Fréttablaðið - 29.01.2009, Qupperneq 6

6 29. janúar 2009 FIMMTUDAGUR
SJÁVARÚTVEGUR Þingmenn Sam-
fylkingar og Vinstri-grænna
gagnrýna Einar K. Guðfinnsson
sjávarútvegsráðherra afar hart
fyrir að gefa út leyfi til hvalveiða
í atvinnuskyni. Hann er sagður
misnota aðstöðu sína gróflega sem
fráfarandi ráðherra. Andstæðing-
ar hvalveiða kalla ákvörðun hans
skemmdarverk gagnvart landi og
þjóð. Samtök útvegs- og sjómanna
fagna ákvörðuninni sem rökréttri
nýtingu á sjálfbærri auðlind.
Atli Gíslason, þingmaður Vinstri
grænna, segir ákvörðun Einars
mikil vonbrigði. „Þetta er óskamm-
feilið og hrein sýndarmennska.
Hann er að reyna að skuldbinda
næstu ríkisstjórn og þetta er útspil
í komandi kosningabaráttu. Eng-
inn ráðherra ætti að taka ákvörð-
un um auðlindir landsins með
þessum hætti og það án nokkurs
samráðs við samstarfsflokk í rík-
isstjórn.“ Atli vill ekkert tjá sig um
hvort rétt sé að eftirmaður Einars
hnekki ákvörðun hans með nýrri
reglugerð; það sé hins vegar nær-
tækt telji menn að rök hnígi að því
að slíkt sé æskilegt. Fyrirséð er að
hans mati að ákvörðun Einars geti
haft alvarleg áhrif fyrir Ísland á
alþjóðavettvangi.
Flokkssystkin Atla, formaður-
inn Steingrímur J. Sigfússon og
Kolbrún Halldórsdóttir, hafa fyrr
gagnrýnt ákvörðun Einars í inn-
lendum sem erlendum fjölmiðlum.
Það gerði Össur Skarphéðinsson
iðnaðarráðherra einnig í gær og
sagðist í samtali við vísir.is vilja
endurskoða ákvörðunina í nýrri
ríkisstjórn.
Árni Finnsson, formaður Nátt-
úruverndarsamtaka Íslands, segir
að hvalveiðileyfið sé ekkert annað
en skemmdarverk gagnvart landi
og þjóð. Hann ítrekar efasemd-
ir sínar um að markaður sé fyrir
hvalaafurðir og segir hvalveiðar
munu valda erfiðleikum með sölu
íslenskrar vöru um allan heim. „
Hvalaskoðunarsamtök Íslands
fordæma gjörninginn sem þau
telja ógna atvinnugreininni segir
í fréttatilkynningu. Þeir telja
bestu markaðssetningu Íslands til
framtíðar að ný ríkisstjórn hnekki
ákvörðun Einars.
Gagnrýnin kemur einnig utan
frá og sagt er frá ákvörðuninni í
fjölmiðlum víða um heim. Sinikka
Bohlin, forseti Norðurlandaráðs,
sagði á fundi ráðsins sem nú er
haldinn í Reykjavík það vera und-
arlegt að ríkisstjórn Íslands skuli
ákveða að undirrita svo umdeild-
an samning í miðri fjármála- og
stjórnarkreppu. „Í slíkri pólitískri
ringulreið ætti ekki að ræða mál
sem þetta“, sagði Bohlin.
svavar@frettabladid.is
Afar hörð gagnrýni
á leyfi til hvalveiða
Þingmenn Samfylkingar og VG gagnrýna sjávarútvegsráðherra hart fyrir að
gefa út hvalveiðikvóta. Andstæðingar veiða segja ákvörðun hans skemmdar-
verk gegn landi og þjóð. Ný stjórn íhugar að hnekkja ákvörðun um hvalveiðar.
■ Sjávarútvegsráðherra gaf út reglugerð um veiðar á hrefnu og langreyði til
5 ára.
■ Veiðar í samræmi við tillögur Hafrannsóknastofnunar myndu ekki ganga
um of á stofna hrefnu og langreyðar að mati vísindanefndar Alþjóða
hvalveiðiráðsins. Það eru 150 langreyðar og 100 hrefnur.
■ Stofnarnir báðir eru taldir í sögulegu hámarki.
■ Ráðið sjálft hefur enn fremur úrskurðað að hvalveiðar Íslendinga séu
löglegar.
■ Sú ákvörðun að veiðiheimildir séu til 5 ára er í samræmi við almenna
venju innan Alþjóðahvalveiðiráðsins.
■ Veiðar á langreyði hófust í atvinnuskyni haustið 2006, en hafa legið niðri
síðan vegna óvissu um sölu afurða. Nú hefur þeirri óvissu verið eytt.
■ Veiðar á hrefnu hófust árið 2003. Hingað til hafa veiðst 246 hrefnur í
vísinda- og atvinnuveiðum.
STAÐREYNDIR UM HVALVEIÐIMÁLIÐ
DRÖFN GERIR KLÁRT 2006 Hvalveiðimenn hafa þegar hafið undirbúning veiða.
Það er hins vegar mikilli óvissu háð hvort það sé tímabært, í ljósi umræðunnar.
FRÉTTABLAÐIÐ/VILHELM
STJÓRNMÁL Óskráð regla hefur verið
að ráðherrar í starfsstjórnum taki
ekki veigamiklar eða stórpólit-
ískar ákvarðanir, segir Guðni Th.
Jóhannesson, lektor við Háskólann
í Reykjavík.
Einar K. Guðfinnsson, fráfar-
andi sjávarútvegsráðherra, ákvað á
þriðjudag, degi eftir að stjórn Sjálf-
stæðisflokks og Samfylkingar féll,
að gefa út reglugerð um hvalveiðar í
atvinnuskyni. Reglugerðin heimilar
veiðar á hrefnu og langreyði næstu
fimm árin.
Guðni segir að aðrir verði að meta
hvort ákvörðun Einars teljist veiga-
mikil, eða hvort hún hafi verið hluti
af daglegum störfum ráðherra.
Fallin ríkisstjórn starfar áfram
þar til ný hefur verið mynduð,
og er kölluð starfsstjórn á þeim
tíma. Guðni segist ekki muna eftir
dæmum þar sem hin óskráða regla
um ákvarðanir ráðherra í starfs-
stjórnum hafi verið brotin.
Hann bendir til dæmis á að Bene-
dikt Gröndal hafi kvartað yfir því
að starfsstjórn hans hafi ekki getað
tekið stórar ákvarðanir. Minnihluta-
stjórn hans baðst lausnar eftir kosn-
ingar í desember 1979 en starfaði
fram í febrúar 1980 þar sem illa
gekk að mynda stjórn.
Björgvin G. Sigurðsson, fráfar-
andi viðskiptaráðherra, sagði upp
stjórn og framkvæmdastjóra Fjár-
málaeftirlitsins á sunnudag, og
sagði af sér í kjölfarið. Guðni segir
að eðlismunur sé á þessari ákvörð-
un og ákvörðun Einars, enda stjórn-
in ekki fallin á sunnudag. - bj
Óskráð regla að starfsstjórnir taki ekki veigamiklar eða stórpólitískar ákvarðanir:
Aðrir meti ákvörðun Einars
HVALVEIÐAR Fráfarandi sjávarútvegsráð-
herra gaf leyfi fyrir veiðum á hrefnu og
langreyði til næstu fimm ára á þriðju-
dag. MYND/GUNNAR BERGMANN
SJÁVARÚTVEGUR Landssamband
íslenskra útvegsmanna fagnar
þeirri ákvörðun Einars K. Guð-
finnssonar sjávarútvegsráðherra
að heimila hvalveiðar í atvinnu-
skyni.
„Íslendingum ber að gæta vel
að rétti sínum til nýtingar hvala-
stofna við landið“ segir í tilkynn-
ingu. „Grundvallaratriði er að
landsmönnum verði hvorki mein-
að að nýta auðlindir hafsins á
sjálfbæran hátt, né að viðhalda
jafnvægi milli tegunda. Hvala-
stofnar við Íslandsstrendur eru
ekki í útrýmingarhættu heldur í
stöðugum vexti og eru nú taldir
nálægt upprunalegri stærð.“ - shá
Fagna hvalveiðikvóta:
Nýta ber auð-
lindir landsins
Kaupir þú vörur sem framleidd-
ar eru í Ísrael?
Já 28,1
Nei 71,9
SPURNING DAGSINS Í DAG:
Eiga Íslendingar að reyna að fá
betri kjör hjá Alþjóðagjaldeyris-
sjóðnum?
Segðu þína skoðun á Vísi.is
Komdu
í Fjármálaviðtal
Fáðu yfirsýn yfir fjármálin
www.glitnir.is/markmid
Við veitum þér persónulega þjónustu
með vandaðri heildarráðgjöf um
fjárhagslega stöðu heimilisins.
Fjármálaviðtal er góð leið til að fá
skýra yfirsýn yfir fjármál heimilisins
og ræða leiðir til úrbóta.
Á glitnir.is og í útibúinu þínu getur þú líka
nálgast einfaldar og öflugar lausnir til að setja
heimilinu fjárhagsleg markmið.
Í Fjármálaviðtali förum við m.a. yfir:
Eignir á móti skuldum
Gjöld og tekjur
Útgjaldaáætlun og heimilisbókhald
Lánamat og greiðsluáætlun lána
Skilmálabreytingar og sameiningu lána
Í Fjármálaviðtali förum við saman yfir
eignir og skuldir, tekjur og útgjöld og
gerum greiðsluáætlun fyrir þín lán.
T
B
W
A
\R
E
Y
K
JA
V
ÍK
\
0
94
00
1
SVEITARSTJÓRNIR Útlit er fyrir að
meirihluti E-listans klofni á fundi
bæjarstjórnar á Blönduósi í dag.
Jóna Fanney Friðriksdóttir er
einn fjögurra bæjarfulltrúa E-list-
ans og var bæjarstjóri á Blöndu-
ósi í rúm fimm ár þar til 1. októb-
er 2007. Hún hefur lýst óánægju
sinni með að eftirmaður hennar
í bæjarstjórastólnum fái hærri
laun en hún fékk. Hún telur að
með þessu séu brotin á henni jafn-
réttislög, Jóna Fanney gagnrýnir
jafnframt að ráðningarsamning-
ur núverandi bæjarstjóra sé ekki
lagður fram í bæjarstjórn og telur
þar um brot á stjórnsýslulögum að
ræða. Um þetta
hefur hún sent
liðsmönnum E-
listans bréf eins
og kom fram í
Fréttablaðinu í
gær.
Valgarður
Hilmarsson,
forseti bæjar-
stjórnar, játar
því að nú mæti
hart hörðu milli
Jónu Fanneyjar og hinna þriggja
bæjarfulltrúa E-listans. Hann vill
þó ekki kveða upp úr um að sam-
starfinu sé lokið. Framhaldið komi
í ljós á bæjarstjórnarfundinum í
dag.
Aðspurður kveðst Valgarður
verða að vera bjartsýnn á að bæj-
arstjórnin verði starfhæf áfram.
Auk fulltrúa E-listans sitja tveir
fulltrúar Sjálfstæðisflokks og
einn fulltrúi A-lista í bæjarstjórn.
Hann segir engan ágreining uppi
um stór mál og bæjarfulltrúar
hafi átt frábært samstarf. Í ljósi
efnahagsástandsins hafi til dæmis
verið breið samstaða um gerð fjár-
hagsáætlunar. „Þess vegna kom
þetta eins og skrattinn úr sauða-
leggnum,“ segir Valgarður.
- gar
Ágreiningur um launamál bæjarstjóra og samstarfsörðugleikar fella bæjarstjórn:
Meirihlutinn klofnar í tvennt
VALGARÐUR
HILMARSSON
KJÖRKASSINN