Fréttablaðið - 31.12.2008, Blaðsíða 42
38 31. desember 2008 MIÐVIKUDAGUR
folk@frettabladid.is
Árið 2008 var þvílíkt
hamfaraár bankaklúðurs
og fjármálaógangna að allt
annað fellur í skuggann
af stjarnfræðilega háum
skuldaböggunum. Það sem
hefði getað staðið sem
frétt ársins í venjulegu
árferði – ísbirnir og Suð-
urlandsskjálfti – verður að
smáfrétt í ljósi hamfara-
kreppunnar. Þetta varð því
ár fimmtán mínútna frægð-
arinnar og þessi eru meðal
þeirra sem voru fræg í 15
mínútur árið 2008.
1. Færeyski trúbadorinn
Færeyski trúbadorinn Sölva Ford
skaust upp á stjörnuhimininn
þegar borgarstjóri Ólafur F. Magn-
ússon tók sérstöku ástfóstri við
hana í Færeyjaferð sinni. Sölva
skemmti Reykvíkingum á menn-
ingarnótt en þá var Ólafur reynd-
ar ekki borgarstjóri lengur.
2. Forvitnilegur Kompásþáttur
Kompás dró fram á sjónarsviðið
þá Benjamín Þór Þorgrímsson,
Benna Ólsara, og Ragnar Magnús-
son. Orðræða þeirra á bílastæði
var eins og eitthvað upp úr Sódómu
Reykjavík en í æsandi lokaþætti
sprakk Benni og tók fautalega á
Ragnari. Þó klóraði þjóðin sér í
kollinum og var ekki alveg viss
um hvor væri vondi karlinn.
3. Stjarna í Eurovisionmyndbandi
Í þeim 15 mínútna-heimi sem Eur-
ovisionkeppnin er áttu fáir betri
15 mínútur en flugþjónninn
Draupnir Rúnar sem fór á kostum
í myndbandinu við „This is your
life“ Eurobandsins. Heimtur urðu
sæmilegar í Belgrad, þjóðarstoltið
blés aðeins út þegar lagið komst
áfram í lokakeppnina, en dróst
saman á ný þegar það hafnaði í 14.
sæti.
4. Bandið hans Bigga
Biggi í Maus átti sínar 15 mínútur
þegar Bubbi Morthens tók hann
fyrir á víðfrægri síðu sinni í kjöl-
farið á meintri niðurlægingar-
grein Bigga um Bubba í Monitor.
Margir af helstu tónlistarmönnum
þjóðarinnar komu Bigga til varn-
ar, til að mynda Johnny King, Árni
Johnsen, Geir Ólafsson og götu-
tónlistarmaðurinn Jójó.
5. Ramses vísað úr landi
Keníumaðurinn Paul Ramses fékk
að kenna á manngæsku Útlend-
ingastofnunar sem vísaði honum
úr landi frá eiginkonu og nýfædd-
um syni. Eftir hörð mótmæli á
Íslandi fékk hann að snúa aftur til
fjölskyldu sinnar og íslensku
bankakreppunnar.
6. Ísbjarnafár
Fyrsti ísbjörninn sem hingað rak í
áraraðir var skotinn án mikilla
andmæla, þau hófust ekki fyrr en
eftir á. Því þótti ráð að reyna að ná
öðrum birninum lifandi og var
Dani með sérstakt búr
sendur hingað þeirra
erinda. Það tókst ekki
heldur þegar björninn –
öllum að óvörum – hljóp
í sjóinn. Þriðji ísbjörninn
fannst svo aldrei, enda
kind.
7. Gas! Gas!
Gasmenn komu
nokkuð við
sögu á árinu.
Sá sem æpti
Gas! Gas! Gas!
í Norðlingaholti
varð vinsæll um
tíma, þótt enginn
vissi hvað hann
hét. Stuttu áður
hafði Gazman í
Merzedes Club
vakið athygli fyrir
þreklegan vöxt og
hæfileika til að hreyfa
á sér brjóstin.
8. Sögur af andláti stórlega ýktar
Tveir fangar á Litla-Hrauni
reyndu að gera dánartilkynningar
Moggans sér að féþúfu. Annar
þeirra, Hákon Rúnar Jónsson,
þóttist látinn en hinn stofnaði inn-
lánsreikning sem velunnarar áttu
að leggja inn á. Fljótlega komst
upp um þetta bíræfna plott og ekki
er vitað til að nokkur hafi fallið
fyrir því.
9. Afdrifarík heimsókn Tarantino
„Í sleik á Nasa“ reyndist dýr frétt
fyrir Séð og heyrt. Birtingur þurfti
að punga út 600.000 krónum vegna
Ingu Birnu Dungal sem var allt
annað en ánægð með fréttina af
henni, vinkonu hennar, Birgittu
Ingu Birgisdóttur og Quentin
Tarantino. Sérstaklega var Inga
ósátt við að mynd af Myspace-
síðu hennar hefði verið birt í
tímaritinu.
10. Eyþór Morthens
Bubbi Morthens valdi
úrvalssöngvara í Band-
ið hans Bubba. Harla
lítið hefur heyrst frá
sigurvegaranum,
Dalvíkingnum
Eyþóri Inga,
eftir að hann
sigraði en hann
fékk þó alla-
vega þrjár mill-
ur að launum.
Það er líka
nægur tími til
að láta til sín
taka enda er
Eyþór bara 19 ára.
ÁR 15 MÍNÚTNA FRÆGÐARINNAR
Skilti ársins „Helvítis fokking
fokk!“.
Upptökumaður ársins DV blaða-
maðurinn Jón Bjarki Magnússon.
Myndbandagerðarmaður ársins
Jón Gerard Sullenberger.
Dagbókarskrifari ársins Matthías
Johannessen.
Sumarbústaðareigandi ársins
Sigurður Einarsson.
Vörumerki ársins Range Rover.
Mæðgin ársins Nornin
og mótmælandinn.
Dansarar ársins
Konurnar í „Lífsblóm-
inu“.
Námsmaður
ársins Gísli
Marteinn
Baldursson.
Palestínumaður ársins Sturla
Jónsson.
Snjókastari ársins Guðjón Heiðar
Valgarðsson.
Nýyrði ársins Aðgerðapakki.
Fugl ársins Plastálft Moggans.
Versti titill ársins „Þvagleggskon-
an“.
Skápur ársins Skáp-
urinn sem Annþór
fannst í.
Fokking borgarstjóri
ársins Ólafur F.
Magnússon.
Undarlegasta
blanda ársins
Megas og
Toyota.
Starfskraft-
ur ársins Lára
Ómarsdóttir.
Veðurfyrirbæri ársins Lánalínu-
frost.
Pulsur ársins Þyrlupulsurnar í
Baulu.
Málvilla ársins „Stórasta“.
Fálkaorða ársins Fálkaorða Kjart-
ans í Sigur Rós – hvers eiga hinir
að gjalda?
Tala ársins Milljarðar. Í mínus.
ALLT HITT ÁRSINS
5
3
2
4
6
8
7
10
91
> VIRÐIR LÍKAMA SINN
Söngkonan Christina Aguilera
segist bera meiri virðingu fyrir lík-
ama sínum eftir að hún eignað-
ist sitt fyrsta barn, Max Liron.
„Ég ber meiri virðingu
fyrir kvenlíkamanum eftir
að hafa gengið í gegnum
þetta. Ég á enn þá eftir að
losna við nokkur kíló en ætla
bráðum að fara að æfa mig
og boxa. Ég ætla samt ekki
að tapa mér alveg í æfing-
unum,“ sagði Aguilera.
Eurobandið sigraði í tveimur
flokkum á árlegri Eur-
o vision-verðlaunahátíð hjá
Eurovis ion-aðdáendasíðunni
esctoday.com. Þau Friðrik
Ómar og Regína Ósk
hrepptu titilinn besta tví-
eykið og besta hljómsveit-
in en This is My life var
valið fjórða besta lagið á
hátíðinni. Eurobandið var
ansi nálægt sigri í tveimur
flokkum en það fékk annað
sætið í flokknum besta hefð-
bundna Europop-lagið og
fyrir besta myndbandið. Úkr-
aínska söngkonan Ani Lorak
var hins vegar efst í flestum
flokkum en hún var meðal
annars kjörin best klæddi
flytjandinn, átti besta lagið
og myndbandið hennar við
Shady Lady þótti best.
Íslendingar máttu þola enn
einn ósigurinn fyrir hinni
sænsku Charlotte sem hlaut
fyrsta sætið í flokknum besta
hefðbundna europop-lagið.
Eurobandið getur engu að
síður vel við unað, tveir sigr-
ar og sjö tilnefningar. Það-
hlaut jafnframt þriðja sætið
í flokknum frammistaða árs-
ins og ljóst að bandið hefur
sungið sig inn í hug og hjörtu
Eurovision-nörda.
Eurobandið hyggst nýta
sér þessar vinsældir sínar og
ætlar að spila á þremur Eur-
ovision-stöðum í Evrópu á
nýju ári. Þá er hljómsveitin í
hljóðveri um þessar mundir
og er að taka upp nýja plötu
þar sem finna má margar af
helstu Eurovision-perlum
sögunnar. - fgg
Eurobandið hlaut tvenn verðlaun
TVEIR SIGRAR Eurobandið hafði
sigur í tveimur flokkum og hreppti
þar að auki bæði silfur og brons í
öðrum flokkum.
SIGURSÆL Úkraínska söngkonan
Ani Lorak heillaði Eurovision-
aðdáendur upp úr skónum.