í nokkrar klukkustundir. Að
lokum er réttur diskur valinn og hvolft úr skálinni. Það kemur vel til greina að
krydda búðinginn, ég mæli með vanillu, kanil, kardimommum eða anis.
Verði ykkur að góðu.“
Rússakarlotta að hætti Áslaugar Snorradóttur
– með Royal búðing í lítravís
FR
ÉT
TA
B
LA
Ð
IÐ
/S
TE
FÁ
N
M
YN
D
/Á
SL
A
U
G
S
N
O
R
R
A
D
Ó
TT
IR