Fréttablaðið - 21.11.2008, Síða 8

8 21. nóvember 2008 FÖSTUDAGUR
F
í
t
o
n
/
S
Í
A

Meira
íslenskt
í leiðinni
Gómsæt tilboð
fyrir okkur öll!
119,-
Nizza m.
Nóakroppi
169,-
Stjörnupopp
ostapopp
159,-
Stjörnupopp
venjulegt
269,-
150g Nóa kropp
eða Nóa lakkrís-
sprengjur
1 Hvað heitir sýslumaðurinn
sem gaf Ólaf Ragnar Grímsson
og Dorrit Moussaieff saman?
2 Hvert er viðurnefni kraftlyft-
ingakappans Páls Logasonar?
3 Hver er landsliðsþjálfari
Argentínu í knattspyrnu?
SVÖRIN ERU Á SÍÐU 42
VELFERÐARMÁL Frestur til að sækja
um greiðslujöfnun verðtryggðra
lána rennur út 25. nóvember.
Umsókn um greiðslujöfnun skal
koma á framfæri við viðkom-
andi lánastofnun umsækjanda
að kostnaðarlausu. Hægt verður
að segja sig frá greiðslujöfnun
síðar á lánstímanum ef aðstæður
lánþega breytast til betri vegar.
Greiðslujöfnunin mun leiða til
aukins kostnaðar fyrir lántaka
þegar upp er staðið í formi vaxta
og verðbóta og því er ekki sjálf-
gefið að þeir hafi hag af greiðslu-
jöfnuninni þótt hún létti greiðslu-
byrði lána tímabundið í
niðursveiflunni og geti þannig
létt á efnahag heimilanna í land-
inu.
Greiðslujöfnunin felst í því að
reiknuð verður ný vísitala,
greiðslujöfnunarvísitala, mán-
aðarlega. Í henni verður vegin
saman launaþróun og þróun
atvinnustigs. Ef afborganir
reynast lægri samkvæmt nýju
vísitölunni en samkvæmt vísi-
tölu neysluverðs er hluta af
afborgunum fasteignalánsins
frestað þar til greiðslujöfnunar-
vísitalan hækkar umfram
neysluvísitöluna. Frestaðar
afborganir fara á sérstakan jöfn-
unarreikning sem bætist við höf-
uðstól lánsins. Verði skuld á
jöfnunarreikningi við lok upp-
haflegs lánstíma verður lánstím-
inn lengdur. - ghs
Frestur til að sækja um greiðslujöfnun rennur út á þriðjudaginn:
Léttir greiðslubyrðina tímabundið
VERÐTRYGGING - Tvö dæmi
Lánsupphæð 30 milljónir, vextir 5,0 prósent til 40 ára:
Dagsetning Greiðsla á mánuði óbreytt Greiðsla á mánuði jöfnuð
1.1. 2009 171.275 152.355
1.12.2009 177.293 144.626
Lánsupphæð 30 milljónir, vextir 5,0 prósent til 20 ára
1.1.2009 234.414 208.519
1.12.2009 242.651 197.941
ALÞINGI Siv Friðleifsdóttir, þing-
flokksformaður Framsóknar-
flokksins, sagði ríkisstjórnina
óstarfhæfa eftir að Helgi Hjörv-
ar, þingmaður Samfylkingarinn-
ar, kallaði eftir breytingum á
yfirstjórn Seðlabankans í þing-
umræðum í gær.
Eftir að Geir H. Haarde for-
sætisráðherra hafði flutt ræðu
sína í umræðum um samkomulag
stjórnvalda og Alþjóðagjaldeyr-
issjóðsins tók Helgi til máls og
sagði yfirstjórn Seðlabankans
rúna trausti. Þingmenn úr öllum
flokkum kölluðu eftir breyting-
um og meirihlutavilji væri fyrir
að aðeins fagmenn kæmu að
stjórn bankans.
Geir sagði
yfirstjórn
Seðlabankans
hafa átt aðild
að samkomu-
laginu, formað-
ur bankastjórn-
ar hefði skrifað
undir það og
gerði sér þar af
leiðandi grein
fyrir hvað í því
felst. Sagði hann málflutning
Helga ekki eiga rétt á sér.
Tók þá Siv til máls og sagði
stjórnina óstarfhæfa. Samverka-
menn í stjórnarliðinu kæmu í
pontu þingsins og berðu hvor á
öðrum með Seðlabankanum. Full-
trúi Samfylkingarinnar segði allt
í steik en forsætisráðherra segði
allt í himnalagi. „Það er ekki
hægt að bjóða neinum upp á
þetta. Ríkisstjórnarflokkarnir
geta ekki hagað sér svona,“ sagði
Siv og hélt áfram: „Ég verð að
viðurkenna að ég er farin að vor-
kenna hæstvirtum forsætisráð-
herra að þurfa að sitja undir
þessu. Ég vorkenni forsætisráð-
herra sem er að reyna að standa
vaktina og fyrsta innslagið er frá
samstarfsflokknum sem ræðst að
forsætisráðherranum.“
- bþs
Siv Friðleifsdóttir furðaði sig á framgöngu Helga Hjörvar gagnvart Geir H. Haarde:
Óstarfhæf stjórn vegna deilna
SIV
FRIÐLEIFSDÓTTIR
VIÐSKIPTI „Það þótti eðlilegt að ég
hætti,“ segir Ari Edwald,
fráfarandi forstjóri 365 hf.
Samþykkt var á hluthafafundi
fyrirtækisins í gær, í kjölfar
kaupa Nýrrar sýnar um mánaða-
mótin á 365 miðlum, að breyta
nafni þess sem eftir standi í
Íslenska afþreyingu. Þar undir
eru Sena og ráðandi hlutur í
EGF. Ari sest í forstjórastól
fjölmiðlahlutans en verður
stjórnarformaður Íslenskrar
afþreyingar. Björn Sigurðsson,
framkvæmdastjóri Senu, sest í
forstjórastólinn þar. Breytingin
tók gildi í gær.
Nýja stjórn Íslenskrar
afþreyingar skipa, auk Ara,
Einar Þór Sverrisson, Lára N.
Eggertsdóttir en varamaður er
Hildur Sverrisdóttir.
- jab
365 verður Íslensk afþreying:
Ari skiptir um
forstjórastól
BRETLAND, AP Breska stjórnin er
með áform um að gera vændis-
kaup ólögleg,
líkt og tíðkast
hefur í Svíþjóð
undanfarin ár.
Einnig er
meiningin að
birta opinber-
lega nöfn þeirra
sem verða
uppvísir að
vændiskaupum.
Auk þess er
ætlunin að enn harðari refsing
verði við því að borga fyrir kynlíf
með konum sem neyddar hafa
verið út í vændi.
Reglur um vændi eru mjög
strangar í Bretlandi, strangari en
víðast hvar í Evrópu. Búist er við
að breska þingið taki afstöðu til
þessa máls í næsta mánuði. - gb
Bresk stjórnvöld:
Vændiskaup
verði bönnuð
GORDON BROWN
LÖGREGLUMÁL Tveir menn voru
handteknir vegna eignaspjalla í
gærdag eftir að lögreglan á
höfuðborgarsvæðinu hafði verið
kölluð að húsi í Breiðholti.
Lögregla telur víst að óboðnu
gestirnir hafi alls verið þrír
talsins.
Innrásarmennirnir töldu sig
eiga eitthvað sökótt við tiltekinn
húsráðanda í Breiðholti. Þeir
spörkuðu upp útidyrahurðinni.
Húsráðandi náði hins vegar að
hringja í lögreglu sem gómaði
tvo mannanna. Þeir voru færðir
á lögreglustöð, þar sem þeir
voru yfirheyrðir síðdegis í gær.
- jss
Seljahverfi í Breiðholti:
Tveir teknir eft-
ir innrás í íbúð
VEISTU SVARIÐ?