Fréttablaðið - 19.12.2008, Page 88

64 19. desember 2008 FÖSTUDAGUR
FÓTBOLTI Meistaradeildarmeistar-
ar Man. Utd tryggðu sér farseðil-
inn í úrslitaleik HM félagsliða í
gær með 3-5 sigri gegn Asíu-
meisturum Gamba Osaka en sex
af átta mörkum leiksins komu á
ótrúlegum leikkafla á síðustu
sextán mínútum leiksins. Man.
Utd mætir Liga de Quito í úrslita-
leiknum á sunnudag.
Tæplega 68 þúsund áhorfendur
fengu sannkallaða markaveislu á
alþjóðaleikvanginum í Yokohama
í gær en United opnaði marka-
reikninginn með skallamörkum
frá Nemanja Vidic og Cristiano
Ronaldo í fyrri hálfleik.
Leikmenn Gamba Osaka voru
þó ekki af baki dottnir og náðu að
minnka muninn með marki
Masato Yamazaki þegar rétt
rúmur stundarfjórðungur lifði
leiks en við það opnuðust flóð-
gáttir og mörkin byrjuðu að
streyma inn.
Varamaðurinn Wayne Rooney
var varla kominn inn á völlinn
þegar hann bætti við þriðja marki
United úr sinni fyrstu snertingu
aðeins sekúndum eftir mark
Yamazaki. Darren Fletcher skor-
aði fjórða markið þremur mínút-
um síðar, áður en Rooney bætti
við fimmta markinu skömmu
síðar og staðan skyndilega orðin
1-5.
Gamba Osaka lagaði stöðuna
með tveimur mörkum á lokakafl-
anum og niðurstaðan því 3-5 sigur
Meistaradeildarmeistara Man.
Utd sem komust þar með í úrslita-
leikinn þar sem þeir mæta Liga
de Quito frá Ekvador á sunnudag
en leikurinn verður sýndur í
beinni útsendingu á Stöð 2 Sport.
- óþ
Man. Utd leikur til úrslita í HM félagsliða eftir sigur gegn Gamba Osaka í gær:
Markaveisla hjá United í Japan
FÖGNUÐUR Cristiano Ronaldo fagnar
skallamarki sínu í Yokohama í gær.
NORDIC PHOTOS/AFP
FÓTBOLTI Sir Alex Ferguson,
knattspyrnustjóri Man. Utd,
brást reiður við þegar hann var
spurður út í ummæli Pedros Tra-
pote, stjórnarformanns Real
Madrid, um að Ronaldo væri á
leið til Real Madrid næsta
sumar.
Haft er eftir Trapote í El
Mundo í fyrradag að allt væri
klárt á milli Real Madrid og Man.
Utd varðandi félagsskiptin en
ekkert væri búið að tilkynna um
þetta þar sem Real Madrid væri
bundið þagnarskyldu um að
greina ekki frá þessu fyrr en að
yfirstandandi keppnistímabili
loknu. Ferguson neitar þessu og
vandaði Real Madrid ekki kveðj-
urnar í gær.
„Ég myndi aldrei semja við
mafíuna. Aldrei, ekki undir
nokkrum kringumstæðum.
Maður verður bara að hunsa
svona rugl og við verðum að ein-
beita okkur að leik okkar og
markmiðum,“ segir Ferguson á
blaðamannafundi í gær. - óþ
Sir Alex Ferguson pirraður á Real Madrid:
Ég myndi aldrei
semja við mafíuna
FERGUSON Búinn að fá sig full saddan
á sögusögnum um að Ronaldo sé á
leið til Real Madrid. NORDIC PHOTOS/GETTY
KÖRFUBOLTI Frammistaða Helenu
Sverrisdóttur með TCU-háskóla-
liðinu er farin að vekja mikla
athygli í Bandaríkjunum og nú
síðast birtist stór grein um
íslenska leikstjórnandann sem er
að hjálpa TCU að verða eitt af
sterkari háskólaliðunum í kvenna-
körfunni. Þetta er í fyrsta sinn
sem íslensk körfuboltakona kemst
á kortið í háskólaboltanum í
Bandaríkjunum og þessi grein
mun örugglega kalla á mikla
athygli á Helenu í framhaldinu.
Þjálfari Helenu, Jeff Mittie,
rifjar meðal annars það upp hvern-
ig það kom til að íslensk stelpa var
farin að spila í Texas en hann fékk
símtal fyrir sex árum það sem
beðið var um pláss í körfubolta-
búðum fyrir tíu manna hóp frá
Íslandi. Helena sló í gegn í búðun-
um og var valin besti leikmaður-
inn í sínum aldurshópi. Hann seg-
ist síðan hafa flogið alla leið til
Ítalíu til þess að bjóða Helenu
skólastyrk þegar hún var að spila
með íslenska 18 ára-landsliðinu.
Í greininni er talað um smæð
Íslands og sagt að heildaríbúa-
fjöldi landsins sé aðeins 5 prósent
af íbúafjöldanum á Dallas-Forth
Worth svæðinu þar sem skólinn er
og enn fremur er það tekið sem
dæmi að allir íbúar Hafnarfjarðar
og gott betur kæmust fyrir á fót-
boltavelli skólans. Helena segir
líka sjálf frá því að það hafi verið
mikil viðbrigði að koma til Banda-
ríkjanna þar sem allt er svo miklu
miklu stærra.
Mittie fer líka lofsamlegum
orðum um Helenu og segir hana
láta að sér kveða í öllum tölfræði-
þáttum leiksins. Hann segir að
hún sé í hópi bestu leikmanna sem
hann hafi þjálfað í skólanum en
meðal þeirra eru WNBA-leik-
mennirnir Sandora Irvin og Adri-
anne Ross. Mittie segir líka auð-
velt að þjálfa Helenu því hún taki
leiðsögn vel og hafi mikinn vilja
til þess að bæta sig.
Tölur Helenu í fyrstu leikjunum
eru það góðar að blaðamaðurinn
fer að grínast með það hvort að
það eigi kannski eftir að færa þær
úr metrakerfinu. Eftir fyrstu ell-
efu leiki tímabilsins þá er Helena
með 17,0 stig, 6,2 fráköst og 5,2
stoðsendingar að meðaltali en Hel-
ena er efst í TCU-liðinu í öllum
þessum tölfræðiþáttum. Hittni
Helenu fyrir utan þriggja stiga
línuna hefur verið hreint og beint
mögnuð en hún hefur sett niður 19
af 32 skotum sínum sem gerir 59,4
prósent þriggja stiga skotnýtingu.
Í greininni er rætt um þær
miklu breytingar sem urðu á TCU-
liðinu frá því í fyrra sem gerði
verkefni Helenu enn umfangs-
meira. Í fyrra lék Helena meira
inni í teig og úti á kanti á meðan
tveir reyndustu og bestu leikmenn
liðsins, Adrianne Ross og Moneka
Knight, voru í bakvarðarstöðun-
um. Helena stóð sig engu að síður
mjög vel og var valin besti nýliði
Mountain West-deildarinnar. Í
vetur var Helena hins vegar komin
í sína stöðu sem leikstjórnandi en
TCU hafði misst sex af tíu mínútu-
hæstu leikmönnum sínum. Helena
segist hafa fagnað krefjandi verk-
efni sem hún vissi að yrði erfitt en
var jafnframt sannfærð um að
hún gæti hjálpað TCU-liðinu sem
leikstjórnandi.
Ameríski fótboltinn er í háveg-
um hafður í Texas-ríki og blaða-
manninum fannst við hæfi að enda
greinina á samlíkingu Mittie á
Helenu við leikstjórnanda í fót-
boltaliði.
„Helena er svo mikilvæg af því
að hún er svo klár leikmaður og
með svo mikla yfirsýn,“ segir
Mittie og bætir við. „Hún er líka
góður frákastari og hún getur því
byrjað margar sóknir fljótt. Hún
les leikinn gríðarlega vel og er
fljót að sjá möguleika sem skapast
inni á vellinum,“ segir Mittie og
líkir leikstjórn Helenu við það
þegar leikstjórnandi í amerískum
fótbolta kallar skipanir til sóknar-
línu sinnar í upphafi kerfis.
ooj@frettabladid.is
Líkir Helenu við leikstjórn-
anda í amerískum fótbolta
Helena Sverrisdóttir er komin á kortið í bandaríska háskólaboltanum, eins og
stór grein á stærsta íþróttavefmiðli landsins, ESPN, ber merki um.
EFST Í STIGUM, FRÁKÖSTUM OG STOÐSENDINGUM Helena Sverrisdóttir er allt í öllu
hjá TCU-liðinu. AP-IMAGES
FREMST Í FLOKKI HJÁ TCU
Helena Sverrisdóttir leiðir lið TCU í
þremur stærstu tölfræðiþáttunum og
auk þess í efstu sætunum á nánast
öllum hinum listunum eftir fyrstu ell-
efu leiki tímabilsins.
Tölfræði Helenu með TCU í vetur:
Stig 17,0 (1. sæti)
Fráköst 6,2 (1. sæti)
Stoðsendingar 5,2 (1. sæti)
Stolnir boltar 18 (2. sæti)
Varin skot 5 (3. sæti)
3ja stiga körfur 19 (2. sæti)
Skotnýting 52,1% (2. sæti)
3ja stiga skotnýting 59,4% (2. sæti)
Stigahæst 6 sinnum (1. sæti)
Frákastahæst 5 sinnum (1. sæti)
Stoðsendingahæst 7 sinnum (1. sæti)