Réttur - 01.03.1939, Síða 4
líka, að það er hægt að fara þær leiðir, sem Sósíalista-
flokkurinn benti á.
En ísíenzka borgarastéttin getur ekki farið þessar
leiðir. Hvers vegna? Vegna þess að það yrði á kostnað
þeirrar yfirstéttarklíku, sem hefir siglt sínu eigin at-
vinnulífi upp á sker.
Þessi klíka, veit það t. d. vel, að ef hægt væri að
losna við hin einhliða fjármálasambönd, sem hafa ein-
okun um öll viðskipti landsins, þá myndi öll spilaborgin
hrynja. Þess vegna urðu þeir svona logandi hræddir,
þegar erlendir fjármálamenn komu hingað í vetur, til
þess að leita fyrir sér um viðskipti. Sósíalistar voru út-
hrópaðir sem óalandi og óferjandi, af því að þeir vildu
taka þeim kurteislega. Svo langt var gengið í firrunum,
að því var haldið fram að sósíalistar hefðu byggt allar
sínar tillögur á einhverjum tilboðum þessara manna. —
Þetta var endurtekið svona álíka oft og Göbbels endur-
tók, að kommúnistar hefði kveikt í Ríkisþinghúsinu. —
Nú vita allir, að þessar tillögur Sósíalistaflokksins eru
stefnumál hans í atvinnumálum og fjármálum, sem
hann hefir barist fyrir frá því að hann var stofnaður,
og sem hver maður getur lesið í starfskrá hans, sem
samþykkt var síðastliðið haust, löngu áður en nokkur
flokksmaður hafði heyrt getið um þessa margumtöl-
uðu fjármálamenn. Þetta dæmi er nefnt hér, vegna þess
hve vel það sýnir, að andstæðingarnir þora ekki að ræða
málin við okkur í alvöru. Þess vegna grípa þeir til fár-
ánlegs fleipurs til þess að skjóta sér undan því að horf-
ast í augu við viðfangsefnin.
Þó eru afskipti ríkisstjórnarinnar af byggingu nýrrar
síldarverksmiðju á Siglufirði gleggsti vitnisburðurinn
um það, hvernig komið er, og hvert afhroð íslenzka
þjóðin verður að gjalda vegna þess að hún býr við yfir-
ráð stéttar, sem ber dauðann í brjóstinu.
Eitthvert mesta nauðsynjamál síldarútvegsins og þar
með alþjóðar, er bygging nýrra síldarverksmiðja. Bæj-
arstjórn Siglufjarðar hefir fengið lán með hagkvæmum
4