Morgunblaðið - 06.02.2006, Qupperneq 13

MORGUNBLAÐIÐ MÁNUDAGUR 6. FEBRÚAR 2006 13
MINNSTAÐUR
Stykkishólmur | „Ég er ánægður
með að fá tækifæri til að fylgjast með
starfi sóknanna í prófastsdæminu,“
segir Gunnar Eiríkur Hauksson,
prestur í Stykkishólmi, sem nýverið
var formlega settur inn í embætti pró-
fasts í Snæfellsness- og Dalaprófasts-
dæmi við messu í Stykkishólmskirkju.
„Ég var settur prófastur 1. apríl sl.,
þegar Ingiberg J. Hannesson á Hvoli
hætti vegna aldurs og var skipaður í
starfið frá og með 1. janúar. Í pró-
fastsdæmi mínu eru sex prestaköll og
rúmlega 20 sóknir,“ segir Gunnar Ei-
ríkur og bætir við: „Ég hef þegar vísi-
terað átta sóknir frá því í vor og með
þeim kynnum hefur mér orðið ljóst
hvað það eru mikil forréttindi að
kynnast starfinu sem fer fram í sókn-
unum. Það kemur mér á óvart hversu
fjölbreytt starfið er, þótt það fari ekki
hátt.“
Hann segir að hlutverk hans sem
prófasts sé að hafa yfirumsjón með
kirkjulegu starfi í prófastsdæminu og
vera hægri hönd biskups í héraðinu.
Gunnar Eiríkur Hauksson vígðist
til prests árið 1986 og hefur verið
prestur í Stykkishólmi í 14 ár, næstum
upp á dag, því hann tók við starfinu 1.
febrúar 1992.
Það var Herra Karl Sigurbjörnsson
biskup sem setti Gunnar inn í emb-
ættið og við messuna spilaði nýráðinn
organisti við Stykkishólmskirkju,
Tómas Guðni Eggertsson.
Morgunblaðið/Gunnlaugur Árnason.
Athöfn Margir prestar voru við innsetningu prófasts í Snæfellsness- og
Dalaprófastsdæmi í Stykkishólmskirkju. Á myndinni eru Óskar Ingi Inga-
son í Búðardal, Ragnheiður Karitas Pétursdóttir á Hellissandi, Gunnar Ei-
ríkur Hauksson prófastur, Karl Sigurbjörnsson, biskup Íslands, Magnús
Magnússon í Ólafsvík og Elínborg Sturludóttir í Grundarfirði.
Fjölbreytt starf
þótt það fari ekki hátt
Eftir Gunnlaug Árnason
VESTURLAND
Borgarbyggð | TUTTUGU og átta
unglingar úr 9. og 10. bekk í
Grunnskólanum í Borgarnesi og á
Varmalandi tóku
þátt í frum-
kvöðlanámskeiði
nú í janúarlok.
Leiðbeinandi á
námskeiðinu var
Ágúst Pétursson,
stjórnarformað-
ur Frumkvöðla-
fræðslunnar, en
verkefnisstjóri
var Inga Dóra
Halldórsdóttir,
fulltrúi frá Samtökum sveitarfé-
laga á Vesturlandi. Námskeiðið er
liður í Evrópuverkefninu ,,Ungir
frumkvöðlar“ (Young Enterpre-
neur Factory) og stutt af Norð-
urslóðaáætlun Evrópusambandsins
og Byggðastofnunar.
Impra nýsköpunarmiðstöð og
Samtök sveitarfélaga á Vest-
urlandi stóðu fyrir námskeiðinu og
var þetta í þriðja sinn sem slíkt er
haldið á Vesturlandi. Frumkvöðla-
námskeiðið var þátttakendum að
kostnaðarlausu, en markmiðið er
að þroska og efla frumkvöðlakraft
ungs fólks í hinum dreifðu byggð-
um norðursins. Auk Íslands taka
þátt í verkefninu Noregur, Skot-
land, Svíþjóð, Grænland og Rúss-
land.
Tækifærin felast í umhverfinu
Frumkvöðlanámskeiðið sem var
haldið frá miðjum föstudegi og
fram á sunnudag að Varmalandi
heppnaðist vel að sögn Ingu Dóru.
,,Það skapaðist strax skemmtileg
stemning og var gaman að sjá hvað
krakkarnir voru námsfúsir. Byrjað
var á að kynna fyrir krökkunum
hvað frumkvöðlar væru og síðan
var þeim skipt í 9 hópa og fengu
um klukkustund fyrir hugflæði.
Þeir áttu að finna þrjár til fimm
hugmyndir sem hugsanlega gætu
nýst sem viðskiptahugmyndir.
Hugmyndirnar voru lagðar í dóm
fyrir hópana og svo valin ein hug-
mynd fyrir hvern hóp til að útfæra
nánar.
Hugmyndirnar, sem margar
hverjar voru nýstárlegar, voru
unnar frá grunni og fengu nem-
endur innsýn í hvernig á að stofna
og reka eigið fyrirtæki. Þeir lærðu
m.a. um grunnatriði bókhalds, að
skrifa einfalda markaðsáætlun,
sölutækni og ýmsar aðferðir til
þess að útbúa kynningarefni.
„Krakkarnir unnu vefsíður,
kynningarbæklinga og power point
kynningu,“ segir Inga Dóra ,,og
þeir voru svo áhugasamir og dug-
legir að erfitt var að fá þá til að
slökkva á tölvunni og hætta að-
faranótt sunnudagsins. Enda voru
margir orðnir ansi þreyttir þegar
yfir lauk.“
Stór hluti námskeiðsins fólst líka
í því að æfa krakkana í að tala fyr-
ir framan hóp fólks og á sunnudeg-
inum kynntu hóparnir verkefnin
sín frammi fyrir foreldrum sínum
og dómnefnd sem valdi bestu við-
skiptaáætlanirnar. ,,Mikilvægt var
að krakkarnir lærðu að koma auga
á tækifærin í umhverfinu og það
tókst,“ segir Inga Dóra.
Þrjár bestu hugmyndirnar fengu
peningaverðlaun, tíu þúsund fyrir
þriðja sætið, tuttugu fyrir annað
og þrjátíu þúsund fyrir fyrsta sæt-
ið. Sú viðskiptahugmynd sem varð
hlutskörpust er ,,Hvuttakot“ en
hugmyndin gengur út á gæslu fyrir
hunda og gæludýr þegar eigendur
þeirra þurfa að fara að heiman.
Stutt markaðskönnun sem krakk-
arnir gerðu leiddi í ljós að þörfin
fyrir gæslu af þessu tagi er mikil í
Borgarnesi.
Lærði mikið á námskeiðinu
Eggert Örn Sigurðsson, nemandi
í 9. bekk Grunnskóla Borgarness,
var einn þátttakenda á frum-
kvöðlanámskeiðinu og var jafn-
framt einn af fjórum í hópnum sem
sigraði. Hann segist hafa farið á
námskeiðið vegna þess að vinur
hans fór, en var búinn að fá upplýs-
ingar í skólanum og skráði sig þar.
,,Mig hefði ekki langað að fara
einn, en við vorum fjögur úr
bekknum mínum sem fórum.“ Egg-
ert segir að helgin hafi ekki verið
of langur tími því flestir hefðu ver-
ið að ljúka við verkefnið á laug-
ardagskvöldinu. ,,Við strákarnir
sváfum allir saman í herbergi, en
það var reyndar ekki mikið sofið.“
Eggert segist hafa lært mikið á
námskeiðinu. ,,Ég kunni ekki áður
að reikna út stofnkostnað eða
rekstrarkostnað, og svo fékk ég
líka bók í verðlaun um frumkvöðla-
fræðslu sem ég er aðeins búinn að
kíkja í.“
Eggert er samt ekki viss um
hvort hann muni einhvern tímann
stofna fyrirtæki ,,en ef ég geri það
nýtist þessi reynsla mér“. Hann
segir að eftirminnilegast hafi verið
að kynna verkefnið ,,já, að standa
fyrir framan fullt af fólki og kynna
verkefnið okkar, en ég var samt
ekkert rosalega stressaður. Það
var líka mjög gaman að verkefnið
okkar skyldi vinna.“ Eggert segir
að ekki sé búið að innleysa ávís-
unina enn þá, en í hvers hlut kom
7.500 kr. sem hann ætlar að leggja
inn í Sparisjóðinn, því hann vantar
ekkert að sögn. Eggerti finnst ekki
óeðlilegt að frumkvöðlakennsla
fari inn í grunnskólana, ,,en það er
ekki á námskrá og því ekki kennt“.
Hann segist alveg geta hugsað sér
að læra meira um frumkvöðla ef
það yrði í boði og getur hiklaust
mælt með námskeiðinu fyrir aðra
krakka. ,,Það er bara svo gaman
að hitta aðra krakka, skiptast á
skoðunum og læra að búa til fyr-
irtæki.“
Ljósmynd/Guðrún Vala Elísdóttir
Hópmynd af öllum þátttakendum í frumkvöðlafræðslunni.
Ungir frumkvöðlar í Borgarfirði
Eftir Guðrúnu Völu Elísdóttur
Inga Dóra
Halldórsdóttir
Akranes | Bæjarráð Akraness hef-
ur ákveðið að hækka laun lægst
launuðu starfsmanna sinna. Með
þessu er bæjarfélagið að nýta að
fullu þá heimild launanefndar sveit-
arfélaganna til að hækka laun
þeirra lægst launuðu. Er þetta gert
eftir viðræður við Verkalýðsfélag
Akraness og Starfsmannafélag
Akraneskaupstaðar en Verkalýðs-
félagið krafðist þess að kaupstað-
urinn samræmdi launakjör starfs-
manna sinna við kjarasamning sem
Efling gerði við Reykjavíkurborg.
Verkalýðsfélagið fagnar þessari
ákvörðun á vefsíðu sinni og telur að
laun muni hækka um 12%. Jafn-
framt kemur fram á vefsíðunni að
nú þurfi að beita fulltrúum atvinnu-
lífsins og ríkisins þrýstingi til að
hækka þá lægst launuðu á hinum al-
menna vinnumarkaði og hjá ríkinu.
Laun hækka
á Akranesi
AUSTURLAND
Höfn | Alcoa Fjarðaál hefur valið
fyrirtækið Galdur ehf. á Hornafirði
til að annast vinnslu á kennsluefni
fyrir álverið á Reyðarfirði. Mun
þetta vera stærsta einstaka verk-
efnið sem rekur á fjörur Hornfirð-
inga í tengslum við fyrirhugað ál-
ver.
Að sögn Heiðars Sigurðssonar
og Sigurðar Mars Halldórssonar
hjá Galdri felst verkefnið í að und-
irbúa allt kennsluefni til birtingar á
vef og einnig til að nota í skólastof-
um. Alcoa Fjarðaál leggur mikla
áherslu á fræðslu starfsfólksins og
allir þurfa að ganga í gegnum
ákveðinn fjölda námskeiða og
standast próf í þeim. Þessi nám-
skeið munu verða aðgengileg á net-
inu og þar verða einnig endur-
menntunarnámskeið sem starfs-
fólkið fer á eftir ákveðnu mynstri.
Um er að ræða talsverðan fjölda
námskeiða sem þarf að framleiða
og einnig þarf að uppfæra nám-
skeið með reglulegu millibili. Hér
er því um nokkuð umfangsmikið
verkefni að ræða sem mun standa
yfir a.m.k. til ársloka 2007, sam-
kvæmt samstarfsyfirlýsingu sem
Alcoa Fjarðaál og Galdur hafa und-
irritað.
Lærdómsferli fyrir báða
Steinþór Þórðarson, fræðslu-
stjóri Alcoa Fjarðaáls, segir að það
sé afar erfitt að finna heppilega
samstarfsaðila á þessu sviði. Hjá
Galdri fari saman þekking og
reynsla af útgáfu, bæði á vef og
prenti, og auk þess reynsla af
kennslu og skólastarfi. Þetta sam-
anlagt geri Galdur ehf. að afar
ákjósanlegum samstarfsaðila.
Steinþór segir einnig að samstarfið
sé lærdómsferli fyrir báða aðila.
Alcoa Fjarðaál þurfi að framleiða
verulegt magn af kennslugögnum
og þeirri smíði muni aldrei ljúka
þar sem símenntun starfsfólks sé
og verði hluti af daglegu starfi í
fyrirtækinu. „Þetta er nýtt fyrir
okkur öllum og því er afar mik-
ilvægt að starfa með fólki sem hef-
ur góðan grunn og áhuga og vilja
til að byggja ofan á hann. Svo er
sérstakt ánægjuefni að fá Horn-
firðinga með sem beina þátttak-
endur í Fjarðaálsverkefninu.“ Fyr-
irtækið Galdur ehf. var stofnað 1.
janúar árið 2002. Sigurður Mar
Halldórsson og Heiðar Sigurðsson
eru eigendur fyrirtækisins ásamt
eiginkonum sínum, Þórhildi Krist-
jánsdóttur og Rögnu Einarsdóttur.
Frá upphafi hefur Galdur ehf.
starfað við vefhönnun og vef-
smíðar, grafíska hönnun og umbrot
auk fréttaskrifa og ljósmyndunar. Í
dag gefur Galdur ehf. einnig út
héraðsfréttablaðið Eystrahorn og
rekur frétta- og upplýsingavefinn
horn.is. Þá rekur fyrirtækið ljós-
myndastofu, en Sigurður Mar lærði
ljósmyndun í Gautaborg á árunum
1988–1990. Hann er jafnframt
fréttaritari Morgunblaðsins á Höfn.
Ljósmynd/Galdur
Stórverkefni fyrir Fjarðaál Starfsmenn Galdurs f.v. Sigurður Mar Hall-
dórsson, Heiðar Sigurðsson og Svala Bryndís Hjaltadóttir.
Galdur vinnur fyrir
álver á Reyðarfirði