Fréttablaðið - 23.03.2009, Qupperneq 26

23. MARS 2009 MÁNUDAGUR6 ● fréttablaðið ● heilsa og hreyfi ng
Ekki líkar öllum við fótbolta, handbolta eða
skíði. Sumir vilja einfaldlega kafa í drullu, veiða
fisk með höndunum eða keppa í koddaslag.
Skrítnar íþróttir eru algengari en margur myndi
halda. Hér verða taldar upp nokkrar og eru þær
misaðlaðandi.
Mýrarköfun er íþróttagrein sem felst í því að
keppendur synda tvisvar sinnum eftir 55 metra löng-
um skurði á sem stystum tíma. Oft er þessi skurð-
ur heldur óálitlegur, fullur af stöðnuðu og drullugu
vatni. Keppendur eru með öndunarpípur og froska-
lappir. Yfirleitt eru notaðir blautbúningar en það
er þó ekki nauðsynlegt. Keppendur verða að synda
án þess að nota hendur, aðeins fætur. Heimsmeist-
aramótið í mýrarköfun, sem heitir Bog Snorkeling
á ensku, var fyrst haldið árið 1985. Það er nú haldið
árlega í skurði nálægt Llanwrtyd í Wales.
Fílapóló er útfærsla á hinu hefðbundna pólói þar
sem notaðir eru hestar. Fílapóló er spilað í Nepal, á
Srí Lanka, Indlandi og í Taílandi. Notuð eru svip-
uð tól, pólókúla og löng kylfa. Völlurinn er töluvert
styttri en venjulegur pólóvöllur enda fara fílarn-
ir hægar yfir. Tveir keppendur eru á hverjum fíl,
annar stýrir fílnum meðan hinn segir honum hvert
hann eigi að stýra og slær boltann. Þó fílapóló hafi
fyrst verið spilað á Indlandi í upphafi tuttugustu
aldar er uppruna íþróttarinnar að leita í Nepal.
Tiger Tops í Nepal er miðstöð fílapólós og þar fara
heimsmeistaramótin fram. Englendingar eru núver-
andi heimsmeistarar í íþróttinni.
Noodling kallast all sérstæð íþrótt sem felur í
sér að veiða leirgeddu (catfish) með berum höndum.
Íþróttin er upprunnin í suðurhluta Bandaríkjanna.
Mörg önnur heiti eru notuð yfir sömu iðju eða: cat-
fisting, grabbling, graveling, hogging, dogging, gur-
gling, tickling og stumping. Leirgeddur lifa í holum
undir bökkum áa eða vatna. Veiðimaðurinn byrjar
á því að kafa og kanna umhverfið og leita að leir-
gedduholum.
Þá stingur hann hendinni í slíka holu og vonandi
bítur fiskurinn á. Flestir veiðimenn hafa aðstoðar-
mann sem hjálpar þeim að koma fiskinum á land
eða í bát en þegar fiskurinn hefur bitið á er líklegt
að hann sleppi ekki alveg í bráð. Leirgeddur geta
orðið mjög stórar, allt að 50 til 60 pund, og því geta
fæstir veitt einir.
Sláttuvélakappakstur er all sérstakt mótor-
sport. Þar er keppt á mikið breyttum sláttuvélum,
oft sláttuvélatraktorum. Þess má geta að hnífarn-
ir eru fjarlægðir úr slíkum tólum enda mætti ann-
ars kalla þetta drápsvélar. Keppendur eru á öllum
aldri og venjulega ríkir glaðlegur keppnisandi í
stað alvarlegrar keppnishörku. Íþróttin var fundin
upp árið 1973 á Cricketers Arms-barnum í Wisbor-
ough Green í vesturhluta Sussex í Englandi. Ungum
mönnum sem datt það snjallræði í hug að keppa á
sláttuvélum þar sem þeim þótti leitt hversu dýrt var
að taka þátt í öðrum mótorsportgreinum. Fljótlega
urðu Bandaríkjamenn áhugasamir um íþróttina og
blómstrar hún þar í landi í dag.
Koddaslag tengja líklega flestir við börn, rúm,
fiður og læti. Færri vita að keppt er í koddaslag víða
um heim. Þó virðist þessi „íþrótt“ oft tengjast kyn-
órum karla enda til þess vitað að slíkum keppnum
hafi verið slegið upp í tengslum við undirfatasýn-
ingar. - sg
Aðeins öðruvísi íþróttir
Mýrarköfun er heldur ókræsileg íþrótt.
Koddaslag geta allir stundað.
Sláttuvélakappakstur er glettilega skemmtileg íþrótt. NORDICPHOTOS/GETTY
Tvo knapa þarf á hvern fíl í fílapólói.
Leirgeddur fangaðar með berum höndum.