Fréttablaðið - 04.12.2008, Blaðsíða 62
42 4. desember 2008 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Sænski píanóleikarinn Esbjörn Svensson gerði mikla lukku þegar hann
spilaði ásamt tríóinu sínu á tvennum tónleikum á Nasa á Listahátíð í maí
2007. Hann lést sem kunnugt er í köfunarslysi í nágrenni Stokkhólms 14.
júní sl. 44 ára að aldri. Esbjörn var einn af áhrifamestu djasstónlistar-
mönnum síðustu ára. Þó að hann hafi aldrei yfirgefið djassinn þá var
hann duglegur að lita hann með ólíkri tónlist, t.d. rokki, teknói eða
barrokk tónlist og vinsældir
hans náðu langt út fyrir raðir
harðra djassgeggjara.
Tríóið hans, e.s.t., var auk
Esbjörns skipað trommuleikar-
anum Magnus Öström og
bassaleikaranum Dan Berglund.
Saman gerðu þeir félagar nokkr-
ar frábærar plötur, þ.á m.
Strange Place for Snow (2002),
Seven Days of Falling (2004),
Viaticum (2005) og Tuesday
Wonderland (2006). Tríóið vann
sér það líka til frægðar að verða
fyrsta evrópska djasssveitin til
að komast á forsíðu þess fornfræga djasstímarits Down Beat. Seint í
fyrra kom út með tríóinu tvöfalda tónleikaplatan Live in Hamburg sem
var hljóðrituð í nóvember 2007 og fyrir nokkrum vikum kom svo síðasta
platan sem Esbjörn hljóðritaði, Leucocyte. Hún var tekin upp í Sydney í
Ástralíu snemma á árinu, en á henni blanda þeir þremenningar raftónlist
og ýmsum hljóðeffektum saman við djasstríóformið og úr verður mjög
djörf og tilraunakennd plata. Leucocyte er stefnubreyting fyrir e.s.t., svo
mikil að vefdjassritið allaboutjazz.com líkir því við stökkið sem Radio-
head tók frá OK Computer yfir í Kid A. Platan er ekki allra, en hefur
víðast hvar fengið góða dóma. Persónulega finnst mér hún frábær, enda
greinilega mikil gerjun í gangi.
Þess skal svo getið að lokum að Leucocyte og aðrar plötur e.s.t. eru
fáanlegar í versluninni Rafgrein í Skipholtinu, en hún býður upp á
nokkuð úrval af djassi og heimstónlist.
Djarft lokaverk
DJARFT LOKAVERK Síðasta plata sænska
píanóleikarans Esbjörns Svensson sem lést í
sumar þykir stórt stökk frá fyrri verkum.
Jólavertíðin er hafin í tónlistarbransan-
um og tónlistarunnendur hafa úr fjölda
íslenskra platna að velja þetta árið. Frétta-
blaðið fékk valinkunnan hóp sérfræðinga
til að velja bestu og verstu
umslögin þetta árið.
Besta umslag ársins
Morðingjarnir - Áfram Ísland!
„Ákaflega skemmtilegar
umbúðir sem koma á óvart í
fínleika sínum – utan frá séð – og lágstemmdri
gagnrýni og kannski reiðum húmor sem birtist innan
í. Þetta er vel gert og heilsteypt umslag.“
„Hæfir tónlistinni fullkomlega. Gruggugt og hrátt
en samt með “dassi” af léttleika.“
„Litirnir og áferðin eru einstaklega friðsæl og
róandi, sem Morðingjarnir eru sannarlega ekki.
„Júxtapós“ er einmitt svo móðins. Flott.“
„Morðingjarnir hitta beint í mark. Pönkað, stíl-
hreint og töff umslag hressustu
pönksveitar landsins. Hönnun til
að myrða fyrir.“
Næstbest
FM Belfast - How to make
friends
„Alveg fáránlega hresst og
jákvætt einsog bandið sjálft.
Heimaföndur er framtíðin og ekki tölvugrafík í aug-
sýn. Frískandi.“
„Gáskafullt og gleðilegt - svolítið eins og litlu
frændsystkin manns sem tróðu upp í jólaboðinu í
fyrra hafi ákveðið að smella í disk handa fjölskyld-
unni og málað umslagið sjálf.“
„Allt handgert alveg að prentvélinni og hver síða
er sérstök, hvert lag á sinn myndheim – og þannig
eru umbúðirnar að leika við tilfinningarnar sem
hlustandinn finnur í hjarta sínu og höfði. Þetta eru
almennileg vinnubrögð, ekkert
nema hjarta, ekkert nema ást.“
Þriðja best
Lay Low - Farewell Good
Nights Sleep
„Grípandi og óræð grafík. Fær
mann til að vilja vita meira.“
„Ótrúlega djarft útspil hjá
Lay Low. Hefði auðveldlega getað farið söluvænni
leið, en fangar þess í stað andrúmsloftið á þessari
frábæru plötu fullkomlega.“
Önnur góð
Þursaflokkurinn & Caput í
Höllinni á þorra 2008
„Stílhreint, íslenskt og hreinræktað.“
Páll Óskar - Silfursafnið
„Flott konsept sem fór alla leið – meira
að segja útgáfuballið var í stíl við plötu-
umslagið.“
Sprengjuhöllin - Bestu kveðjur
„Klassískt og mikilfenglegt. Mikil og
smekkleg séntilmenni þarna á ferð.“
Jeff Who? - Jeff Who?
„Minnir á hljómsveitina
Chicago. Skemmtilega retro og ein-
falt.“
Motion Boys - Hang on
„Stílhreint, fágað og „pervertískt“,
einmitt sömu orð til að lýsa tónlistinni.
Skot og mark.“
Versta umslag ársins
Stefán Hilmarsson - Ein handa þér
„Hann viðurkennir það stoltur
að hann hafi hermt eftir kápu
með James Taylor. Sko, ef það
er ekki lagður metnaður í káp-
una, þá trúir maður ekki að það
sé lagður metnaður í tónlistina.
Svo er hann alveg einstaklega
smeðjulegur á svipinn.“
„Ég fæ það á tilfinninguna að Stebbi ætli
að drepa mig frekar en að færa mér gjöf.“
„Þetta er eins og framan á Hagkaups- eða Kringlu-
bæklingi. Mjög stúdíóuð vetrarmynd - honum er ekki
einu sinni kalt eða langar í kakó á þessari mynd. Síðan
er myndin svo löguð til að það er eins og frændi Stef-
áns á fermingaraldri hafi setið fyrir.“
„Þetta er eins og GAP auglýsing. Lélegt.“
Næstverst
Diddú og Terem - Diddú og
Terem
„Hér hefur hver einasti filter í
Photoshop verið keyrður langt
yfir þolmörk. Einsog einhver
hrikaleg reif plata frá 1992. Reif
í Diddú.“
„Agalegt Photoshop fyllerí á ferð þarna. Skelfilegt
umslag!“
„Ég veit ekki hvort Gylfi Ægis hafi hannað umslag-
ið - en ef hann gerði það var smekklaust af honum að
setja mynd af sjálfum sér á það.“
Þriðja verst
Retro Stefson - Montana
„Nær hvorki að vera Retro né
Stefson. Hræðilega ljótt
umslag. Af hverju sagði eng-
inn neitt? Spútnikhljómsveit
Íslands átti að fá annað álit
áður en hún sendi þetta frá sér.“
„Veit ekki hvort það var ætlunin að láta þetta líta út
eins og teikning úr MacPaint á Macintosh Plus. Ef
svo, þá tekst það ekki einu sinni.“
Önnur vond
Bubbi - Fjórir naglar
„Ósmekklegt og óaðlaðandi. Ódýr
lausn þegar hægt hefði verið að gera
svo mikið meira.“
Merzedes Club - I wanna Touch
You
„Vá, hvað manni finnst langt síðan
þetta var. Allt annar heimur. Af
hverju gátu þau ekki bara tekið
myndina í sundlaug?“
Baggalútur - Nýjasta nýtt
„Það sorglegasta við þetta umslag
er að myndirnar inni í því hefðu
allar komið betur út framan á. Ljót-
ir litir, allt of litlar myndir og jafn
grípandi og sápustykki í sturtu.“
Garðar Thór Cortes - You say you
love me
„Garðar er eins og vampíra að rísa
upp úr kistu sinni.“
Borko - Celebrating life
„Tilgerðarlegt og
tilgangslaust krass. Er kominn með
óstjórnlegt óþol gagnvart þessum
krúttkynslóðar myndmenntarteikn-
ingum.“
Bestu og verstu plötuumslögin
Dómnefndina skipuðu: Dóra Ísleifsdóttir, grafískur hönnuður, Margrét Erla Maack, plötusnúður á Rás 2, Bobby
Breiðholt, bloggari og hönnuður, Egill Harðar, bloggari og hönnuður, Árni Zúri Jónsson, leikstjóri og bloggari, og Atli
Fannar Bjarkason, ritstjóri Mónitors.
> Í SPILARANUM
Sin Fang Bous - Clangour
Britney Spears - Circus
Húskallar í óskilum - Hlemmur Hlíðarendi
Guns N’ Roses - Chinese Democracy
Bob Justman - Happiness & Woe
BOB JUSTMANSIN FANG BOUS
> Plata vikunnar
Dr. Spock - Falcon Christ
★★★★
Dr. Spock hefur tekið miklum
framförum frá fyrstu plötunni
og er nú bæði villtari, þéttari
og kraftmeiri. Fyrir vikið er
Falc on Christ ein af skemmti-
legri rokkplötum síðustu ára.
TJ
Billie Joe Armstrong, forsprakki
Green Day, segir að „kraftapopp“
verði líklega allsráðandi á væntan-
legri plötu sveitarinnar. „Mér
finnst gaman að leika mér með
útsetningar og skoða alltaf mögu-
leikann á að semja „kraftapopp“,“
sagði Armstrong. „Hvernig tek-
urðu eitthvað, sem gæti verið eftir
The Creation, The Who, Bítlana,
Cheap Trick eða The Jam og reynir
að víkka út þessa þriggja hljóma
hugmynd. Ég er að skoða hvernig
maður býr eitthvað til þar sem
útsetningarnar eru óútreiknanleg-
ar.“
Upptökustjóri plötunnar er
Butch Vig sem er líklega þekktast-
ur fyrir Nirvana-plötuna Neverm-
ind. „Hann tekur því ekki sem
sjálfsögðum hlut sem við erum
með í höndunum. Hann notar alla
sína vitneskju til hins ýtrasta,“
sagði Armstrong.
Rúm fjögur ár eru liðin síðan
síðasta plata Green Day,
American Idiot, kom út við
miklar vinsældir. Á meðal
vinsælustu laga sveitarinn-
ar eru Welcome to Parad-
ise, Basket Case, When I
Come Around og Good
Riddance (Time of Your
Life).
Semur kraftapopp
BILLIE JOE ARMSTRONG Forsprakki
Green Day telur að „kraftapopp“
verði allsráðandi á næstu plötu
Green Day.
Með því að taka þátt ertu kominn í SMS klúbb. 149
Sendu SMS ES
L PTJ á nú
1900 og þú gæ
tir unnið eintak
!
Pottþétt
Vinningar eru geislaplö
tur, tölvuleikir,
DVD myndir, Pepsi og
margt fleira!
kr/skeytið.
9. hvervinnur!
V E F V E R S L U N E L K O . i s