Fréttablaðið - 08.11.2008, Side 40

● heimili&hönnun
Jón bóndi kemur til dyra og býður
í bæinn. Emil hendist inn stuttu
seinna. „Ég var að skila dæmum,“
segir hann móður og másandi og
snýr sér svo að Jóni. „Hvað, ertu
ekki búinn að taka til?“ Heimsókn-
ina ber upp á kosningadag í Banda-
ríkjunum og í ljós kemur að þeir
ætla að halda kosningavöku um
kvöldið.
Emil og Jón útskrifuðust frá MR
í vor og stunda nú nám við Háskóla
Íslands, Emil í eðlisfræði og Jón í
lögfræði. Þeir fengu góða íbúð á
Garði þar sem þeir hafa hvor sitt
herbergið og eitt auka fyrir gesti.
Þeir segjast lítið hafa átt til búsins
þegar þeir byrjuðu hokrið en úr því
hafi ræst furðu fljótt því frændur
og vinir hafi gaukað ýmsu að þeim.
Afraksturinn sé meðal annars full-
ir skápar af bjórglösum og rósótt-
um ömmudiskum.
„Fyrst var bara rúm í herberg-
inu mínu en svo fékk ég mynd
frá vinkonu minni sem gerbreytti
stöðunni,“ upplýsir Jón og bendir
á afskaplega netta mynd á vegg.
Þeir upplýsa að stefnan sé að
hengja einungis upp myndir eftir
fólk sem þeir þekki en Tinnaplak-
atið hans Emils er þó undantekn-
ing. „Ég kem úr Tinna-sjúkri fjöl-
skyldu,“ segir hann afsakandi.
„Hann er rauður þessi,“ segir
blaðamaður og bendir á lampa
sem lýsir upp eina hilluna í her-
bergi Emils og hann viðurkennir
að þetta sé eins og í rauða hverf-
inu á kvöldin. Spurður hvort þeir
hafi grætt á því svarar hann að
bragði: „Já, það hafa komið hérna
bæði kynin.“
Þó að Emil eigi sjónvarpið á
heimilinu er það á borðinu hjá
Jóni. „Annars horfi ég of mikið
á það,“ útskýrir Emil. „Jón varð
meira að segja að taka netsnúruna
úr tölvunni minni líka,“ segir hann
hlæjandi og kveðst vera undir aga
og ströngu eftirliti. „Ef gestir eru
hjá mér þá bankar Jón stundum
og spyr: „Jæja, er nú ekki kominn
tími til að þú farir að sofa, Emil?“,
rekur fólkið út eða býður því gist-
ingu í gestaherberginu. Hann er
mamman.“ - gun
Afaklukka og ömmustell
● Hvernig búa stúdentar á Garði? Eru pitsukassar aðalinnanstokksmunirnir? Litið var inn
til tveggja gaura sem leigja saman, Emils Harðarsonar og Jóns Arnar Árnasonar.
„Eiga að vera straumar á milli okkar?“ spyrja Jón og Emil ljósmyndarann sem ákveð-
ur að mynda þá við uppvaskið. FRÉTTABLAÐIÐ/ANTON
Klukkan frá langafa Emils er
uppi á eldhússkáp. Þegar hún
slær er heilög stund hjá Jóni.
Borðið hans Emils er búið til úr stórri trjárót. Það er frá afa hans
sem var flugmaður og kom með það frá Alaska. Kannabis í glugg-
anum? Nei, tómatplanta, vaxin upp af fræi sem fór í mold í júlí.
Borðið hans Jóns er úr gamla Verslunarbankan-
um. „Frændi minn þurfti að losna við það og mig
vantaði borð. Það er með skúffur báðum megin
og sparar mér skáp,“ segir hann.
Klukkan hans Emils gefur frá
sér óhljóð á miðnætti sem
líkjast því að lest bruni gegnum
herbergið.
Forstofan er heimilisleg. Takið eftir Fréttablaðs-
töskunni.
hönnun
„Þrír vinir okkar máluðu þessa
mynd og gáfu okkur í innflutn-
ingsgjöf. Við ljúgum því að hún
sé ein af fyrstu myndum Errós.“
● HANDSKORNAR GLASAMOTTUR Glasamottur eru tilval-
in jólagjöf handa þeim sem eiga allt. Glasamottur eru nauðsynlegar
til að smeygja undir heita og kalda drykki svo ekki komi rakahringir á
borðin. Hitaþolnar glasamottur frá Images d´Orient eru fallega hand-
skornar úr gúmmíi en bæði litirnir og munstrin minna á austurlensk
form. Hugmyndin að baki hönnuninni er að byggja á fornum menn-
ingarheimum við að skapa eitthvað nýtt.
Glasamotturnar eiga að gefa borðinu bæði yfirbragð gamalla tíma
og framtíðar. Motturnar fást í ýmsum litum
og eru einfaldar í þrifum en þeim má
einfaldlega henda í uppþvotta-
vélina. Þær fást fjórar saman
í pakka á 2.150 krónur
í Búsáhöldum í
Kringlunni. Í sömu
línu er hægt að fá
stærri diskamottur
og hitaplatta, einnig úr
handskornu gúmmíi, en
plattinn kostar 2.995 krónur.
GE kæliskáparnir eru öflugir,
endingargóðir og glæsilega innréttaðir
Amerískir GE
kæliskápar
GE svartur kæliskápur verð frá kr.:
249.000
8. NÓVEMBER 2008 LAUGARDAGUR4