Réttur - 01.03.1938, Blaðsíða 4

hjá Englandi, þegar Þjóðverjar tóku Belgíu, og var
það þó ekki nærri eins níðingslega að farið og nú
með Austurríki.
Og fasistaríkin, sem finna að þeim leyfist allt, færa
sig auðvitað upp á skaftið. Tékkóslovakia fær
þegar að kenna á því. — Og smærri ríkin, eins og
Rúmenía, Jugóslavía og slík, sem staðið hafa nærri
Frakklandi áður, finna að þaðan er engrar hjálpar
að vænta — og byrja að snúa sér til Þýzkalands og
Ítalíu .eftir reglunni: heiðra skaltu skálkinn, svo að
hann skaði þig ekki.
Hvað veldur þessari undanlátssemi borgaralegu
lýðræð'sríkjanna ? Sönnum vinum lýðræðisins hlýtur
þó að vera ljóst hvert stefnir.
Orsökin kemur bezt í ljós, ef athuguð er afstaða
frönsku ríkisstjórnarinnar. Þessi stjórn er sjálf studd
af alþýðufylkingu vinstri flokkanna g.egn fasisma.
Innan Frakklands vinnur fasisminn, þ. e. a. s. fasista-
flokkarnir og versta afturhaldsklíka auðmannastétt-
arinnar, leynt og ljóst gegn stjórninni með öllum að-
ferðum, allt frá spellvirkjum í iðnaðinum til upp-
reisnarundirbúnings. Þessi ríkisstjórn á sjálf í höggi
við samsærismenn, sem hafa gífurlegan undirbúning
til borgarastríðs og færast í aukana við að sjá afstöð-
una, sem lýðræðislöndin taka til samskonar upp-
reisna og landráða á Spáni. Franska alþýðufylkingar-
stjórnin v.eit, að bezta ráðið til að firra franska lýð-
veldið fasistahættunni, er að berja fasistauppreisn-
,ina á Spáni nógu kröftuglega niður. Og samt aðhefst
franska stjórnin ekkert!
Og ekki nóg með þetta. Hagsmunir Frakklands
sem stórveldis eru .einnig í hættu, ef Ítalía nær tök-
um á Spáni og getur þannig slitið sambandi Frakk-
lands við nýlendurnar. Og samt gerir franska stjórn-
in ekkert!
Undirrótin að þessu glæpsamlega aðgerðarleysi eru
áhrif brezka auðvaldsins, sem ræður gerðum brezku
4