Tíminn - 08.04.1993, Page 2

2 Tíminn
lnqt>.ur.sb's'-
Fimmtudagur 8. apríl 1993
Pirringur er meðal
krata vegna Hrafns
Óánægja er innan beggja stjómarflokkanna með þá ákvörðun menntamála-
ráðherra að setja Hrafn Cunnlaugsson í stöðu framkvæmdastjóra Sjón-
varps. Miklar líkur em taldar á að þingmenn Alþýðuflokksins greiði fyrir því
að þingsályktunartillaga stjóraarandstöðunnar um Hrafnsmálið fái að
koma á dagskrá Alþingis.
Það kann að þykja sérkennilegt að
tímabundin setning manns í stöðu
framkvæmdastjóra Sjónvarps skuli
verða að stórpólitísku máli. Ástæð-
umar eru vafalaust þær að Hrafn
Gunnlaugsson er náinn vinur forsæt-
isráðherra, hann er mjög umdeildur
fyrir störf sín og skömmu fyrir setn-
inguna vék útvarpsstjóri honum úr
starfi.
Össur Skarphéðinsson, formaður
þingflokks Alþýðuflokksins, rökstuddi
óánægju alþýðuflokksmanna vegna
málsins í umræðum utan dagskrár í
vikunni.
„Hæstvirtur menntamálaráðherra er
vitaskuld þaulvanur stjómmálamað-
ur. Það fer ekki hjá því að hann hlaut
að gera sér fulla grein fyrir því að eins
og mál hefðu þróast þá hlutu morgun-
verk laugardagsins að verða mjög um-
deild um allt þjóðfélagið. Maður með
hans reynslu hlaut að skilja að verkn-
aðurinn myndi sæta mikilli gagnrýni
sem ekki aðeins myndi beinast að
honum einum og hans flokki heldur
ríkisstjóminni allri og þar með sam-
starfsflokknum líka.
Ég skal ekki draga í efa heimild ráð-
herrans til að ákveða hina umdeildu
og óvæntu ráðningu en miðað við að-
draganda málsins og það sem var vita-
skuld að vænta þá hefði það verið
sjálfsögð kurteisi, svo ekki sé meira
sagt, að bera verknaðinn undir sam-
starfsaðilann. Það var hins vegar ekki
gert. Það er alveg nauðsynlegt að fram
komi að hæstvirtur ráðherra leitaði
ekki álits nokkurs einasta forystu-
manns Alþýðuflokksins. Hann lét eng-
an forystumann Alþýðuflokksins vita
hvað til stóð og ég átel þessi vinnu-
brögð," sagði Össur.
Ræða Össurar var rædd á þingflokks-
fúndi sjálfstæðismanna sama dag og
komu fram óánægjuraddir með hana.
Sjónarmið Össurar mun hins vegar
njóta fyllsta trausts innan þingflokks
Alþýðuflokksins.
Sumir forystumenn Alþýðuflokksins
em afar óánægðir með að Hrafn skyldi
vera settur yfir Sjónvarpið eftir að
honum hafði verið vikið úr starfi.
Eiður Guðnason umhverfisráðherra
reiddist t.d. mjög þegar hann frétti af
ráðningu Hrafns, en Eiður starfaði
fymim á Sjónvarpinu og sat í útvarps-
ráði í mörg ár. Jón Baldvin Hannibals-
son, formaður flokksins, er heldur
ekki ánægður með hvemig sjálfstæð-
ismenn hafa haldið á málinu en sjón-
armið hans er hins vegar að reyna að
draga sem mest úr þeim skaða sem
málið hefur valdið ríkisstjórninni.
Flest bendir til að alþýðuflokksmenn
muni greiða fyrir því að þingsályktun-
artillaga Páls Péturssonar og fleiri um
Hrafnsmálið komist á dagskrá þings-
ins eftir páska. Minni líkur em hins
vegar taldar á að þeir styðji tillöguna
efnislega.
Innan Sjálfstæðisflokksins em skipt-
ar skoðanir um ráðningu Hrafns. Dav-
íð og stuðningsmenn hans undrast
það fjaðrafok sem ráðningin hefur
valdið í fjölmiðlum og á þingi. Þeir
em þó margir innan Sjálfstæðis-
flokksins sem telja að flokkurinn hefði
getað sneitt hjá þeim vandræðum sem
mál þetta hefur valdið flokknum. Þeir
menn em einnig til innan flokksins
sem em ævareiðir yfir ráðningu
Hrafns.
í heild er ekki talið að þetta mál eitt
og sér komi til með að sundra ríkis-
stjórnarflokkunum. Málið dregur hins
vegar úr tiltrú á heiðarleik ríkisstjóm-
arinnar. Á þetta benti Ingibjörg Sól-
rún Gísladóttir í umræðunum á Al-
þingi. Hún sagði: „Ég vil segja við
sjálfstæðisráðherrana í þessari ríkis-
stjóm: Þið skulið aldrei koma framar í
þennan sal og tala um að afnema fyrir-
greiðslu- og hreppapólitík. Það mun
enginn trúa ykkur, því þið fallið á öll-
um slíkum prófum."
-EÓ
Útvarpsráð ræðir um ráðningu Hrafns Gunn-
laugssonar til Sjónvarpsins:
Krafa um að
Hrafn víki
Fulltrúar stjómarandstöðu-
flokkanna í útvarpsráði skora
á Hrafn Gunnlaugsson, fram-
kvæmdastjóra Sjónvarpsins,
að víkja tímabundið úr starfi
framkvæmdastjóra á meðan
rannsókn fer fram á fjármála-
legum samskiptum hans við
Sjónvarpið.
Útvarpsráð kom saman til auka-
fundar í gær til að ræða ráðningu
Hrafns í stöðu framkvæmdastjóra
Sjónvarpsins. Útvarpsráð hefur
ekki vald til að hnekkja þeirri
ákvörðun sem tekin hefur verið í
þessu máli. Ráðið ræddi hins veg-
ar málið í gær og lagðar voru fram
bókanir.
í bókun fulltrúa stjórnarandstöð-
unnar, Ástu Ragnheiðar Jóhannes-
dóttur, Valbórs Hlöðverssonar og
Kristínar Á. Árnadóttur er harð-
lega mótmælt ráðningu Hrafns í
stöðu framkvæmdastjóra Sjón-
HJALLAKIRKJA VIGÐ
Hjallakirkja í Kópavogi verður
vígð við hátíðlega athöfn á páska-
frétt frá kirkjunni kemur fram
að byggingin hafi gengið vel og til
marks um það var hafist handa fyr-
ir aðeins tveimur árum. Hjalla-
sókn er líklega með yngri sóknum
landsins, því hún var stofnuð árið
1987. Þar er sóknarprestur Krist-
ján Einar Þorsteinsson. Hann mun
þjóna fyrir altari við vígsluna en
biskup íslands, herra Ólafur Skúla-
son, mun vígja kirkjuna. Kirkjan
er 1.100 fermetrar að flatarmáli og
verða um 700 fermetrar teknir í
notkun nú. Kostnaður er sagður
um 100 milljónir króna. -HÞ
G.M. Bílaverkstæðið hf.
Fosshálsi 27. Sími 672270.
Nýtt verkstæði sérhæft í viðgerðum á GM, OPEL og ISUZU bifreiðum.
Allar alhliða viðgerðir ásamt vélarstillingum, sjálfskipti og smurþjónustu. Starfsmenn með mikla
reynslu og verið þjálfaðir af framleiðendum.
Láttu gera við bílinn þinn þar sem þekking og fagmennska fer saman.
Opið aila virka daga frá kl. 8:00 til 17:00.
Líttu inn, kaffi er á könnunni.
GM - OPEL - ISUZU ÞJONUSTA
varps og um leið pólitískri íhlutun
menntamálaráðherra og Sjálf-
stæðisflokksins í innri málefni
Ríkisútvarpsins. Jafnframt er lýst
ábyrgð á hendur ráðherra fyrir það
tjón sem hann hefur valdið Ríkis-
útvarpinu með ofbeldisfullri fram-
göngu sinni eins og segir í bókun-
inni. Skorað er á Alþingi að grípa
til ráðstafana sem koma í veg fýrir
að ráðherra geti gripið til embætt-
isveitinga með slíkum hætti.
í bókuninni segir að ráðning
Hrafns í stöðu framkvæmdastjóra
Sjónvarps sé gróf móðgun við út-
varpsstjóra sem taldi Hrafn óhæf-
an til verka hjá stofnuninni og vék
honum úr starfi.
í bókun fulltrúa Sjálfstæðis-
flokksins í útvarpsráði eru harm-
aðir þeir atburðir sem að undan-
fömu hafa valdið ólgu um málefni
Ríkisútvarpsins. Enginn dómur er
hins vegar felldur um þessa at-
burði að öðru leyti en því að þar
segir að farið hafi verið að lögum í
málinu.
í bókun Guðna Guðmundssonar,
fulltrúa Alþýðuflokks í útvarps-
ráði, segir að hann hafi ekki geð í
sér að taka þátt í þeim pólitíska
hráskinnaleik sem blásið hafi verið
til út af persónu Hrafns Gunn-
laugssonar. Guðni segir að ýmis
mistök hafi verið gerð í málinu allt
frá upphafi. Útvarpsráð þjóni ekki
hagsmunum Ríkisútvarpsins með
því að taka afstöðu til réttmætis
orða og athafna þeirra sem hlut
eiga að máli. -EÓ
Fjórum starfsmönnum
Sjónvarpsins var sagt
upp störfum 1. febrúar:
Engar
frekari
uppsagnir
í umræðunni um brottvikn-
ingu Hrafns Gunnlaugssonar
úr stöðu deildarstjóra inn-
lendrar dagskrárdeildar hefur
komið fram að fjórum starfs-
mönnum Sjónvarpsins var
sagt upp störfum að kröfu
Hrafns skömmu áður en hann
kom formlega til starfa.
Þessir starfsmenn eru Þór Elís
Pálsson dagskrárgerðarmaður og
aðstoðardagskrármennirnir Ásta
Hrönn Stefánsdóttir, Ingveldur
Ólafsdóttir og Bjarni Felix Bjama-
son.
Flestir starfsmenn Sjónvarpsins
reikna með að frekari breytingar
verði gerðar á starfsliði Sjónvarps-
ins með nýjum framkvæmdastjóra
þess. Engar frekari uppsagnir hafa
þó enn verið ákveðnar.
Viökomuhafnir/Vikudagar
Esbjerg.......laugard.
Þórshöfn......mánurf.
Bergen........ þriöjud.
Pórshöfn......miövikud.
Seyöisfjöröur.. limmtud.
Þórshöfn......töstud.
Esbjerg.......
SEYÐISFIRÐI - ® 21111 - FAX 21105
_ 22:00 29.05 05 06 12.06 19.06 26.06 03.07 10.07 17.07 24.07 31.07 07.08 14.08 21.08 28.08
10:00 14:00 31.05 07.06 14,06 21.06 28.06 05.07 12.07 19.07 26.07 02.08 09.08 16.08 23.08 30.08
12:00 15:00 01 Ofi 08.06 15.06 22.06 29.06 06.07 13.07 20.07 27.07 03.08 10.08 17.08 24.08 31.08
11:00 15:00 02.06 09.06 16.06 23.06 30.06 07.07 14.07 21.07 28.07 04.08 11.08 18.08 25.08 01.09
07:00 11:00 03.06 10.06 17.06 24.06 01.07 08.07 15.07 22.07 29.07 05.08 12.08 19.08 26.08 02.09
05:00 08:30 04,06 11.06 18.06 25.06 02.07 09.07 16.07 23.07 30.07 06.08 13.08 20.08 27.08 03.09
19:00 - 05.06 12.06 19.06 26.06 03.07 10.07 17.07 24.07 31.07 07.08 14.08 21.08 28.08 04.09
brjár fyrstu erðir ódýran ■
Norræna
ferðaskrifstof an hf.
sími 91-626362, fax 29450 Laugavegi 3, Reykjavík