Fréttablaðið - 01.11.2008, Blaðsíða 8
8 1. nóvember 2008 LAUGARDAGUR
SKATTAMÁL Ríkissjóður greiddi
hæstu opinberu gjöldin af lögaðil-
um í Reykjavík, samkvæmt álagn-
ingaskrá 2008 sem Skattstjórinn í
Reykjavík lagði fram í gær. Reykja-
víkurborg greiðir tæpa 5,7 millj-
arða í tryggingagjald. Þá greiðir
Landsbanki Íslands alls rúma 5,6
milljarða. Í þriðja sæti yfir greið-
endur hæstu opinberra gjalda í
Reykjavík 2008 er svo Straumur-
Burðarás fjárfestingarbanki sem
greiðir rúmlega 1,5 milljarða.
Samtals greiða lögaðilar rúmlega
sextíu milljarða í opinber gjöld. Þar
af eru það 7.816 aðilar sem greiða
rúmlega 34,5 milljarða í tekjuskatt
og 7.365 aðilar sem greiða rúmlega
25 milljarða í tryggingagjald. 81
aðili greiðir fjármagnstekjuskatt
upp á 190 milljónir og 2.478 aðilar
greiða iðnaðarmálagjald upp á
tæpar 202 milljónir. 46 aðilar greiða
rúmlega 35 milljónir í búnaðargjald
og 28 aðilar greiða tæplega 39 millj-
ónir í jöfnunargjald alþjónustu.
Alls eru 11.261 lögaðili á skrá.
Landsbankinn var sá lögaðili sem
greiddi hæsta tekjuskattinn, þar
með talið fjármagnstekjuskatt,
rúmlega 4,7 milljarða. Þá kom
Straumur-Burðarás sem greiddi
rúmlega 1,4 milljarða. Í þriðja sæti
er svo Byggingarfélag Gylfa og
Gunnars sem greiddi tæplega 338
milljónir í tekjuskatt. - ss
GREIÐENDUR HÆSTU
OPINBERRA GJALDA Í
REYKJAVÍK 2008
Lögaðili Krónur
Ríkissjóður Íslands 5.694.373.337
Landsbanki Íslands 5.609.450.826
Straumur-Burðarás 1.549.755.104
Reykjavíkurborg 1.367.146.004
Bechtel International 620.392.258
Icelandair ehf. 453.523.494
BYGG 397.147.981
VBS Fjárfestingarbanki 305.685.097
Icebank 272.553.800
Síminn 264.281.699
HEIMILD: SKATTSTJÓRINN Í REYKJAVÍK
Álagningaskrá Reykjavíkur 2008 með gjöldum lögaðila lögð fram:
Ríkið borgar mest í Reykjavík
UMHVERFISMÁL Veraldarvinir hlutu
Umhverfisverðlaun LÍÚ árið 2008
fyrir framlag sitt við hreinsun
strandlengju Íslands. Einar K.
Guðfinnsson sjávarútvegsráðherra
afhenti Þórarni Ívarssyni,
forsvarsmanni samtakanna,
verðlaunin á 69. aðalfundi LÍÚ.
Veraldarvinir eru samtök
sjálfboðaliða með það markmið að
vinna með sveitarfélögum á
Íslandi í samvinnu við alþjóðlega
samstarfsaðila að vitundarvakn-
ingu um umhverfismál. Vel á
þriðja þúsund sjálfboðaliðar víðs
vegar að úr heiminum hafa unnið
að ýmsum verkefnum á vegum
samtakanna. - shá
Umhverfisverðlaun LÍÚ:
Veraldarvinir
fá verðlaun LÍÚ
1. Hver skoraði tvö mörk í
landsleik Íslendinga og Íra á
Laugardalsvelli á fimmtudag?
2. Hver hefur verið skipaður
ríkissáttasemjari?
3. Hversu margar milljónir
bóka eftir Arnald Indriðason
hafa selst um heim allan?
SVÖRIN ERU Á SÍÐU 54
Auglýsingasími
– Mest lesið
EFNAHAGSMÁL Menntamálaráð-
herra kynnti í gær víðtækar breyt-
ingar á reglum Lánasjóðs íslenskra
námsmanna. Þær miða að því að
létta undir með námsmönnum
erlendis við þær aðstæður sem nú
eru uppi í íslensku efnahagslífi.
Áætlað er að aðgerðirnar kosti
íslenska ríkið 300 milljónir árið
2009.
Námsmönnum í sárri neyð verð-
ur nú veittur kostur á aukaláni sem
samsvarar tveggja mánaða fram-
færslu. Vaxtastyrkur vegna yfir-
dráttarlána er hækkaður, tekju-
skerðing minnkuð, endurgreiðslur
gerðar sveigjanlegri auk þess sem
sérstakt tillit verður tekið til þeirra
sem verða fyrir tekjumissi. Þá er
verulega létt undir með skiptinem-
um með því að reikna lán þeirra út
frá genginu 26. september síðast-
liðinn í stað 1. júní.
Garðar Stefánsson, formaður
Sambands íslenskra námsmanna
erlendis, SÍNE, fagnar aðgerðun-
um en segir þó enn mikla óvissu
ríkja. „Það kemur í ljós hvort þetta
er nóg, við vitum ekkert um það,“
segir hann og vísar til óvissunnar
um gengisþróun og gjaldeyris-
flutninga. „En það er frábært hvað
stjórnvöld, sérstaklega ráðuneytið
og Lánasjóðurinn bregðast fljótt
við kröfum og athugasemdum
SÍNE,“ segir hann. Sérstaklega
segir hann aðgerðirnar koma
skiptinemum vel.
„Þetta er góð skammtímalausn,
en til langs tíma þarf að taka regl-
urnar í gegn. Það þarf að hækka
námslánin, gera kerfið sveigjan-
legra og fólk á ekki að þurfa að
sætta sig við yfirdráttarvexti,“
segir Garðar. Hann vill helst að
námslán verði greidd mánaðarlega
til að fyrirbyggja yfirdráttarlánin.
stigur@frettabladid.is
Námsmenn í
neyð fá hjálp
Aðgerðir til hjálpar námsmönnum í vanda erlendis
voru kynntar í gær. „Það kemur í ljós hvort þetta er
nóg, við vitum ekkert um það,“ segir formaður SÍNE.
Hann telur aðgerðirnar þó góða skammtímalausn.
■ Þeir námsmenn sem verst verða
úti eiga kost á aukaláni sem
samsvarar tveggja mánaða fram-
færslu. Sækja þarf sérstaklega um
lánið og metur stjórn LÍN hvert
tilvik. Námsmenn á Íslandi eiga
kost á helmingi lægra aukaláni.
■ Styrkur sem ætlað er að mæta
vaxtakostnaði vegna yfirdráttar-
lána er hækkaður úr 250 krónum
á hverja þreytta ECTS-einingu í
400 krónur.
■ Tekjuskerðing námslána lækkar
úr tíu prósentum í fimm prósent.
■ Útreikningur lána skiptinema
miðast við gengið 26. september
í stað 1. júní.
■ Greiðendum í vanskilum verður
gefinn kostur á greiðslusam-
komulagi til þriggja mánaða í
stað tveggja áður, gegn þriðj-
ungsinnborgun skuldar í stað
helmingsinnborgunar áður.
■ Þeir sem verða fyrir fyrir 20 til 30
prósenta tekjutapi á milli áranna
2008 og 2009 eiga kost á lækkun
tekjutengdrar afborgunar láns
haustið 2009. Þeir sem tapa yfir
30 prósentum geta fengið afborg-
unina fellda niður.
BREYTINGARNAR Í MEGINATRIÐUM
LÁNASJÓÐUR ÍSLENSKRA NÁMSMANNA Breyta þurfti fjölda greina í reglum um Lána-
sjóðinn til að aðgerðirnar mættu ná fram að ganga. FRÉTTABLAÐIÐ / VALLI
GARÐAR STEFÁNSSON
VEISTU SVARIÐ?