Réttur - 01.03.1939, Blaðsíða 36
allir þetta álit mitt og luku upp einum munni um það,
að hann væri bezti drengur.
Ég kem að Iíæringstöðum að aflíðandi hádegi eftir
tveggja tíma göngu og hlýt hinar ágætustu viðtökur.
Ég ætlaði mér að fara aftur ekki síðar en kl. 3, til þess
að ná í áætlunarbíl af Stokkseyri, en kl. var langt geng-
in 5, þegar ég áttaði mig fyrst á því, að tíminn leið
þennan dag, eins og alla aðra. Eftir nokkrar umræður
um hið almenna ástand og þegar við höfðum drukkið
gott jólakaffi í hlýrri og snyrtilegri stofu, þá sný ég
mér beint að efninu. Ég segi honum, að hér sé ég kom-
inn í sálfræðilegum rannsóknarerindum, mér liggi á
hjarta að fá skýringar á því, þegar greindir og athug-
ulir alþýðumenn gangi í flokk Sjálfstæðismanna. Ég
sagði honum þæ skoðun mína, að hann myndi fylgja
þessum flokki að yfirveguðu ráði og séu það nú tilmæli
mín, að hann segi mér hreinskilnislega, hvað því valdi,
að hann skipi sér hér í fylkingar.
Ilann tók þessum tilmælum mínum hið prýðilegasta.
Hann hafði ekkert að dylja. Hann gerði grein fyrir skoð-
unum sínum í stuttu en skýru máli. Ég hafði blað og
ritblý við hendina og skrifaði niður þær setningar hans,
er mér þóttu mestu máli skipta. Þegar hann hafði lokið
máli sínu, lagði ég fyrir hann nokkrar spurningar, og
fór ýtarlega inn á einstök atriði og óskaði nánari skýr-
ingar. Að því loknu spurði ég hann, hvort ég mætti láta
þess getið, að ég hefði talað við hann um þessi mál og
hvort ég mætti hafa eftir honum ákveðin atriði og gaf
hann það fúslega eftir.
Þorgeir á Hæringsstöðum er einn af stærstu bændun-
um í Stokkseyrarhreppi og mun vera annar af tveim-
ur eða einn af þremur, sem siglir með svo háu risi, að
hann hefir kaupamann og kaupakonu allan sláttinn, að
öðru leyti er hann einyrki með konu og f jögur börn, og
eru tveir elztu drengirnir um fermingaraldur. Nú dytti
ef til vill einhverjum í hug, að hann sæi svo mikið
eftir kaupinu handa þessum kaupahjúum, að hann vildi
36