Morgunblaðið - 16.01.2006, Qupperneq 4

4 MÁNUDAGUR 16. JANÚAR 2006 MORGUNBLAÐIÐ
FRÉTTIR
Nú bjóðum við til janúarveislu á Kan-
arí á frábærum kjörum. Við bjóðum
stökktu tilboð á ótrúlegu verði. Einnig
höfum við fengið 15 viðbótaríbúðir á
Jardin Atlantico, einum vinsælasta
gististað okkar á Kanarí, sem við
bjóðum á frábæru sértilboði 24. jan-
úar. Bókaðu strax og tryggðu þér
sæti á stökktu tilboði eða bókaðu
íbúð á Jardin Atlantico á frábæru
tilboðsverði.
Skógarhlíð 18 • sími 595 1000 • www.heimsferdir.is
Kanaríveisla
17. og 24. janúar
frá kr. 29.990
Munið Mastercard
ferðaávísunina
Síðustu sætin
Verð frá kr.29.990
Stökktu
Netverð á mann, m.v. hjón með 2 börn, 2-11
ára, í íbúð í viku, stökktu tilboð 17. og 24. jan-
úar. Innifalið flug, skattar, gisting og íslensk
fararstjórn. Aukavika kr. 10.000 á mann.
Verð frá kr.49.990
Jardin Atlantico
Netverð á mann, m.v. 2-3 í íbúð á Jardin Atl-
antico í viku, 24. janúar. Innifalið flug, skattar,
gisting og íslensk fararstjórn.
Aukavika kr. 10.000 á mann.
Verð frá kr.39.990
Stökktu
Netverð á mann, m.v. 2 í herbergi/íbúð/stúdíó í
viku, stökktu tilboð 17. og 24. janúar. Innifalið
flug, skattar, gisting og íslensk fararstjórn.
Aukavika kr. 10.000 á mann.
- AUKAFLUG
- VIÐBÓTARGISTING
VERIÐ er að taka í notkun rafræn
aðgangskort að skíðasvæðinu í Blá-
fjöllum. Til að byrja með verða hlið
sem lesa á kortin aðeins í þremur
lyftum í Bláfjöllum en stefnt er að
því að við sem flestar lyftur á skíða-
svæðum höfuðborgarsvæðisins verði
á næstu misserum sett upp sams-
konar hlið. Um er að ræða nýtt að-
gangsstýringarkerfi sem þekkist nú
þegar á Dalvík og í Hlíðarfjalli og á
öllum helstu skíðasvæðum úti í
heimi.
„Þetta er algjör bylting í upplýs-
ingaöflun um notkun á skíðasvæð-
inu,“ segir Grétar Hallur Þórisson,
forstöðumaður Skíðasvæða höfuð-
borgarsvæðisins, en er Morgunblað-
ið ræddi við hann seint í gærkvöldi
var hann að ryðja brautir í Bláfjöll-
um í „rífandi snjókomu,“ eins og
hann sjálfur orðaði það.
Dagskortin eru vaxborin og úr
pappír en árskortin úr plasti, svipuð
debetkortum á stærð, með segul-
rönd sem lesið er af við hliðin. Lím-
miðar sem festir eru á úlpur skíða-
iðkenda, heyra því senn sögunni til
en slíkir aðgangspassar verða þó enn
notaðir í Skálafelli í vetur.
„Viðkomandi þarf ekki að taka
kortið úr vasanum, þegar komið er
að hliðinu opnast það,“ útskýrir
Grétar.
„Framtíðin er að nota þetta í
hverri lyftu en í vetur verða þær
þrjár. Við erum með fimm sölustöðv-
ar dreifðar um fjallið þar sem nýju
kortin verða seld í allar lyftur þó að
hliðin séu aðeins við þrjár.“
Grétar segir að með þessu nýja
kerfi verði einfaldara að fylgjast með
umferð um skíðasvæðin. „Við söfn-
um þá upplýsingum um notkun
hverrar lyftu og til dæmis verður
hægt að sjá hversu oft árskortahafar
nota kortin sín og í hvaða lyftur. En
fyrst og fremst er þetta bylting hvað
varðar uppgjör.“
Dagskortin hækkuðu
Um áramót hækkaði verð á kort-
um á skíðasvæðin. Dagskort barna
hækkuðu úr 500 kr. í 600 kr. og dag-
skort fullorðinna virka daga hækk-
uðu úr 1.300 í 1.500 kr. og um helgar
úr 1.500 í 1.700 kr.
„Þegar við verðum búin að inn-
leiða allt kerfið verður mjög auðvelt
að breyta verðlagningu og setja í
gang tilboð eftir aðstæðum í fjallinu
hverju sinni,“ segir Grétar. „Þetta er
nokkuð sem við gátum ekki áður.
Þetta kerfi opnar því ýmsa mögu-
leika.“
Allar lyftur í Bláfjöllum fengu ný
og spennandi nöfn á síðasta ári að
undangenginni nafnasamkeppni. Of-
an á varð að nefna lyftur eftir ýms-
um þekktum persónum bókmennt-
anna. Nöfn eins og Jón Oddur og Jón
Bjarni og Amma dreki ættu t.d. ekki
að fæla neinn frá lyftunum en að auki
voru lyftur nefndar eftir Lilla klif-
urmús, Mikka ref, Patta broddgelti
og Ömmu mús. Þá heita lyfturnar í
Eldborgargili eftir þeim félögum
Tinna, Kolbeini kafteini og Tobba.
Rafræn aðgangskort
tekin upp í Bláfjöllum
Morgunblaðið/Brynjar Gauti
Sigurjón Pétur Guðmundsson, útiverkstjóri í Bláfjöllum, undirbýr stóru
stólalyftuna, Kónginn, fyrir átök dagsins. Við lyftuna hefur verið komið
upp aðgangshliðum vegna nýs rafræns kerfis.
Bylting í
upplýsingaöflun
VINNUEFTIRLITIÐ gerir alvar-
legar athugasemdir við viðhald og
áhættumat hjá Áburðarverksmiðj-
unni í Gufunesi í nýútkominni
skýrslu um sprengingu sem varð í
verksmiðjunni í október 2001. Stofn-
unin telur alvarlegt að ekki skuli
hafa verið gert ráð fyrir vetnisleka í
kælikerfi í ammoníaksverksmiðjunni
í áhættumati í verksmiðjunni þrátt
fyrir að slík áhætta væri fyrirsjáan-
leg.
Enginn slasaðist í sprengingunni,
sem var kröftug, en fimm menn voru
á vinnusvæðinu þegar hún varð. Við
sprenginguna hrundi gólf milli hæða
og veggjabrot köstuðust tugi metra
frá byggingunni.
Tæring í röri orsakaði
sprenginguna
Í skýrslunni kemur fram að
ástæða sprengingarinnar var tæring
milli þrýstiröra, sem innihéldu
blöndu af vetni og köfnunarefni.
Fram kemur að aðstæður hefðu ver-
ið þannig að búast hefði mátt við
tæringu á þessum stað. Í skýrslunni
er haft eftir viðhaldsstjóra að slaufur
kælisins hafi verið endurnýjaðar
1993–1996, en gögn um þessa end-
urnýjun fundust ekki. Ekki var til
áætlun um fyrirbyggjandi viðhald á
kælum í ammoníaksverksmiðjunni.
Fram kemur í skýrslunni að
starfsmenn Áburðarverksmiðjunnar
hafi áður orðið varir við minniháttar
sprengingar („púffar“) í holræsa-
kerfi ammoníaksverksmiðjunnar.
Stjórnendur hafi ekki brugðist við
þessum atvikum með fyrirbyggjandi
aðgerðum eða tæknilegum breyting-
um á kælikerfinu.
Í skýrslunni segir að gasið sem lak
út hafi átt greiða leið inn í rýmið þar
sem sprengingin varð vegna opins
rörs sem tengdist holræsakerfinu.
Rýmið hafi ekki verið loftræst með
tilliti til gassöfnunar og í því hafi ver-
ið rafbúnaður sem ekki var gasþétt-
ur.
„Viðhald búnaðar var ófullnægj-
andi m.a. var ekki til viðhaldsáætlun
fyrir kælikerfi verksmiðjunnar,
þrátt fyrir að þekkt sé að tæring-
arhætta getur verið mikil við þær að-
stæður sem þarna voru.
Stýrikerfi verksmiðjunnar gaf
ekki viðvörun þótt þrýstingur væri
óeðlilega lágur niðurblástur, en lág-
ur þrýstingur í lengri tíma gat verið
vísbending um leka.
Tilvist opna rörsins í viðbygging-
unni verður að teljast alvarlegur
ágalli með tilliti til öryggis.
Það að sú hætta sem hér um ræðir
skyldi ekki tekin til greiningar við
gerð hættumats verður að teljast al-
varlegur ágalli á matinu þar sem
áhættan var fyrirsjáanleg og eins
vegna þess að kunnugt var um að
slíkir lekar höfðu átt sér stað í verk-
smiðjunni áður,“ segir í lokaskýrslu
Vinnueftirlitsins.
Engin framleiðsla á áburði, vetni
eða ammoníaki er lengur í Áburð-
arverksmiðjunni.
Öryggismál í Áburðarverksmiðjunni voru ekki í lagi að
mati Vinnueftirlitsins þegar sprenging varð haustið 2001
Viðhald búnaðar
var ófullnægjandi
Eftir Egil Ólafsson
egol@mbl.is
 Meira á mbl.is/itarefni
Morgunblaðið/Júlíus
Sprengingin var mjög öflug.
ÞORGERÐUR K. Gunnarsdóttir
menntamálaráðherra hefur ákveðið
að setja saman starfshóp til að meta
hugmyndir um aukið vægi skáklist-
arinnar, m.a. í skólakerfinu.
Guðfríður Lilja Grétarsdóttir, for-
seti Skáksambands Íslands, fagnar
þessu.
Hún segir að skákkennsla í skólum
geti verið jákvæð fyrir skólastarfið.
„Það hefur margsýnt sig, víða erlend-
is, að námsgeta barna rýkur upp á öll-
um sviðum, hvort sem er í stærðfræði,
í raungreinum eða í öðrum, þegar
skák er hluti af námsefni skólanna.“
Steingrímur Sigurgeirsson, aðstoð-
armaður ráðherra, staðfestir að setja
eigi saman starfshóp til að fara yfir
þessar hugmyndir, en tekur þó fram
að málið sé á frumstigi.
Skákinni gefið
aukið vægi í skólum
Morgunblaðið/Árni Sæberg
Þorgerður Katrín Gunnarsdóttir menntamálaráðherra kynnti skipan
starfshópsins á skákhátíð Hróksins í Hafnarfirði um helgina.
FIMM karlmenn þurftu að leita sér
læknisaðstoðar vegna áverka sem
þeir hlutu í áflogum í Keflavík í fyrri-
nótt. Enginn var þó alvarlega slas-
aður en þó höfðu nefbrot og minni
áverkar hlotist af handalögmálun-
um.
Lögreglan í Keflavík hafði afskipti
af tveimur af fimm tilvikum þar sem
slegist var en þau voru öll við veit-
ingastaði í bænum. Læknar á slysa-
deild greindu lögreglu frá öðrum
slagsmálatilvikum sem komið höfðu
inn á borð slysadeildar.
Slösuðust í fjöldaslags-
málum í Keflavík