Morgunblaðið - 06.02.2006, Blaðsíða 24
24 MÁNUDAGUR 6. FEBRÚAR 2006 MORGUNBLAÐIÐ
UMRÆÐAN
SKÓLAMÁL hafa verið að-
alstarfsvettvangur minn um árbil. Á
Akureyri hefur hann verið sér-
staklega spennandi sakir þess mikla
fjölda ungs fólks sem
sækir hér nám og þess
sérstaka skóla-
samfélags sem er svo
áberandi hér, einkum
yfir vetrartímann.
Hagsmunir þessa
stóra hóps Akureyringa
og fjölskyldna þeirra
eru mér ofarlega í
huga.
Orðspor Akureyrar
Gera þarf Akureyri
aðlaðandi og eftirsókn-
arverðan búsetukost
fyrir fjölskyldur og fyrirtæki. Við
þurfum að efla Akureyri á næstu ár-
um – fjölga störfum og fólki. Til þess
að svo megi verða þurfum við annars
vegar að bjóða fyrirtæki velkomin til
bæjarins og gera þeim kleift að koma
undir sig fótunum. Þá þarf að gera
rekstrarumhverfi samkeppnishæft
og samanburðarhæft við það besta
sem gerist bæði hér á landi og erlend-
is.
– En þetta er ekki nóg. Hverju fyr-
irtæki fylgir fjölskylda eða fjölskyldur
og þeim þurfum við að tryggja gott
umhverfi, góða skóla og góðan aðbún-
að fyrir börn og unglinga.
Það fer ekki nægilega gott orðspor
af unglingamenningunni á Akureyri
um þessar mundir. Það hefur verið
baráttumál mitt öll árin hér sem
skólameistari að hert verði eftirlit
með vínveitingastöðum sem hingað til
hafa sumir hverjir afgreitt allt niður í
16 ára unglinga um vínföng og boðið
þá velkomna.
Þá þarf að styðja viðleitni lögreglu
til að sporna við fíkniefnadraugnum
og koma böndum á sölumenn dauð-
ans sem hafa fengið að leika lausum
hala hér sem annars staðar um árabil.
Bæjarfélagið, lögreglan og fram-
haldsskólarnir þurfa í þessum efnum
að standa saman og vinna gegn ung-
lingadrykkju og vímaefnaneyslu en
hún hefur skv. nýrri rannsókn stór-
aukist milli áranna 2000 og 2004.
Akureyrarskólarnir
eru á við stóriðju
Auk útgerðar og
þjónustu eru skólarnir
stóriðja okkar Akureyr-
inga.
Í leikskólum bæj-
arins er unnið mjög gott
starf og hafa þeir nýtt
sér það sjálfstæði og
sveigjanleika sem þeim
hefur verið boðið upp á.
Þeir hafa hver um sig
verið að móta sér sér-
stöðu með mismunandi
hugmyndafræði og
áherslum.
Grunnskólarnir mættu taka sér
leikskólana til fyrirmyndar. Kennslu-
aðferðir þarf að endurskoða og auka
skólaþróun. Hver um sig ætti að móta
sér sérstöðu í tengslum við þetta.
Leggja þarf áherslu á að bæta árang-
ur nemenda svo stærra hlutfall hvers
árgangs nái fullnægjandi árangri í 10.
bekk.
Ef skólarnir hefðu sérstöðu hver
um sig gætu foreldrar valið þann
skóla sem þeim þætti bjóða upp á
besta starfið; hugmyndafræði,
kennsluaðferðir og skólamenningu.
Spennandi tækifæri gæti skapast
ef rekstur hins óbyggða Naustaskóla
yrði boðinn út á sama hátt og leik-
skólinn Hólmasól. Hann yrði hugs-
aður sem hverfisskóli en stæði börn-
um úr öðrum hverfum engu að síður
opinn. Foreldrar í Naustahverfi og
nágrenni gætu jafnframt valið það að
senda börn sín í annan eða aðra skóla.
Framhaldsskólar: VMA og MA eru
tveir kostir, báðir góðir en að mörgu
leyti ólíkir, þar eð sá fyrrnefndi er
áfangaskóli bæði með verknám og
bóknám en hinn hefðbundinn bekkja-
skóli eingöngu með bóknám. Um 600
aðkomunemendur sækja skólana og
að þeim þarf að hlúa meðan þeir búa
hér í bænum ekki síður en heima-
nemendum.
Skólarnir eru að búa sig undir
breytingar í samræmi við stefnu
stjórnvalda um að stytta nám til stúd-
entsprófs. Mikil þróun á sér stað í
báðum skólum og mun hún halda
áfram en báðir hafa verið í farar-
broddi hvor á sína vísu.
Fullkomnir nemendagarðar eiga
vafalítið eftir að stækka þegar að-
komunemendum fjölgar. Má búast
við því til þess að unnt verði að fjölga í
árgöngum eftir að búið verður að
stytta nám til stúdentsprófs um eitt
ár. Þyrftum við að sækja nemendur
m.a. af Reykjavíkursvæðinu af því að
við teljum okkur hafa upp á margt að
bjóða.
Háskólinn á Akureyri hefur verið í
mikilli þróun og örum vexti auk þess
sem námsframboð hefur aukist jafnt
og þétt. Við þurfum að auka það enn
meir til þess að það höfði til breiðari
hóps ungs fólks, bæði aðkomunem-
enda og hinna sem búa hér á Ak-
ureyri. Þá þarf að leggja áherslu á
rannsóknanám og rannsóknir í
tengslum við háskólann. Í framhald-
inu þarf jafnframt að huga að at-
vinnutækifærum sem hæfir brautk-
skráðum nemendum úr HA sem og
úr öðru háskólanámi svo atvinnulífið
auðgist og vel menntað fólk, sem vill
búa á Akureyri, fái atvinnu við hæfi.
Hlúa þarf að hugmyndum og starfi
sem unnið hefur verið á vettvangi
stofnunar orkuháskóla á alþjóðavísu
hér á Akureyri og í tengslum við HA.
Jafnframt eigum við að styrkja enn
frekar það starf sem unnið hefur ver-
ið í tengslum við norðurslóðarann-
sóknir og samskipti á þeim vettvangi
en þar eru spennandi tækifæri hand-
an við hornið.
Fjarnám og fullorðinsfræðsla:
Hátt í tvö þúsund nemendur á
ýmsum aldri víðs vegar að af landinu
sækja fjarnám til skólastofnana á Ak-
ureyri; Verkmenntaskólans, Háskól-
ans og SÍMEY. Akureyri þarf að
halda forystunni en samkeppnin við
skóla á Reykjavíkursvæðinu harðnar
jafnt og þétt.
Skólabærinn Akureyri?
Eftir Hjalta Jón Sveinsson ’Hátt í tvö þúsund nem-endur á ýmsum aldri víðs
vegar að af landinu sækja
fjarnám til skólastofnana
á Akureyri.‘
Hjalti Jón Sveinsson
Höfundur er skólameistari Verk-
menntaskólans á Akureyri og gefur kost
á sér í 1.–4. sæti í prófkjöri Sjálfstæð-
isflokksins á Akureyri hinn 11. febrúar.
Prófkjör Akureyri
BORGARMÁLIN fjalla um það
samfélag sem Reykvíkingar búa í,
daglegar þarfir okkar borgarbúa og
framtíðarsýn. Mér finnst miklu máli
skipta í umræðu um borgarmál að
menn hafi skýrar hugmyndir um það
hvernig þeir vilja sjá höfuðborgina
og skynji hvaða vandamál þarf að
leysa. Sem formaður Ungra jafn-
aðarmanna hef ég verið svo lán-
samur að fá að starfa með ungu og
frjóu fólki sem m.a. hefur rætt borg-
armálin. Skipulagsmálin hafa verið
þar ofarlega á baugi.
Flugvöllinn úr Vatnsmýrinni
Ég vil sjá flugvöllinn fluttan úr
Vatnsmýrinni, enda er þar afar
verðmætt land sem mun að mínu
mati leika lykilhlutverki í framtíð-
arskipulagi borgarinnar.
Annað brýnt mál og ekki síður
mikilvægt er að það verður að auka
lóðaframboð í borginni, t.d. undir
sérbýli fyrir fjölskyldufólk, en ekki
síst þarf að auka fram-
boð á smærri íbúðum í
miðborginni.
Ungt fólk vill búa
miðsvæðis og tryggja
þarf hæfilegt framboð
leiguíbúða fyrir það.
Reykjavíkurlistinn á
glæstan afreksferil í
málefnum fjöl-
skyldufólks, en sá
málaflokkur var í mik-
illi vanrækslu í valda-
tíð Sjálfstæðisflokks-
ins.
Dagvistun og frístundir barna
Eitt af þeim málum sem ég mun
beita mér fyrir er að gera leikskól-
ann gjaldfrjálsan í átta og hálfan
klukkutíma á dag en ekki aðeins í sjö
klukkustundir, eins og nú er gert
ráð fyrir. Sömuleiðis þarf að efla frí-
stundaheimili enn frekar, stækka
húsnæði þeirra, auka samstarf við
grunnskólana og gera betur við
starfsfólk borgarinnar sem sér um
að veita barnafólki þjónustu.
Það er mikilvægt að hugsa fjöl-
skyldumálin á breiðum
grunni. Með leikskóla-
og frístundaþjónustu er
verið að veita börnum
félagslega þjónustu, en
jafnframt verið að
stuðla að því að for-
eldrar geti sinnt störf-
um sínum án þess að
þurfa að hafa áhyggjur
af öryggi og velferð
barna sinna. Jafnframt
er mikilvægt að hafa
hugfast að dagvistun
barna er að ýmsu leyti
jafnréttismál. Skortur á slíkri þjón-
ustu getur haft áhrif á atvinnuþátt-
töku foreldra, sem þýðir yfirleitt í
reynd að móðirin axlar þá ábyrgð.
Halda þarf áfram að bæta hag
barna og ungmenna með fötlun,
þeirra sem lenda utanveltu í skóla-
kerfinu og þeirra sem búa við erfiðar
félagslegar aðstæður. Skoða þarf
leiðir til að jafna möguleika barna í
borginni til þátttöku í íþrótta- og
tómstundastarfi, t.d. með föstu
framlagi yfirvalda sem fylgi hverju
barni.
Hér skiptir hugsjón jafnaðar-
manna mestu, þ.e. að öll börn í borg-
inni búi við jöfn tækifæri til þátt-
töku.
Málefni eldri borgara í öndvegi
Vinna verður gegn einangrun
aldraðra í borginni. Í því sambandi
er mikilvægt að auka valfrelsi og
fjölbreytileika í félagslífi fyrir eldri
borgara og sömuleiðis að vinna að
hagsmunamálum aldraðra í samráði
við þá og þá þarf að tryggja aðkomu
eldri borgara að ákvörðunum sem
snerta þeirra hag.
Bein kosning borgarstjóra
Ég er talsmaður þess að kanna til
hlítar hvort ekki sé hægt að kjósa
borgarstjórann í Reykjavík beinni
kosningu. Borgarfulltrúar yrðu síð-
an kosnir samhliða borgarstjóra og
myndu þannig veita kjörnum borg-
arstjóra raunverulegt aðhald. Borg-
arbúar vilja skýra valkosti við stjórn
borgarinnar og borgarstjóri sem
kosinn er beint ber að mínu mati
skýrari ábyrgð gagnvart kjós-
endum. Ég gef kost á mér í 4. sæti í
prófkjöri Samfylkingarinnar sem
fram fer 11. og 12. febrúar næstkom-
andi. Sem borgarfulltrúi mun ég
berjast af krafti fyrir hagsmunum
Reykvíkinga og bið um þinn stuðn-
ing til þess að svo megi verða.
Samfylking um nýtt upphaf í borginni í vor
Eftir Andrés Jónsson
Andrés Jónsson
’Jafnframt er mikilvægtað hafa hugfast að dag-
vistun barna er að ýmsu
leyti jafnréttismál.
Skortur á slíkri þjónustu
getur haft áhrif á at-
vinnuþátttöku foreldra,
sem þýðir yfirleitt í
reynd að móðirin axlar
þá ábyrgð.‘
Höfundur er formaður Ungra
jafnaðarmanna og gefur kost á sér
í 4. sæti í prófkjöri Samfylkingarinnar
sem fram fer 11.–12. febrúar.
Prófkjör Reykjavík
ÞAÐ ER stundum sagt að kjós-
endur séu fljótir að gleyma, bæði
því sem vel er gert og einnig því
sem miður fór. Ég er
reykvískur kjósandi
og nýgræðingur í
borgarpólitík og
stundum fljót að
gleyma líka. Hvati
þessarar greinar eru
orð sem Gísli Mar-
teinn Baldursson
varaborgarfulltrúi
Sjálfstæðisflokksins
lét falla í Silfri Egils á
sunnudaginn var, þar
sem hann benti á að
frambjóðendur í próf-
kjöri Samfylking-
arinnar gætu ekki
bent á neitt gott sem
jafnaðarmenn hefðu
staðið að í borginni.
Undanfarnar vikur
hef ég lesið með gagn-
rýnum augum í snjó-
inn sem féll í gær-
kvöld og rifjað upp
hvað stjórn Reykja-
víkurborgar hefur
gert fyrir mig og aðra
borgara síðastliðin 12
ár. Ýmislegt kemur
upp úr kafinu. Mér rennur því blóð-
ið til skyldunnar og hef upp raust
mína, það verður ekki hægt að
segja um mig að ég veigri mér við
því að benda á afrek jafnaðarmanna
og -kvenna og segja með nokkru
stolti: Þetta gerðu þau, þau létu
verkin tala. Ég hlýt að vera stolt af
þeim vegna þess að ég kaus þau –
því er ég nú ekki búin að gleyma.
Ég er ekki búin að gleyma því
hvaða árangri félagshyggjufólk náði
í dagvistunarmálum. Í raun finnst
mér með ólíkindum að þeir stjórn-
málamenn sem stóðu á bak við
listann skuli ekki stæra sig af því
meira en raun ber vitni. Hér eru
nokkrar blákaldar staðreyndir:
Fyrir tíu árum fengu foreldrar í
sambúð fyrst inni á leikskóla fyrir
barn sitt þegar það náði þriggja ára
aldri. Ekki var á vísan að róa með
að leikskólinn væri í sama hverfi og
það var allsendis óvíst hvort barnið
gæti verið allan daginn. Þessu
mega reykvískir foreldrar ekki
gleyma í kosningunum í vor.
Ég er ekki búin að gleyma hvaða
árangri félagshyggjufólk náði í jafn-
réttismálum í borginni. Með brenn-
andi réttlætiskenndina að vopni
hefur stjórn Reykjavíkurborgar
lagt gríðarlega áherslu á að konum
fjölgi í stjórnendastöðum og launa-
misrétti heyri sögunni til. Árang-
urinn er glæsilegur og hefur vakið
athygli út fyrir landsteinana.
Reykjavíkurborg er risastórt fyr-
irtæki með fjölda
starfsfólks á sínum
snærum og ég er ekki í
neinum vafa um að já-
kvæð margfeldisáhrif
þessa grettistaks skili
sér á löngum tíma út
um alla borg og jafnvel
lengra. Það er spurning
hvort Grettir hefði get-
að gert betur. Þessu
mega reykvískir jafn-
réttissinnar ekki
gleyma í kosningunum
í vor.
Ég er heldur ekki
búin að gleyma því að
stjórn Reykjavík-
urborgar bretti upp
ermarnar og lauk við
eitt viðamesta verkefni
í umhverfismálum
landsins, hreinsun
strandlengjunnar sem
umlykur borgina.
Gömlum skólplögnum
var lokað og úrgangs-
málum bæjarbúa var
fundin varanleg lausn.
Lengi tekur sjórinn
við, sagði fólk í gamla daga en R-
listinn hafði kjark til að leiða þetta
mál til lykta. Þessu mega umhverf-
isvinir ekki gleyma í kosningunum í
vor.
Ég er heldur ekki búin að gleyma
Menningarnótt, göngu- og hjól-
reiðastígunum við sjávarsíðuna,
áætluninni um byggingu tónlistar-
og ráðstefnuhúss við Hafnarbakk-
ann, Ylströndinni, hverfamiðstöðv-
unum, bættri ásýnd Aðalstrætis og
uppbyggingu miðbæjarins. Öllu
þessu mega Reykvíkingar ekki
gleyma í kosningunum í vor.
Ég gef kost á mér í 4. sæti á lista
Samfylkingarinnar í Reykjavík í
opnu prófkjöri sem fer fram helgina
11. og 12. febrúar. Ég er stolt af því
að vera hluti af hópi sem býður í
fyrsta sinn fram undir merkjum
Samfylkingarinnar í Reykjavík. En
ég er líka stolt af því að feta slóða
sem félagshyggjufólk undir fána R-
listans markaði. Hann er nú runn-
inn sitt skeið en verk hans lifa. Við
skulum ekki gleyma því.
Geymt en
ekki gleymt
Eftir Oddnýju Sturludóttur
Oddný Sturludóttir
’Ekki var á vís-an að róa með að
leikskólinn væri í
sama hverfi og
það var allsendis
óvíst hvort
barnið gæti verið
allan daginn.‘
Höfundur er í framboði í prófkjöri
Samfylkingarinnar í Reykjavík og
stefnir á 4. sætið.
Prófkjör Reykjavík
Skólavörðustíg 21, Reykjavík
sími 551 4050
Glæsileg
brúðarrúmföt
í úrvali