Fréttablaðið - 29.01.2009, Page 35

FIMMTUDAGUR 29. JANÚAR 2009 7veljum íslenskt ● fréttablaðið ●
Smyrslin frá Villimey, sem bera til
að mynda nöfnin Húð-galdur, Sára-
galdur, Fóta-galdur, Bossa-galdur
og Bumbu-galdur, eru unnin úr
villtum íslenskum jurtum sem eru
tíndar á Vestfjörðum.
Aðalbjörg Þorsteinsdóttir hefur
þróað uppskriftirnar, sem byggja
á vísdómi, verkkunnáttu, hefðum
og sögnum sem hafa gengið mann
fram af manni. Hún tekur nú þátt í
verkefni á vegum Útflutningsráðs
sem ber heitið útflutningur og hag-
vöxtur og er stefnan sú að hefja út-
flutning á smyrslunum, sem eru án
allra rotvarnar-, ilm- og litarefna
og lífrænt vottuð frá Vottunarstof-
unni Túni, síðar á þessu ári.
Þá var fyrirtækið valið af fag-
ráði Hönnunarmiðstöðvar og Út-
flutningsráðs til að taka þátt í
verkefninu Frá hönnun til útflutn-
ings en það er samkeppni hönnuða
um umbúðir utan um framleiðslu
fyrirtækja sem hyggja á útflutn-
ing. - ve
Villimey í útrás
Stefnt er að því hefja útflutning á
smyrslunum síðar á þessu ári, auk þess
sem von er á nýjum umbúðum.
Kleinur eru eitt alíslenskasta
munngæti sem þjóðin þekkir. Þær
eru sannkallaður ísbrjótur á lífs-
ins stundum og eiga alltaf við. Með
kleinum má segja fyrirgefðu, ég
elska þig, þú ert vinur minn og mér
finnst gott að vera hjá þér, ásamt
öllu öðru sem upp kemur í hugann,
enda gegnheilt kærleiksbrauð.
Kleinur er einfalt að baka og af-
raksturinn hamingja, mettur magi
og góðar birgðir í kreppubúrið.
Kleinur
2 kg hveiti
2 bollar sykur
2 egg
100 g smjörlíki
10 tsk. lyftiduft
2 tsk. hjartasalt
1 l súrmjólk
kardimommudropar
Blandið þurrefnum í skál. Geymið 400 g
hveitis til að hnoða upp í. Myljið smjörlíki
saman við. Setjið egg, dropa og súrmjólk
í miðju þurrefna, blandið vel saman og
hnoðið. Hnoðið hveiti eins og með þarf
til að deig verði ekki blautt. Fletjið út og
skerið.
Steikið upp úr Palmín-jurtafeiti við
góðan hita í góðum potti. - þlg
Þjóðlegt lostæti
Það er leitun að þeim sem stenst nýbak-
aðar, ilmandi og þjóðlegar kleinur.
FRÉTTABLAÐIÐ/ANTON
Framfarir í ylrækt hafa orðið til þess að ferskir íslenskir tómatar fást allan ársins hring.
Íslendingar eru með færustu
þjóðum heims á sviði ylræktar
og gróðurhúsaræktunar.
Ylrækt hér á landi byggir
fyrst og fremst á nýtingu jarð-
hita en hann var fyrst nýttur
til upphitunar gróðurhúsa um
1920. Mikil þróun hefur orðið í
ylrækt síðastliðin ár sem hefur
meðal annars leitt til þess að nú
er hægt að fá ferska íslenska
tómata og gúrkur allan ársins
hring og fylgir paprikan fast
á eftir, að því er fram kemur á
vefnum www.islenskt.is. Þar má
nálgast grænmetisdagatal þar
sem fram kemur á hvaða árs-
tíma tilteknar grænmetisteg-
undir fást.
Hnattstaða landsins og land-
fræðileg einangrun gera Ísland
fljótt á litið ekki kjörland til
garðyrkju en einmitt hún ásamt
náttúruauðlindum landsins
skapar landinu sérstöðu. Norð-
læg lega og einangrun þýðir að
hér er lítið um meindýr og sjúk-
dóma í gróðri. - ve
Íslenskt grænmeti allt árið
verði frystGengistryggð nlá
Um 500 missa vinnuna
Samtal við Árna réð úrslitum
Gengistryggð lán fryst
sjóðsabuím ndin loku isn lífeyr
Sagði honum að við stæðum við yfirlýsingar
erðastLífeyrisrétti kndi s
Önnur sprenging í Pakistan
Haman útilokar ekki sningko ar
Todd Palin svarar fyrir sig
Obama fagnar st xtalækkunvaýri
VÍSIR.IS
LANGVIRKASTI FRÉTTAMIÐILL LANDSINS
Vísir er langvirkasti vef-fréttamiðill landsins og flytur landsmönnum
Vísir gefur landsmönnum tækifæri á að fylgjast með og stendur
fréttavaktina fyrir þig. Hraði frétta og upplýsinga skiptir
höfuðmáli í nútíma samfélagi !
35% fleiri fréttir en mbl.is
...ég sá það á visir.is