Réttur - 01.03.1938, Blaðsíða 30

sína til þess að forða verðmætum samtíðar og framtíð-
ar frá glötun, yfir á land frelsis og jafnréttis.
Eg þekki enga þók síðari ára, sem væri eins erfitt
að grafa í djúp þagnar og gleymsku. Og eitt er víst, að
eins og ofsóknir skrumblaðanna um Kiljan og Þórberg
voru kveðnar í þögn af alþýðunni sjálfri, svo mun og
þögn borgaranna um Jóhannes úr Kötlum gera rödd
hans hljóðbærari til alþýðu íslands.
Á meðan Jóhannes úr Kötlum kvað sitt bí, bí og
blaka, átti hann hylli borgarablaðanna, hann var einn
af þeim ungu, sem hlaut að vinna lárviðarkranz hrós-
yrðanna; en eftir að alþýðan hafði vakið hann og bent
honum á hið stóra hlutverk sönghæfasta ijóðsvans henn-
ar, fluttu borgararnir hann yfir á nafnaskrá „þegna
þagnarinnar“.
En alþýðan hlustar — og þegar hún heyrir í stefja-
málum skáldsins enduróm tónanna, er liðu einn og einn
frá brjósti hennar út í bláinn, þá tekur hún undir, svo-
þögnin fyllist af söng.
Stefán ÖgmuncLsson.
Kommúnisfaávarpið 90 ára.
í ársbyrjun 1848 gerðist sá stóratburður í sögu verk-
lýðshreyfingarinnar, að Kommúnistasambandið gaf út
stefnuskrá sína, Kommúnistaávarpið. Þetta litla rit
gefur svo ljósa skilgreiningu á þróun auðvaldsskipu-
lagsins, að slíkt hafði aldrei sézt fyr, og þar er í fyrsta
sinni lýst með óhrekjandi rökum orsökum stéttaskipt-
ingarinnar, og sýnt fram á nauðsyn stéttabaráttunnar.
I þessu litla riti eru verkalýðnum fengin þau fræði-
legu vopn, sem hann þarfnast í hagsmuna- og valda-
baráttu sinni. Þar er í fyrsta sinn sú skoðun sett fram,
að verkalýðurinn verði að taka völdin með byltingu.
30