Fréttablaðið - 19.12.2008, Side 39

Síðustu dagana fram að jólum
mun starfsfólk Ásvallalaugar í
Hafnarfirði standa fyrir dagskrá í
lauginni. Dagskráin er hugsuð til
að stytta krökkum stundirnar
fram að jólum.
„Hugsunin var að finna eitthvað
fyrir krakkana að gera nú þegar
skólanum lýkur og bjóða þeim
upp á holla hreyfingu. Þarna gefst
þeim tækifæri til að vera í ein-
hverri tómstund meðan foreldr-
arnir eru að versla. Þeir vita þá af
þeim á góðum stað,“ útskýrir
Björg Snjólfsdóttir, forstöðukona
Ásvallalaugar.
Dagskráin hefst í dag upp úr
klukkan tíu með náttfatapartíi í
sundlauginni og geta krakkarnir
komið með eigin tónlist. Á morg-
un verður fjölskyldu- og vinaboð-
sund og á sunnudaginn verður
vatnssprengjukeppni þar sem
keppt verður um hver gerir
stærstu skvettuna. Á mánudaginn
má koma með vindsængur og leik-
föng í laugina og á Þorláksmessu
verður efnt til fjársjóðsleitar.
„Við vinnum þetta í samstarfi
við Sundfélag Hafnarfjarðar og
það býður upp á veitingar á góðu
verði. Það kostar ekki nema 60
krónur í sund hér í Hafnarfirði
með afsláttarmiðunum og við
búumst við mörgum krökkum.“
Ásvallalaug opnaði í septemb-
er síðastliðnum og var strax vel
tekið af yngstu kynslóðinni.
Björg segir það keppikefli starfs-
fólks laugarinnar að krökkunum
finnist þeir eiga hlut í lauginni
og verður meðal annars efnt til
samkeppni um lukkudýr Ásvalla-
laugar. Krakkarnir geta þá skilað
inn teikningum að lukkudýri og
tillögu að nafni sem valið verður
úr og lukkudýrið verður svo
saumað eftir vinningsteikning-
unni.
„Þannig viljum við gefa krökk-
unum tækifæri til að taka þátt í
starfinu og eiga svolítinn hlut í
lauginni. Ætlunin er svo að jóla-
dagskráin verði að árlegum við-
burði og jafnvel með enn stærra
sniði að ári.“ heida@frettabladid.is
Í náttfötum í sundpartí
Ásvallalaug í Hafnarfirði stendur fyrir dagskrá alla dagana fram að jólum og hefst dagskráin í dag á nátt-
fatapartíi í lauginni. Skvettukeppni, ratleikur, rennibrautakeppni og boðsund verða einnig á dagskrá.
Krakkarnir kunna vel að meta nýju sundlaugina við Ásvelli. Þessi hópur var að æfa
sig fyrir skvettukeppnina á sunnudaginn. FRÉTTABLAÐIÐ/ANTON
ÞJÓÐMENNINGARHÚSIÐ er með skemmtilega dag-
skrá á sunnudaginn, sem er síðasti sunnudagur í aðventu.
Dagskráin hefst klukkan 14.00 með brúðuleiksýningu.
Aðgangseyrir er enginn og öll fjölskyldan velkomin.
Verð á öskju 8.800 kr