Fréttablaðið - 21.11.2008, Qupperneq 23

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Ég hef alltaf gert tilraunir með
mat og ég notaði mikið jurtir sem
ég fann uppi í fjalli meðan ég var
bóndi uppi í Jökuldal,“ segir
Ragnhildur Benediktsdóttir en
hún matreiddi hreindýralifrar-
pylsu fyrir Fréttablaðið.
Í lifrarpylsuna notar Ragnhild-
ur íslenskt byggmjöl sem er rækt-
að fyrir austan, fjallagrös og lítið
af mör sem hún segir hægt að
sleppa alveg og nota í staðinn
bankabygg frá Móður náttúru.
„Þeir sem eru ekki hrifnir af mör
geta notað bankabyggið í staðinn
en það þarf að leggja í bleyti. Svo
koma fjallagrösin mikið til í stað-
inn fyrir mjöl. Hreindýralifrin er
líka aðeins bragðsterkari en
lambalifur.“
Ragnhildur vill alls ekki gefa
upp hvaða matur er í uppáhaldi
hjá henni, segir hann svo óhollan
að hún geti ekki gert það opin-
bert. Hún er hrifin af lambakjöti
og nýjum fiski og segist dugleg
að elda.
„Ég á fjögur börn svo það segir
sig sjálft að það kemur af sjálfu
sér,“ segir hún hlæjandi. „Lamba-
kjötið var oft á borðum þegar ég
var með búskap og alltaf heit mál-
tíð einu sinni á dag. Ég held því
áfram þó ég sé hætt að búa og tel
það bara nauðsynlegt fyrir vinn-
andi fólk. Svo geri ég sultur og
hrútaberja- og krækiberjalíkjör
sem er gott að fá sér með hráu
hangikjöti. “
Ragnhildur fer á grasafjall á
hverju ári upp á Jökuldalsheiði.
Hún segir misjafnt bragð af jurt-
unum eftir árstíma og hún hafi
lært á þær með því að smakka sig
áfram. „Að sumu leyti hef ég holl-
ustuna bak við eyrað en þetta er
kannski frekar löngun til að gera
eitthvað öðruvísi. Það er hægt að
nota allar jurtir. Margar tilraunir
hafa samt mislukkast gjörsam-
lega hjá mér en hreindýraslátrið
tókst vel.“
Meðlætið með hreindýra-
slátrinu er það sama og með hefð-
bundnu slátri. Kartöflustappa eða
uppstúfur og soðnar kartöflur.
„En það er langbest eldsúrt, sér-
staklega til að hressa sig á heitum
sumardögum.“
heida@frettabladid.is
Eldsúrt hreindýraslátur
Ragnhildur Benediktsdóttir er tilraunaglöð í eldamennskunni og notar íslenskar jurtir og grös. Hrein-
dýralifrarpylsa með íslensku byggi og fjallagrösum er einn af hennar sérréttum.
Ragnhildur Benediktsdóttir notar íslenskar jurtir í matargerð og útbýr lifrarpylsu úr hreindýralifur og fjallagrösum.
MYND/ÖRLYGUR HNEFILL
Veitingahúsið Perlan - Sími 562 0200 - Fax 562 0207
Netfang perlan@perlan.is - Heimasíða www.perlan.is
H
rin
g
b
ro
t
Verð 7.250 kr.
Jólahlaðborð
Perlunnar
20. nóvember - 30. desember
Lifandi tónlist: Þrjár raddir alla fimmtudaga
og sunnudaga, Þórir Baldurs og Óli Sveinn Jónsson
alla föstudaga og laugardaga.
23. des. Skötu- og jólahlaðborð í hádeginu
1. jan. Nýárskvöldverður Perlunnar
6. jan. Þrettándakvöld í Perlunni
Sannkölluð þrettándastemmning!
Flugeldar og „Allt í steik“ seðillinn!
Gjafabréf PerlunnarGefðu einstaka kvöldstund í jólagjöf!
ENSK JÓLAKAKA er nokkuð sem þarf að huga
að tímanlega. Sérfræðingar vilja meina að kökuna sé
best að vökva reglulega með rommi í að minnsta kosti
mánuð svo það fer hver að verða síðastur að byrja.