Fréttablaðið - 04.12.2008, Blaðsíða 68

48 4. desember 2008 FIMMTUDAGUR
> PITT Í NEW ORLEANS
Hjartaknúsarinn Brad Pitt heimsótti fyrir
skömmu hverfi í New Orleans þar
sem fjölskyldur eru að flytja inn í
sex hús sem góðgerðarsamtök hans
byggðu vegna fellibyljarins Katrina.
„Ég er ánægður með að þetta skuli
hafa tekist en er fúll yfir því hversu
mikið verk er óunnið á svæðinu,“
sagði Pitt. Samtök hans ætla að
byggja 150 umhverfisvæn hús á
svæðinu á næstu árum.
folk@frettabladid.is
Kevin Federline hefur
svarað ásökunum
fyrrum eiginkonu sinnar,
Britney Spears, um að
hann hafi átt hugmynd-
ina að skilnaði þeirra.
Britney varpaði ljósi á
forsögu sambandsslit-
anna í heimildarþætti
MTV, For the Record, og
þar sagði hún Federline
eiga sökina. „Þetta var
alls ekki svona,“ segir
Kevin Federline og ber
sig heldur illa í samtali
við vefsíðu People-
tímaritsins.
Federline segir
vissulega að hjónaband-
ið hafi verið stormasamt
þegar þau skötuhjú áttu
aðeins eitt barn.
Hlutirnir hafi hins vegar
orðið nokkuð flóknir
þegar annað barn þeirra,
Jayden James, bættist í
hópinn. „Ég hafði mestar
áhyggjur af börnunum
okkar. Ég var ekkert afskiptalaus gagnvart Britney, síður en svo.
Börnin voru bara alltaf efst í forgangsröðinni,“ útskýrir Federline.
Hann vísar því alfarið á bug að hann hafi sett Britney einhverja
afarkosti en hann hafi óskað eftir því að þau fyndu lausn á hjóna-
bandsvandræðum sínum. „Hún vildi aldrei tala við mig um eitt eða
neitt. Að lokum fór hún á bakvið mig og sótti um skilnað,“ segir
Federline. Hann greinir jafnframt frá því í viðtalinu að hann hafi
óttast það mest þegar skilnaðurinn var um garð genginn að hann
fengi jafnvel aldrei að sjá syni sína aftur. „Það skipti mig mestu
máli, að sjá syni mína aftur. Ég hafði ekki hugmynd um hversu mikil
völd Britney hefði.“
Federline segir að þrátt fyrir allt muni Britney alltaf eiga stað í
hjarta hans og að honum muni alltaf þykja vænt um hana.
Britney að kenna
SVEKKTUR K-Fed er svekktur yfir því að vera gerð-
ur að blóraböggli fyrir skilnaði hans og Britney.
Það sé Britney sem eigi sökina.
„Þetta er allt frumsamið efni eftir
sjálfan mig,“ segir söngvarinn Alan
Jones, fyrrum X-factor keppandi. Alan,
sem söng sig inn í hug og hjarta
landsmanna í fyrra, hefur haft í nógu að
snúast eftir keppnina og vinnur nú að
sinni fyrstu sólóplötu sem er væntanleg
í vor.
„Ég er að vinna plötuna með Andra
Ramizer, pródúsent og plötusnúð. Ég
byrjaði að semja lögin í sumar og þau
eru svona blanda af r&b, gospel og
poppi,“ útskýrir Alan sem starfar
sem kokkur á Café Bleu í Kringlunni
meðfram tónlistinni. Hann segist þó
nota mestallan frítíma sinn til að
vinna að væntanlegri plötu.
„Ég vildi taka minn tíma og gera
þetta vel, frekar en að flýta mér að
gera plötu sem ég yrði svo óánægð-
ur með. Flest lögin eru á ensku, en ég
ætla líka að semja lag og syngja á
íslensku,“ segir Alan og stefnir á að
koma sínu fyrsta lagi í útvarpsspilun í
janúar.
Aðspurður segir hann þátttöku sína í
X-factor hafa opnað margar dyr. „Það
er frekar skrítið að ókunnugt fólk skuli
vita hver maður er núna. Ég hef fengið
tækifæri til að syngja út um allt land,
kynnast nýju fólki og koma fram á
stöðum sem ég hefði ekki ímyndað mér
að fara á,“ segir Alan brosandi. - ag
Ætlar að syngja á íslensku
VINNUR AÐ PLÖTU Alan Jones söng sig inn í
hug og hjarta landsmanna í X-factor keppninni
í fyrra og vinnur nú að sinni fyrstu sólóplötu.
FRÉTTABLAÐIÐ/STEFÁN
Heilsíðuumfjöllun um
Arnald Indriðason og höfuð-
persónu hans, rannsókn-
arlögreglumanninn Erlend
Sveinsson, er í nýjasta hefti
TIME. Blaðamaðurinn Pete
Gumbel telur Erlend vera
arftaka útrásarvíkinganna.
„Já, er þetta komið?
Ég verð að fara niður
í bókabúð og ná mér í
eintak,“ segir Arnald-
ur þegar Fréttablaðið
bar þetta undir hann.
Arnaldur hitti Gumb-
el fyrir skömmu og
ber honum vel söguna.
„Hann var búinn að
lesa nánast allar bæk-
urnar mínar og var
mjög vel inni í þeim,“
útskýrir Arnaldur. Þrátt
fyrir að Gumbel hafi
aðallega skrifað um
efnahagsmál fyrir TIME
bar það umræðuefni
ekki mikið á góma í
spjalli þeirra Arnalds.
„Nei, við ræddum aðal-
lega um bækurnar mínar
og hann hafði mikinn
áhuga á Erlendi.“
Gumbel er þó ekki langt
frá sínu áhugasviði í upp-
hafi greinarinnar. Þar
segir hann að hinir svo-
kölluðu útrásarvíkingar hafi borið
uppi ímynd Íslands erlendis. Þeir
hafi flogið heimshornanna á milli,
keypt fyrirtæki og verið í sífelldri
leit að nýjum tækifærum til að
auðgast. Harkaleg brotlending
þeirra í haust hafi opnað mögu-
leikann fyrir nýjum arftaka sem
gæti þó ekki verið ólíkari auðjöfr-
unum í fasi.
Sá heitir Erlendur Sveinsson.
„Hann er þumbaralegur, einrænn
og tiltölulega óhamingjusamur
maður sem er óánægður með þá
stefnu sem nútíminn tók á Íslandi,“
skrifar Gumbel. Hann skautar
síðan yfir feril Arnaldar í fáeinum
orðum, minnist á alþjóðlega vel-
gengni Mýrinnar
eftir útgáfu henn-
ar í Þýskalandi
2003 og svo kvik-
myndaútgáfunnar
eftir Baltasar
Kormák sem
framleiðendur í
Hollywood hafi
keypt endurgerð-
arréttinn af.
Gumbel lýsir
fyrstu kynnum
sínum af Arn-
aldi og segir rit-
höfundinn vera
hæglátan með
há kollvik og
skarti geðþekku brosi. Þeir Gumb-
el og Arnaldur ræða síðan um
ástæður þess af hverju Erlendur
njóti svona mikilla vinsælda meðal
íslenskra lesenda. „Erlendur er
hluti af þessari samfélagsbreyt-
ingu sem átti sér stað þegar Ísland
fór frá því að vera frekar fátækt
þjóðfélag yfir í þjóðfélag sem átti
allt. Ég held að fólk samsami sig
Erlendi vegna einmanaleika hans
og mistaka,“ útskýrir Arnaldur.
Gumbel skrifar að íslenski rithöf-
undurinn hafi rutt brautina í
íslenskum bókmenntum. Áður en
hann hafi komið til sögunnar hafi
íslenskar bókmenntir einkennst af
bókum Halldórs Laxness og
Íslendingasögunum.
Arnaldur segist í viðtalinu ekki
eiga mikið sameiginlegt með
Erlendi. Þeir eigi þó eitt sameigin-
legt og það sé skoðun þeirra á
íslensku samfélagi fyrir hrunið og
eftir. „Þetta gerðist allt svo hratt
að við náðum aldrei áttum. Fyrir
tveimur og þremur kynslóðum
síðan áttu Íslendingar ekki neitt
en allt í einu áttum við allt,“ segir
Arnaldur sem vonast til þess að
efnahagsástandið leiði af sér ein-
hverjar jákvæðar breytingar. „Ég
vona að þetta eigi eftir að slökkva
á þörfinni fyrir nýja bíla, peninga
og hús. Ég vona að við hverfum
aftur til upprunans,“ segir Arnald-
ur. Gumbel kveður með þeim
orðum að ef það felist í að lesa um
Erlend, verði svo að vera.
freyrgigja@frettabladid.is
Arnaldur fær heilsíðu í TIME
ARFTAKI ÚTRÁS-
ARINNAR Peter
Gumbel segir
rannsóknarlög-
reglumanninn
Erlend vera
arftaka útrás-
arvíkinganna,
hann eigi eftir
að bera uppi
hróður Íslands.
Chris Martin og félagar hans í
bresku hljómsveitinni Coldplay eru
nú í óða önn að skipuleggja
tónleikaferðalag um Bretland á
næsta ári. Stærstu tónleikarnir
verða á Wembley-leikvanginum í
London í september. Það tók ekki
langan tíma að selja alla miðana á
tónleikana sem verða á Wembley
19. september og því hefur öðrum
tónleikum verið bætt við kvöldið
áður.
Coldplay hefur nú ákveðið að það
verði stúlknasveitin Girls Aloud
sem muni hita upp á Wembley-
tónleikunum. Girls Aloud er ein
vinsælasta stúlknasveitin þar í
landi en engu síður vekur þessi
ákvörðun talsverða athygli. Er það
fyrst og fremst vegna þess að
Martin og félagar hafa markvisst
unnið að því að losna við ímynd
sína sem ofurpoppsveit. Þeir
hafa barist harðlega fyrir
því að fólk taki þá alvar-
lega sem listamenn.
Hvort þessi ákvörðun
markar stefnubreytingu
á svo eftir að
koma í ljós.
Girls Aloud
hita upp fyr-
ir Coldplay
ÓVÆNT UPPHITUN
Chris Martin og
félagar í Coldplay
hafa fengið Girls
Aloud til að hita upp
fyrir sig á tónleikum.
„... skyldulesning.“
páll baldvin baldvinsson, frét tablaðið
„Lesið Vetrarsól.“
jenný anna baldursdót tir
„Þetta er mjög grípandi saga
og allt í senn frumleg, yndisleg,
spennandi og bráðfyndin ...“
guðríður haraldsdót tir, vik an
„... bráðskemmtileg bók
sem þjónar hlutverki sínu sem ljós
í myrkrinu dável.“
úlfhildur dagsdót tir, www.bokmenntir.is
   
2. PRENTUN
VÆNTANLEG
1. prentun á þrotum
4.
sk áldverk
sæti
METSÖLULISTI
EYMUNDSSON
3. DESEMBER 2008