Fréttablaðið - 31.12.2008, Blaðsíða 40
36 31. desember 2008 MIÐVIKUDAGUR
menning@frettabladid.is
Eitt frægasta og vinsælasta
söngverk síðari tíma, órat-
órían Messías eftir Händel,
verður flutt á hátíðartón-
leikum í Hallgrímskirkju
á morgun kl. 17 í tilefni af
250 ára dánarafmæli G.F.
Händel, sem minnst er um
allan heim árið 2009. Tón-
leikarnir verða endurteknir
laugardaginn 3. janúar kl.
17.00.
Það er kammerkórinn Schola cant-
orum sem flytur verkið en undir-
leik annast Alþjóðlega barokksveit-
in í Haag sem hingað er kominn
sérstaklega vegna þessa flutnings.
Einsöngvarar eru þau Marta Guð-
rún Halldórsdóttir sópran, Andrew
Radley kontratenór, Gissur Páll
Gissurarson tenór og Alex Ash-
worth bassi. Stjórnandi er Hörður
Áskelsson.
Óratórían Messías er eitt mesta
stórvirki tónlistarsögunnar og
hefur frá frumflutningi verksins
árið 1742 átt samfellda sigurgöngu
í kirkjulegum og veraldlegum
flutningi. Hlutar verksins teljast til
ástsælustu tónverka sögunnar, og
má þar sérstaklega nefna Hallel-
úja-kórinn sem er mörgum kunnur
þótt ekki viti allir hvaðan búturinn
er svo víða kemur hann fyrir.
Tónleikarnir eru framlag List-
vinafélags Hallgrímskirkju til
heiðurs Händel á afmælisárinu, en
þetta er í fyrsta sinn sem Messías
er fluttur með upprunalegum
hljóðfærum á Íslandi og skýrir það
þátt Niðurlendinganna í flutningi
verksins en þeir verða hér yfir ára-
mótin.
Alþjóðlega barokksveitin í Haag
kemur nú til Íslands í sjötta sinn en
flutningur barokksveitarinnar og
Schola cantorum á óratóríunni Ísra-
el í Egyptalandi eftir G.F. Händel á
Kirkjulistahátíð 2007 hlaut framúr-
skarandi viðtökur. Hljómsveitin
leikur á barokk-hljóðfæri og gefst
áhugamönnum um kirkjulega tón-
list og upplyftan trúarhita í verk-
inu nú fyrst tækifæri að sjá og
heyra slíkan flutning í hljómi sem
tónskáldið heyrði fyrir sér.
Kórinn er til þess að gera
fámennur miðað við kórhefð hér á
landi. Hann verður skipaður átján
atvinnusöngvurum, jafnmörgum
tónlistarmönnum og skipa hljóm-
sveitina. Síðast þegar Schola cant-
orum og Alþjóðlega barokksveitin
í Haag leiddu saman hesta sína var
það í óratóríunni Ísrael í Egypta-
landi eftir Händel sumarið 2007.
Þeir tónleikar voru af mörgum
valdir meðal eftirminnilegustu
tónleika ársins 2007. Þessir hópar
hafa einnig flutt saman Jólaóratór-
íu J.S. Bachs í tvígang auk Sálu-
messu eftir André Campra, en þeir
tónleikar hlutu einnig frábæra
dóma.
Þetta er í sjötta sinn sem Alþjóð-
lega barokksveitin í Haag sækir
Íslendinga heim en nokkrir Íslend-
ingar spila með henni. Meðlimir
hennar hafa jafnframt veitt
íslenskum hljóðfæraleikurum til-
sögn á barokkhljóðfæri og er sam-
starfið við barokksveitina þegar
farið að bera ávöxt í íslensku tón-
listarlífi, m.a. á Sumartónleikum í
Skálholti og í barokkhópnum Nord-
ic Affects. Sveitin hleypir þannig
nýjum en fornum anda í tónlistar-
líf hér á landi og stækkar tónlistar-
heim okkar manna, bæði tónlistar-
fólks og áheyrenda.
Schola cantorum hefur fyrir
löngu sannað sig sem einn allra
besti sönghópur á Íslandi. Hann
hefur einnig hlotið lof í erlendum
tónlistartímaritum m.a. fyrir flutn-
ing sinn á heildarútgáfu hljóm-
sveitarverka Jóns Leifs á vegum
BIS-útgáfunnar, ásamt Sinfóníu-
hljómsveit Íslands.
Þetta er áhættusamt og kostnað-
arsamt verkefni fyrir aðstandend-
ur í dýpkandi kreppu. Segir tals-
maður Listafélagsins að einmitt
núna sé þörf fyrir menningarlegt
framtak á borð við þetta – að bjóða
upp á metnaðarfullan flutning á
þessu stórvirki sem lyftir anda og
eykur bjartsýni í skammdeginu.
pbb@frettabladid.is
Messías-óratoría á nýársdag
TÓNLIST Scola Cantorum ásamt söngvurum og Alþjóðlegu barokksveitinni við æfingar á mánudag. Hörður stjórnar með sveiflu.
FRÉTTABLAÐIÐ/ARNÞÓR
Útvarpsleikhúsið hefur brugðið á
það ráð að panta leikþætti fyrir
útvarp frá Hrafnhildi Hagalín.
Kallar hún þættina Einfara en þeir
eru samdir sérstaklega fyrir
nokkra af elstu og ástsælustu leik-
urum þjóðarinnar.
Verkin eru um ólíka einstaklinga
af eldri kynslóð sem allir eiga það
sameiginlegt að vera einir eða ein-
angraðir á einn eða annan hátt; ein-
búi í afskekktum dal grennslast
fyrir um undarlegt hvarf eina
nágranna síns, eldri kona sem lát-
ist hefur með voveiflegum hætti
kallast á við minnislausan eigin-
mann sinn meðan ekið er með hana
um götur Reykjavíkur, þunglyndur
eldri maður í blokkaríbúð í Breið-
holti hlustar á nágranna sína fara
inn og út meðan hann telur mínút-
urnar í eigin lífi, eldri kona kemur
aftur í hús þar sem hún ólst upp
innilokuð sem barn en þar heyrast
raddir ólíkra kynslóða, eldri kona
sem lifað hefur viðburðaríka ævi í
útlöndum en er sest að ein í sjávar-
þorpi fyrir vestan fær heimsókn
þekktrar íslenskrar þáttagerðar-
konu, eldri maður ákveður að rjúfa
fjörutíu ára þögn við elsta og nán-
asta vin sinn eftir alvarlegt atvik í
nýafstöðnu stúdentsafmæli …
Í aðalhlutverkum eru nokkrir af
ástsælustu leikurum þjóðarinnar
af elstu kynslóð, s.s. Herdís Þor-
valdsdóttir, Árni Tryggvason,
Steindór Hjörleifsson, Margrét
Ólafsdóttir, Bryndís Pétursdóttir
og Karl Guðmundsson, sem öll eru
komin á níræðisaldur. Auk þeirra
taka þau Þóra Friðriksdóttir,
Erlingur Gíslason og Kristbjörg
Kjeld þátt í þessari syrpu. Þá
bregður fyrir í verkunum úrvali
leikara af yngri kynslóðum, Guð-
rúnu S. Gísladóttur, Jóhanni Sig-
urðarsyni, Arnbjörgu Hlíf Vals-
dóttur, Davíð Guðbrandssyni,
Arndísi Hrönn Egilsdóttur o.fl.
sem og dagskrárgerðarkonunni
Evu Maríu Jónsdóttur sem leikur
dagskrárgerðarkonu í einu verk-
anna.
Verkin verða flutt í syrpu á nýju
ári og er Hrafnhildur komin hing-
að til lands til að leikstýra þáttun-
um. Samlestur á verkunum var í
gær og þá kom hópurinn saman í
Útvarpshúsinu í Efstaleiti. - pbb
Öldungadeild ljósvakans
LEIKLIST Hópurinn í Efstaleiti í gær.
> Ekki missa af …
Heimildarmynd Hilmars Oddssonar um Dieter Roth í
Ríkissjónvarpinu á nýársdagskvöld kl. 21.20. Árið1957.
Fátækur svissneskur listamaður sem vinnur hjá dönsku
hönnunarfyrirtæki verður ástfanginn af íslenskri konu sem
er við nám í Kaupmannahöfn. Hann ákveður að fylgja
henni á enda veraldar og freista þess að koma undir sig
fótunum fjarri hringiðu listanna. Þessi maður hét Dieter
Roth. Ættlönd hans voru Sviss og Þýskaland, en „heima“
var á Íslandi, hér bjuggu börnin hans og síðar barnabörn,
og hér er hann grafinn.
Eins og undanfarin sex-
tán ár heldur Listvinafé-
lag Hallgrímskirkju tón-
leika undir yfirskriftinni
„Hátíðahljómar við ára-
mót“ í dag kl. 17. Í ár leik-
ur Björn Steinar Sól-
bergsson organisti með
trompetleikurunum
Ásgeiri H. Steingríms-
syni og Eiríki Erni Páls-
syni. Á efnisskránni eru
verk eftir Scarlatti,
Vivaldi, Albinoni, Bach
og Pezel. Þessir tónleikar eru einir
vinsælustu tónleikar ársins hjá
Listvinafélaginu, þegar hátíða-
hljómar fylla kirkjuna og koma
fólki í hátíðarskap fyrir áramótin.
Sumir tónleikagesta kjósa að vera
þátttakendur í aftansöngnum sem
fylgir í kjölfarið kl. 18.
Trompetar, hljóðfæri konunga,
og orgel, drottningar hljóðfæranna,
eiga sér langa sögu. Á endurreisn-
artímanum eða jafnvel fyrr léku
trompetleikarar við kirkjulegar
athafnir, við inngöngu prestanna og
eins undir sálmasöng og í millispil-
um með orgelinu. Enn kallar hljóm-
ur þessara hljóðfæra fram hughrif
sem auðveldlega má tengja hátíð-
leika áramóta. Þetta er allt tónlist
við hæfi konunga en svo sannarlega
líka til að gleðja eyru og sálir
nútímamanna.
Ásgeir H. Steingrímsson, Eiríkur
Örn Pálsson og Björn
Steinar Sólbergsson eru
löngu orðnir landsþekktir
tónlistarmenn. Ásgeir og
Eiríkur leika báðir með
Sinfóníuhljómsveit
Íslands auk þess að vera
virkir í tónlistarlífinu
almennt, m.a. með Hljóm-
sveit Íslensku óperunnar,
Kammersveit Reykjavík-
ur og Caput-hópnum. Þá
hafa þeir leikið einleik
bæði með Sinfóníuhljóm-
sveitinni og Kammersveitinni. Þeir
hófu báðir tónlistarnám sitt hér á
Íslandi en stunduðu framhaldsnám
vestanhafs, Ásgeir í New York en
Eiríkur í Boston og svo í Los Angel-
es. Björn Steinar starfaði sem org-
anisti við Akureyrarkirkju í 20 ár,
en frá hausti 2006 hefur Björn
Steinar verið í starfi organista við
Hallgrímskirkju ásamt því að gegna
starfi skólastjóra við Tónskóla þjóð-
kirkjunnar, þar sem hann kennir
jafnframt orgelleik.
Björn Steinar hefur haldið fjölda
einleikstónleika hér heima og
erlendis og leikið einleik með Sin-
fóníuhljómsveit Íslands, Kammer-
hljómsveit Akureyrar, Sinfóníu-
hljómsveit Norðurlands og The
Cleveland Institute of Music
Orchestra. Björn Steinar hefur hlot-
ið ýmsar viðurkenningar fyrir störf
sín. - pbb
Hátíðahljómar í dag
TÓNLIST Björn Steinar
organisti fær blásara
með sér í dag.
HÁTÍÐAHLJÓMAR VIÐ ÁRAMÓT
31. DESEMBER GAMLÁRSDAGUR KL. 17
FLYTJENDUR: Ásgeir H. Steingrímsson og
Eiríkur Örn Pálsson trompetleikarar
Björn Steinar Sólbergsson orgelleikari
Aðgangseyrir: 2000
MIÐASALA fer fram í Hallgrímskirkju.
Sími: 510 1000. listvinafelag.is
EFTIR GEORG FRIEDRICH HÄNDEL
Hátíðartónleikar á 250 ára ártíð G.F. Händel
1. JANÚAR 2009 NÝÁRSDAGUR KL.17
3. JANÚAR 2009 kl.17
Flytjendur: Schola cantorum, Alþjóðlega Barokksveitin í Den Haag
Marta Guðrún Halldórsdóttir sópran Andrew Radley kontratenór
Gissur Páll Gissurarson tenór Alex Ashworth bassi
STJÓRNANDI: HÖRÐUR ÁSKELSSON
Aðgangseyrir: 4900 og 3500 fyrir skólafók undir 25 ára aldri.
MIÐASALA í Hallgrímskirkju, s. 510 1000, Kirkjuhúsinu Laugavegi 31,
s. 528 4200 og á list@hallgrimskirkja.is · listvinafelag.is