Morgunblaðið - 27.01.2006, Blaðsíða 52

52 FÖSTUDAGUR 27. JANÚAR 2006 MORGUNBLAÐIÐ
TÓNLIST
Íslenskar plötur
Jón Sigurðsson – Til þín

Til þín er annað sólóverk Jóns Sigurðs-
sonar. Jón syngur en trymbill er Gunn-
laugur Briem, bassaleikari Róbert Þór-
hallsson, gítarleikari Guðmundur
Pétursson, hljómborðsleikari Pétur
Hjaltested, klarinettuleikari Sigurður
Flosason og um bakraddir sér Friðrik Óm-
ar Hjörleifsson. Lög eru flest eftir inn-
lenda höfunda. Jón semur sjálfur tvö lög
auk þess að eiga eina textaþýðingu en
svo eru tvö erlend lög með íslenskum
textum. Pétur Hjaltested sá um útsetn-
ingar, upptökustjórn, hljóðritun og
-blöndun. Sena gefur út.
EITT af einkennum síðasta tónlist-
arárs var mikið tökulagaplötuflóð –
tökulagasukk eins og einhver orð-
aði það. Ef fólk úr
Stjörnuleitinni var
ekki að gefa út
slíkar plötur tóku
hljómsveitir sig til
(Á móti sól) eða
þá söngvarar
(Helgi Björnsson,
Bergsveinn
Arilíusson, Bjarni
Arason t.d.). Ár-
angurinn af þessu var upp og ofan
eins og gengur, enda vel hægt að
gera slík verk vel úr garði og
stundum tókst mönnum að blása
nýju lífi í gamla slagara.
Plötur þær sem runnu undan
Stjörnuleitinni eru þó í sérflokki,
allar svo gott sem skelfilegar (und-
antekningin er Hildur Vala).
Og eins er með þá sem hér er til
umfjöllunar, önnur plata „Fimm-
hundruðkallsins“ Jóns Sigurðs-
sonar. Platan rennur átakalaust í
gegn og skilur nákvæmlega ekki
neitt eftir sig. Sem kallar á spurn-
inguna: Hver er tilgangurinn með
þessum „Idol“-plötum?
Þessi keppni hefur sannað sig
sem vinsælt sjónvarpsefni og aðdá-
endur „sinna“ manna kaupa þessar
plötur líkast til í unnvörpum. En
þegar innihaldið er sem raun ber
vitni er jafngott að hengja plöt-
urnar innsiglaðar upp á vegg. Það
er eitt að geta haldið lagi sæmilega
en Stjörnuleitin virðist hafa komið
því til leiðar að sigurvegarar
keppninnar eru farnir að trúa því
sjálfir að þeir séu „söngvarar“ en
standa svo líkt og klæðlausi keis-
arinn á plötunum. Útkoman þar er
auðvitað líka undir upptökustjór-
unum og markaðsfræðingunum
sem virðast ekki vita hvernig moða
á úr efniviðnum.
Jón Sigurðsson er sú „Idol“-
stjarna sem náð hefur hvað mest-
um árangri. Hann hefur nú gefið
út tvær plötur og náði á sínum
tíma að hasla sér völl hjá mjög svo
ákveðnum markhópi. Heyrt hef ég
t.d. um fólk sem hefur verið að
leita að hugljúfu, erlendu lagi fyrir
brúðkaup – og það í flutningi Jóns.
Fyrri plata Jóns, Our Love, inni-
hélt mestmegnis erlend lög en hér
er leitað á íslensk mið. Jón hefur
sjarma, er svona þekkilegur og
góður strákur, en söngröddin afar
veik og hlutlaus. Allur flutningur
er það tilþrifalítill að maður tekur
vart eftir lögunum, líkt og er með
opnunarlagið, „Eitthvað undarlegt“
(sem Ríó tríó gerði frægt). Stund-
um heyrist að Jón þekkir lögin
ekki vel og er því stirður í söngn-
um („Ég leitaði blárra blóma“). Og
sum lögin, eins og „Við eigum sam-
leið“ og „Tár í tómið“ eru hrein-
lega illa sungin. Jón semur þá tvö
lög sjálfur sem eru afskaplega
þunn. Best tekst honum upp í
„Leyndarmál“. Undirspil er að
sjálfsögðu fagmannlegt en að
sönnu litlaust.
Það er líklega sársaukalaust að
heyra Jón strömma þessi lög á ein-
hverjum uppákomum en á plötu er
þetta engan veginn að ganga.
Þessa einu stjörnu fær Jón fyrir að
halda sér gangandi í viðsjárverðum
poppheimi og að hafa skapað sér
nafn. Ég tek ofan fyrir því. En
platan sjálf er tilgangslaus með
öllu.
Arnar Eggert Thoroddsen
Hver er til-
gangurinn?
NÚ HAFA fyrstu nöfnin á komandi Hróars-
kelduhátíð loksins verið tilkynnt en Franz Ferdin-
and, Tool og Kanye West hafa boðað komu sína.
Skoska sveitin Franz Ferdinand þarfnast lít-
illar kynningar við en hún hélt tónleika hér á landi
sl. haust. Hljómsveitin á tvær plötur að baki; sú
fyrri er samnefnd sveitinni en hin síðari nefnist
You Could Have It So Much Better.
Tool er sömuleiðis fjölmörgum tónlistar-
áhugamönnum kunn en hún kemur frá Bandaríkj-
unum og spilaði síðast á Hróarskelduhátíðinni ár-
ið 2001. Sama ár kom einmitt síðasta plata
sveitarinnar út, Lateralus. Tool er með plötu í
smíðum en hún spilar einhvers konar „art-rokk“
sem seilist til metals.
Bandaríski hipphopparinn Kanye West hefur
sent frá sér tvær plötur sem hlotið hafa afbragðs-
dóma, The College Dropout og Late Registration.
Hann hefur einnig getið sér gott orð fyrir sam-
starf við tónlistarmenn á borð við Aliciu Keys,
Jay-Z og Ludacris. Þetta kemur fram í tilkynn-
ingu frá opinberum tengiliði hátíðarinnar hér-
lendis. Þar segir að á næstunni muni aðstand-
endur Hróarskelduhátíðarinnar halda áfram að
kynna sveitir og tónlistarmenn sem fram koma á
þessari vinsælu tónlistarhátíð næsta sumar.
Tónlist | Hróarskelda 2006
Franz Ferdinand, Tool
og Kanye West
Hátíðin fer fram 29. júní til 2. júlí.
roskilde-festival.is roskilde-festival.dk Alex, Bob, Paul og Nick verða á Hróars-
kelduhátíðinni næsta sumar.