Fréttablaðið - 31.12.2008, Blaðsíða 43
Laugavegur 15 - 101 Reyk jav ík - 511 1900 - www.sv i s s . i s
Árið 1909 stofnaði J. Frank Michelsen úrsmíðameistari fyrirtækið F.
Michelsen úr & gullsmíði á Sauðárkróki. Einn sona hans, Franch
Michelsen úrsmíðameistari lærði úrsmíði hjá föður sínum og fór til
Kaupmannahafnar í frekara úrsmíðanám árið 1937. Að námi loknu
starfaði hann hjá Carl Jonsén, konunglegum hirðúrsmið í
Kaupmannahöfn, þar sem hann m.a. gerði við úr Alexandrinu
Danadrottningar og bauðst að verða útnefndur konunglegur
hirðúrsmiður. Franch sneri heim til Íslands árið 1940, opnaði aðra
Michelsen úrsmíðavinnustofu og verslun í Reykjavík og skapaði sér fljótt
nafn sem vandvirkur og traustur úrsmiður. Á næstu fjórum áratugum
kenndi Franch tólf Íslendingum úrsmíðafagið, þ.á.m. syni sínum, Frank
Úlfari Michelsen úrsmíðameistara, sem er núverandi eigandi
fyrirtækisins. Frank Ú. fór árið 1978 til náms í WOSTEP, heimsþekkts
úrsmíðaskóla í Sviss, fyrstur Íslendinga. Frank Ú. hefur haldið áfram á
þeirri braut sem faðir hans vann markvisst að, að vera traustur og
fagmannlegur úrsmiður. Sonur Franks Ú, Róbert F. Michelsen, lærði
úrsmíði fyrst hjá föður sínum og hóf síðan nám í WOSTEP í Sviss þar sem
hann mun útskrifast á 100 ára afmæli Michelsen úrsmiðanna og hefur þá
lært öll réttu handbrögðin í þessari fíngerðu og nákvæmu iðn. Það er því
ljóst að saga Michelsen úrsmiðanna er langt í frá lokið og svo lengi sem
Michelsen úrsmiðirnir eru til staðar, munu Íslendingar hafa tök á að
fylgjast með tímanum.
Á þessum 100 árum hafa Michelsen úrsmiðirnir selt og þjónustað mörg
af þekktustu úramerkjum heims, með Rolex þar fremst í flokki. Þeim hefur
verið treyst fyrir þjónustu á afar vönduðum úrum hvaðanæva að úr
heiminum og orðspor þeirra hefur farið víða.
Úrsmiðir í 100 ár