Réttur - 01.08.1988, Qupperneq 7

sleppi út í loftið af óæskilegum efnum, en
auk þess að minnka notkunina. Og það er
bent á að í sumum löndum hafi tekist að
draga úr henni um 2% á ári. Þá er sagt að
hirðulaus rekstur kjarnorkuvera hafi
mjög aukið á tortryggni manna gegn
þeirri orku, en ef hægt væri að bæta úr
þeim ágöllum, gæti kjarorkan orðið til að
minnka mikið hættuna af kolsýrunni.
Hér er alvarlegt mál til umræðu, og
Toronto-fundurinn hvetur til þess að
fræðsla um það verði stóraukin. Sumir
geimfarar hafa haft orð á því, að þá fyrst
hafi þeir fengið tilfinningu fyrir sameigin-
legum hagsmunum allra jarðarbúa, þegar
þeir sáu jörðina svífandi í dýrlegum skýja-
möttli sínum úr fjarlægð. Vonandi fjölgar
þeim sem gera sér þessa ábyrgð mann-
kynsins Ijósa, án þess að þeir þurfi að láta
skjóta sér út í geiminn. En það gerist ekki
af sjálfu sér, og því lengur sem það
dregst, því erfiðara verður að afstýra
þeim stórkostlegu hættum, sem felast í
spillingu andrúmsloftsins.
103