Fréttablaðið - 04.12.2008, Blaðsíða 12

12 4. desember 2008 FIMMTUDAGUR
SÆKIR VATN Í LÆK Drengur í Simb-
abve sækir sér vatn í læk að loknu
baði. Þar í landi hafa nú meira en tólf
þúsund manns smitast af kóleru. Á
sjötta hundrað hafa misst lífið.
NORDICPHOTOS/AFP
SLYSFARIR Vinnueftirlitið áætlar að
að minnsta kosti eitt þúsund vinnu-
mánuðir hafi tapast árin 2006 og 7
vegna beinbrota í vinnu.
Forsendurnar eru þær að fjar-
vera starfsmanns frá reglubund-
inni líkamlegri vinnu sé ekki styttri
en tveir mánuðir og síðan fylgi
einn til tveir mánuðir með skertri
vinnugetu. Fjarvera skrifstofu-
fólks sé að meðaltali ekki minni en
mánuður og svo skert vinnugeta í
einn mánuð.
Á árunum 2006 og 7 brutu 663
bein við störf sín. 513 karlar og 150
konur. Algengustu orsakir slysa
sem karlar lenda í og leiða til bein-
brota eru fall af hærri stað, högg
eða að klemmast eða festast í vél.
Fall á jafnsléttu er hins vegar lang
algengasta orsök slysa sem konur
lenda í og leiða til beinbrota.
Greint er frá þessu í Vinnuvernd,
fréttabréfi Vinnueftirlitsins.
Á síðasta ári var tilkynnt um
samtals 1.828 vinnuslys til Vinnu-
eftirlitsins. Hafði þeim fjölgað um
119 frá árinu áður og um 200 frá
2005. Næstum fjórtán hundruð
karlar lentu í vinnuslysi á síðasta
ári og tæplega 430 konur. Tíðust
urðu vinnuslysin við byggingar og
viðgerð mannvirkja og áttu karlar
í hlut í yfirgnæfandi fjölda tilvika.
Næstum tvö af hverjum þremur
slysum í byggingariðnaði urðu á
Austurlandi þar sem mannvirkja-
gerð var umfangsmikil vegna
álvers- og virkjanaframkvæmda.
Í meðfylgjandi töflu má sjá í
hvaða starfsgreinum flest vinnu-
slys urðu á síðasta ári. Sundurliðun
Vinnueftirlitsins er ítarleg og í
henni sést meðal annars að 31
vinnuslys varð í smásöluverslun,
22 í grunnskólum, fimmtán í veit-
inga- og hótelrekstri, fjögur í
menningarstarfsemi og þrjú í pen-
ingastofnunum. Af vinnuslysum
síðasta árs voru fjögur banaslys.
Helstu orsakir vinnuslysa á síð-
ustu tveimur árum voru högg. Fall
af hærri stað og fall á jafnsléttu
koma næst og þar á eftir að klemm-
ast eða festast í vél og skaði af
hvössum eða beittum hlut.
bjorn@frettabladid.is
Gríðarlegt vinnutap
hlýst af beinbrotum
Ætla má að um eitt þúsund vinnumánuðir hafi tapast vegna beinbrota í vinnu
á síðustu tveimur árum. Á sjöunda hundrað manns braut bein í vinnuslysi á
tímabilinu. Yfir átján hundruð vinnuslys tilkynnt 2007. Fjölgun frá árinu áður.
AÐ STÖRFUM Flest vinnuslys á síðasta
ári urðu í byggingarvinnu. Mörg slys
hljótast af falli og eru beinbrot algeng
afleiðing. FRÉTTABLAÐIÐ/VALLI
SVEITARSTJÓRNIR Fjárhagsáætlun Reykjanesbæjar
gerir ráð fyrir 250 milljóna króna halla á samanlögð-
um rekstri sveitarfélagsins og stofnana og fyrirtækja
þess.
„Í kjölfar banka- og efnahagskreppu er augljóst að
tekjur sveitarfélaga munu lækka verulega. Reykja-
nesbær fer ekki varhluta af þessu,“ segir í tilkynn-
ingu frá bæjaryfirvöldum sem boða niðurskurð. „Sem
kunnugt er hefur atvinnulífið brugðið á það ráð að
lækka laun og segja upp fólki. Þar sem bæjaryfirvöld
reyna að útiloka seinni liðinn er nauðsynlegt að skoða
með hvaða hætti einhverjar launaskerðingar geti átt
sér stað, án þess að það komi niður á lægra launuðum
hópum.“
Í tilkynningunni segir að gjald fyrir sorphirðu hafi
verið hækkað. Gjöld í Tónlistarskóla Reykjanesbæjar
hækki einnig og að dregið verði úr umönnunargreiðsl-
um og niðurgreiðslum á frístundaheimilum.
Samtals á niðurskurður að nema 10 prósent frá
fyrstu áætlun. Það svarar til 560 milljóna króna.
„Framlög til fræðslumála, grunnskóla og leikskóla,
auk félagslegra verkefna hækka þó á milli ára, en
lækkun er á framlögum til annarra málaflokka. Til að
mæta auknum kostnaði og minni tekjum þarf að gera
tímabundnar breytingar á ýmsum þjónustuþáttum,
sem gætu haft áhrif á takmarkaða hópa, svo sem í
frístundaskóla og tónlistarskóla.“ - gar
Reykjanesbær bregst við fjármálakreppunni með tíu prósent niðurskurði:
Laun bæjarstarfsmanna skert
ÁRNI SIGFÚSSON Bæjarstjóri Reykjanesbæjar, þar sem lækka
á laun bæjarstafsmanna en forðast uppsagnir. MYND/HILMAR BRAGI
DÓMSMÁL Karlmaður á fertugs-
aldri, Einar Björn Ingvason, hefur
verið dæmdur í tólf mánaða fang-
elsi í Héraðsdómi Reykjavíkur.
Sakarefnin eru ránstilraun og árás
á lögreglumenn.
Það var í febrúar að Einar kom
inn á Fótaaðgerðastofuna Eddu á
Hverfisgötu og gerði tilraun til að
ræna stofuna. Hann var þá í annar-
legu ástandi og með hulið andlit.
Hann sagði við starfsmann að um
væri að ræða rán og krafðist pen-
inga. Hann hafði ekkert upp úr
krafsinu.
Nokkru síðar var Einar handtek-
inn með áverka í andliti í miðbæn-
um. Hann var færður á lögreglu-
stöð og þaðan á slysadeild. Þar fékk
hann að fara á salerni Þar sem
hann braut spegil og strauk gler-
broti um hálsinn á sér. Eftir að hafa
fengið aðhlynningu á slysadeild
var hann fluttur á brott í lögreglu-
bíl. Í bílnum lenti hann í átökum
við lögreglumenn og sparkaði þá í
höfuð lögreglumanns með þeim
afleiðingum að sá síðarnefndi hlaut
heilahristing. Einar hefur frá árinu
1990 hlotið tuttugu og níu refsi-
dóma fyrir ýmis auðgunarbrot,
skjalafals, líkamsárás, fíkniefna-
lagabrot auk ítrekaðra brota gegn
umferðarlögum. Hann var síðast
dæmdur í september, í átta mánaða
fangelsi. - jss
Karlmaður á fertugsaldri dæmdur í fangelsi:
Reyndi rán og réðist á lögreglu
HÉRAÐSDÓMUR Maðurinn var dæmdur í
Héraðsdómi Reykjavíkur.
VINNUMARKAÐUR Íslendingar
standa hinum Norðurlandaþjóð-
unum langt að baki þegar skoðað
er hvort norrænu þjóðirnar hafi
staðfest samþykktir Alþjóða-
vinnumálastofnunarinnar,
samkvæmt upplýsingum í skýrslu
um samþykktir Alþjóðavinnu-
málastofnunarinnar frá 1980.
Hinar Norðurlandaþjóðirnar
hafa staðfest allar grundvallar-
samþykktir stofnunarinnar en
Íslendingar hafa aðeins staðfest
20 af 80 öðrum virkum samþykkt-
um stofnunarinnar. Á vef ASÍ
segir að Finnar, Norðmenn og
Svíar hafi hins vegar staðfest
nánast allar samþykktirnar. - ghs
Alþjóðavinnumálastofnunin:
Íslendingar eft-
irbátar hinna
FLEST SLYS Á SÍÐASTA ÁRI
Skipt eftir tegund starfsemi
Mannvirkjagerð 603
Flutningar o.fl. 131
Stjórnsýsla (t.d. lögregla) 122
Fiskiðnaður 98
Opinber þjónusta 92
Málmsmíði o.fl. 89
Fjarsk.-og póstþjón. 88
Heildverslun 76
Matvælaiðnaður 76
Steinefnaiðnaður 54
Heimild: Vinnueftirlitið
Smiðjuvegi 5 + Höfðabakka 3
Borgartúni 29 + Glerárgötu 34
Sími 515 5100 + sala@a4.is
Skoðaðu glæsilegt mánaðartilboð A4
á www.a4.is!