Morgunblaðið - 06.02.2006, Blaðsíða 34

34 MÁNUDAGUR 6. FEBRÚAR 2006 MORGUNBLAÐIÐ
Sími - 564 0000Sími - 462 3500
VELJIÐ HÉR AÐ NEÐAN KVIKMYNDAHÚS OG SÝNINGARTÍMA SEM****
WALK THE LINE kl. 5.30. 8 og 10.30 B.i. 12 ára
FUN WITH DICK AND JANE kl. 8 og 10
MEMOIRS OF A GEISHA kl. 5.20
WALK THE LINE kl. 5, 8 og 11 B.I. 12 ÁRA
WALK THE LINE LÚXUS kl. 5, 8 og 11 B.I. 12 ÁRA
FUN WITH DICK AND JANE kl. 3.45, 5.50, 8 og 10.10
THE FOG kl. 8 B.I. 16 ÁRA
BROKEBACK MOUNTAIN kl. 5, 8 og 10.45 B.I. 12 ÁRA
CHEAPER BY THE DOZEN 2 kl. 4 og 6
HOSTEL kl. 10.10 B.I. 16 ÁRA
Epískt meistarverk frá Ang Lee
„... ástarsaga eins og þær gerast bestar -
hreinskilin, margbrotin og tilfinningarík...“
eeeee
L.I.B. - Topp5.is
4
Golden Globe verðlaun
Tilnefningar Til ÓskarsverÐlauna
M.a. besta myndin, bestu leikarar, besta
handritið og besti leikstjórinn.8walk the line
„Enginn ætti að láta Walk the Line
framhjá sér fara því myndin er auðgandi
fyrir augun, eyrun og hjartað.“
V.J.V Topp5.is
STórkoSTLEg VErðLaunamynd um æVi Johnny CaSh.
naTionaL Board oF rEViEW
BESTa mynd árSinS, BESTi
LEikari og LEikkona árSinS
F
U
N
Vinsælasta myndin
á Íslandi í dag!
N ý t t í b í ó
nEW york FiLm CriTiCS´ CirCLE
BoSTon SoCiETy oF FiLm CriTiCS
SCrEEn aCTorS guiLd (Sag)
KVIKMYND Dags Kára Péturs-
sonar, Voksne mennesker, hlaut að-
alverðlaunin á Kvikmyndahátíðinni
í Gautaborg sem veitt voru í loka-
hófi í Heimsmenningarsafninu,
Världskulturmuseet, í Gautaborg á
laugardagskvöld. Dagur Kári tók
við verðlaunagripnum Drekanum,
og 150 þúsund sænskum krónum úr
hendi Jannike Åhlund, listræns
stjórnanda hátíðarinnar, en hann
var nýkominn frá Kaupmannahöfn
þar sem hann tók við verðlaunum
kenndum við Carl Th. Dreyer á
föstudag.
Jannike Åhlund sagði á íslensku
við þetta tækifæri að ánægja væri
að kynna aftur til sögunnar þann
sem sópaði að sér verðlaunum á há-
tíðinni árið 2003, en þá vann kvik-
mynd Dags, Nói albínói, til þrennra
verðlauna, m.a. þeirra sem Sænska
kirkjan veitir, auk aðalverðlaun-
anna. Dagur sagðist afar þakklátur
fyrir verðlaunin og þakkaði einnig
dómnefnd og áhorfendum.
Í Göteborgs Posten í gær birtist
stór mynd af Degi með verðlauna-
gripinn og þar er líka haft eftir
kímnum leikstjóranum að hann hafi
áhyggjur af því að kirkjan verð-
launi hann ekki í þetta skiptið. Í
Svenska Dagbladet segir að dóm-
nefndin hafi ekki getað komist að
betri niðurstöðu, mynd Dags Kára
hafi skorið sig mest úr myndunum
átta sem kepptu um verðlaunin.
Rökstuðningur dómnefndar sem
skipuð var fimm konum frá Norð-
urlöndunum, þ. á m. kvikmynda-
gerðarkonunni Helgu Brekkan,
fulltrúa Íslands, hljóðaði eitthvað á
þá leið að verðlaunin hlyti mynd
þar sem innsæi og húmor setji sam-
an brot úr rótlausu samfélagi í list-
ræna ögrandi heild þar sem mið-
punkturinn er ungur, ábyrgðarlaus
uppreisnarmaður.
Fyrsta og annað skiptið
Sænskar stuttmyndir voru sýnd-
ar á undan öllum keppnismyndun-
um og kepptu þær bæði um áhorf-
endaverðlaun og aðalverðlaun fyrir
stuttmynd. Teiknimynd eftir Jonas
Odell, Aldrig som första gången,
Aldrei eins og í fyrsta skiptið, hlaut
hvor tveggja verðlaunin, en þessari
mynd hefur verið hrósað í hástert
og mikils er vænst af leikstjóranum
í framtíðinni. Í myndinni er fyrstu
kynlífsreynslu fjögurra ein-
staklinga lýst á áhrifamikinn hátt.
Myndin var sýnd á undan opn-
unarmyndinni á hátíðinni, Bjólfs-
kviðu, og hlaut þá mikið lófatak.
„Aldrei eins og í annað skiptið,“
sagði Dagur Kári þegar hann tók
við verðlaununum. „Þetta er
skemmtilegt, ánægjulegt og mikill
heiður,“ segir hann í samtali við
Morgunblaðið. Dagur segir verð-
laun sem þessi m.a. hafa þá þýðingu
að vekja athygli á myndinni í Sví-
þjóð. „Svona verðlaun eru einfald-
lega viðurkenning á að það sem
maður er að gera hugnist ein-
hverjum. Það er gaman að sama há-
tíðin skuli verðlauna mann tvisvar.“
Að mati Jannike Åhlund er Dagur
Kári afar góður leikstjóri. „Hann
gerir persónulegar myndir sem
bæði gagnrýnendum og áhorf-
endum líkar vel,“ segir hún í sam-
tali við Morgunblaðið.
Kvikmynd Baltasars Kormáks, A
Little Trip to Heaven, hlaut verð-
laun Alþjóðasamtaka gagnrýnenda,
Fipresci. Laufey Guðjónsdóttir, for-
stöðumaður Kvikmyndastofnunar
Íslands, tók við verðlaununum fyrir
hans hönd, en Baltasar gat ekki
verið viðstaddur hátíðina eins og
fyrirhugað var, vegna anna á Ís-
landi.
Í samtali við Morgunblaðið segir
Laufey að verðlaun Íslendinganna
hafi þá þýðingu að kynna íslenskar
myndir enn betur á alþjóðavett-
vangi. „Þetta er veigamesta nor-
ræna hátíðin og mjög virt, hún er
langþekktust og stærst og hér er
fagmennska í fyrirrúmi.“ Íslenskar
myndir voru kynntar á hátíð innan
hátíðarinnar, Nordic Event, þ.á m.
tvær myndir sem eru í vinnslu á
vegum Vesturports, Börn og For-
eldrar, en sú fyrri verður frumsýnd
á Íslandi í mars. Laufey segir að
mikill áhugi hafi verið á þessum
myndum meðal þátttakenda í Nor-
dic Event og þátttaka Íslands hafi
tvímælalaust mikið að segja. „Hing-
að er boðið lykilfólki úr hópi kaup-
enda og dreifingaraðila og stjórn-
endum kvikmyndahátíða.
Kvikmyndahátíðir eru öflugur
kynningarmiðill og val inn á þær er
stíft ferli.“
Íslenskar myndir
ekki á íslensku
Kvikmyndahátíðinni lýkur form-
lega á mánudag en hún hefur staðið
frá 27. janúar. Átta norrænar
myndir kepptu um aðalverðlaunin,
þar af voru þrjár íslenskar. Auk
þeirra tveggja sem hlutu verðlaun,
var það Bjólfskviða í leikstjórn
Sturlu Gunnarssonar sem var fram-
lag Íslands. Engin af íslensku
myndunum þremur eru á íslensku,
heldur ensku eða dönsku. Því vakn-
ar sú spurning, hvort þetta sé
ákveðin þróun í íslenskri kvik-
myndagerð, þ.e. að íslenskir leik-
stjórar fari utan í leit að leikurum
og fjármagni og íslenskar myndir
verði ekkert endilega á íslensku í
framtíðinni?
Laufey telur að um tilviljun sé að
ræða í þetta skiptið. „Þetta er nátt-
úrlega alþjóðleg listgrein og ís-
lenskir kvikmyndagerðarmenn eru
komnir langt á alþjóðavettvangi.
Það má nefna að myndirnar sem
hér voru kynntar sem myndir í
vinnslu eru svo sannarlega á ís-
lensku og umfjöllunarefnið mjög ís-
lenskt. Ég held að þetta sé meira til-
viljun en einhver tilhneiging.“
Dagur Kári tekur í sama streng.
„Ég held að þetta sé sambland af til-
viljunum og ákveðinni tilhneigingu
sem flest Norðurlöndin hafa farið í
gegnum. Þetta mun ganga yfir og
jafnast út.“ Aðspurður segist hann
innilega vona að það komi fljótt að
því að hann geri mynd á íslensku.
Næsta mynd hans, The Good Heart,
verður á ensku, en tekin upp á Ís-
landi.
Jannike Åhlund segist telja að
þessi þróun sé tímanna tákn. „Ég
held að það gerist í auknum mæli að
fólk leiti út fyrir eigið málsvæði. En
þetta getur verið erfitt og ekki
tekst alltaf vel til. Að mínu mati er
grundvallaratriði að þekkja við-
komandi tungumál jafnvel þótt
myndmálið sé aðalatriði í kvik-
myndagerð.“
Íslenskar tengingar hér og þar
Auk þriggja íslenskra mynda í
aðalkeppninni hafa tvær til við-
bótar einhverja tengingu við Ísland.
Þ.e. Drømmen sem einmitt hlaut
verðlaun Sænsku kirkjunnar í þetta
skiptið, en leikstjóri hennar er
Niels Arden Oplev, sem er upphafs-
maður og leikstjóri Arnarins,
dönsku spennuþáttanna sem hafa
mikla tengingu við Ísland. Hann er
einmitt á leið til Íslands með föru-
neyti í kringum 18. apríl til að taka
upp efni fyrir þættina.
Norska myndin Izzat, fyrsta
mynd norska leikstjórans Ulrik
Imtiaz Rolfsen í fullri lengd, tók
einnig þátt í keppninni en titillinn
er á pakistönsku og þýðir Heiður. Í
myndinni tekur leikstjórinn fyrir
gengi Pakistana í Ósló á 9. og 10.
áratugnum, vandamál sem lengi
var engin vitneskja um. Ulrik, sem
sjálfur Pakistani í aðra ættina, er
giftur íslenskri konu, Helgu Júlíönu
Vilhelmsdóttur arkitekt, og dætur
þeirra tvær, Saga og Yrsa, fara með
smáhlutverk í myndinni, auk eldri
dóttur Helgu, Veru. Einnig vann
elsti sonur Helgu, Númi, að mynd-
inni með Ulrik. Myndin hefur hlotið
mikla athygli í Noregi og ákveðið
hefur verið að hún verður a.m.k.
sýnd í íslenska ríkissjónvarpinu.
Gestir kvikmyndahátíðarinnar
voru yfir 100 þúsund en 450 kvik-
myndir frá um 60 löndum voru
sýndar á ellefu dögum. Um var að
ræða stuttmyndir, heimild-
armyndir og leiknar myndir. Aldrei
er hægt að komast yfir alla feitu
bitana á hátíð sem þessari og gesti
má kalla góða ef þeir ná 20–30
myndum, að stuttmyndum, sem
sýndar eru á undan aðalmyndum,
meðtöldum. Þá þurfa þeir líka að
taka sér frí í vinnunni eða vera
stúdentar, eins og einn gestur
komst að orði.
Íslensku myndunum var almennt
tekið vel, e.t.v. að Bjólfskviðu und-
anskilinni, sem féll ekki í eins góðan
jarðveg í Svíþjóð og hún hefur gert
í Kanada og Bandaríkjunum. Fjöl-
miðlaumfjöllun í kringum Bjólfs-
kviðu beindist aðallega að Stellan
Skarsgård en umfjöllun um hinar
íslensku myndirnar var ekki mikil
fyrr en fréttist af verðlaununum um
helgina.
Sænskar myndir frá síðasta ári
eiga sinn sess á þessari sænsku há-
tíð og eru yfirleitt meðal þeirra best
sóttu. Á meðan á hátíðinni stendur
eru Gullbjölluverðlaunin (Guldbag-
gen) veitt og þar var mynd Lenu
Einhorn, Ninas Resa, sigursæl.
Myndin hlaut bæði verðlaun sem
besta mynd og fyrir besta handrit.
Myndin er sambland af heimild-
armynd og leikinni mynd um sögu
móður leikstjórans sem upphaflega
var frá Póllandi.
Nokkrar bandarískar myndir
sem fengið hafa margar Ósk-
arsverðlaunatilnefningar voru
meðal hátíðarmyndanna, t.d. Walk
the line, Good luck, and good night,
München og Transamerica. Einnig
Junebug þar sem Amy Adams hefur
verið tilnefnd fyrir bestan leik í
aukahlutverki. Þessar myndir voru
meðal þeirra best sóttu. Vel sótt var
einnig heimildarmyndin This Divi-
ded State þar sem Steven Green-
street frá Utah lýsir aðdragand-
anum að heimsókn Michael Moore í
mormónaríkið íhaldssama rétt fyrir
forsetakosningarnar árið 2004 þeg-
ar allt varð vitlaust.
Kvikmyndir | Myndir Dags Kára og Baltasars Kormáks verðlaunaðar í Svíþjóð
Íslenskar myndir sig-
ursælar í Gautaborg
Morgunblaðið/Steingerður Ólafsdóttir
Lokahóf hátíðarinnar fór fram á laugardagskvöldið. Frá hægri eru: Jannike
Åhlund, listrænn stjórnandi kvikmyndahátíðarinnar, Dagur Kári, Helga
Rakel Rafnsdóttir, sambýliskona hans, Nína Dögg Filippusdóttir leikkona og
Rakel Garðarsdóttir, framkvæmdastjóri Vesturports, sem voru á hátíðinni
að kynna myndir Vesturports, Börn og Foreldrar, sem eru í vinnslu.
Dagur Kári með verðlaunagripinn.
Eftir Steingerði Ólafsdóttur
steingerdur@mbl.is