Réttur - 01.08.1961, Page 1

RETTUR
TÍMARIT UM ÞJÓÐFÉLAGSMÁL
3. HEFTI • 44. ÁRG.
1961
ÞÓR VIGFÚSSON :
ísland og Efnaliagsbandalag
Evrópu
Stofnun Efnahagsbandalags Evrópu, (byggist á sáttmála, sem
fulltrúar V-Þýzkalands, Frakklands, Ítalíu, Belgíu, Hollands og
Luxemburg undirrituðu í Róm 25. marz 1957 og gildi tók 1. janúar
1958), var tvímælalaust einn af merkari viðburðum í þróun auð-
valdsríkjanna eftir síðari heimsstyrjöld. Þýðir stofnun bandalags-
ins, að auðvaldsríkjum V-Evrópu og auðhringum þeirra hafi loks-
ins tekizt að samræma svo hagsmuni sína, að þau geti farið að
lifa saman og starfa saman árekstralaust í einu ríkjabandalagi og
jafvel síðar í einum bandaríkjum?
Efnahagsbandalag Evrópu var ekki stofnað vegna þess að auð-
valdsskipulagið og heimsvaldastefnan hefðu breytt eðli sínu. Hún
byggist eftir sem áður á arðráni, innávið og útávið. Og samningar
og bandalög milli heimsveldanna og auðhringa þeirra eru ekkert
nýtt fyrirbæri í sögu þeirra. Þar skiptast á samningar og samnings-
slit, bandalög og upplausn þeirra, allt eftir hagsmunaaðstæðum á
bverjum tíma. En Efnahagsbandalag Evrópu gengur lengra og er