Morgunblaðið - 16.02.2006, Síða 39

MORGUNBLAÐIÐ FIMMTUDAGUR 16. FEBRÚAR 2006 39
FRÉTTIR
Aðalfundur
Gullteigur, Grand Hótel,
föstudaginn 17. febrúar 2006, kl. 13:00
13:00 Hádegisverður í Gullteig B, Grand Hótel
Ávarp: Aðalsteinn Leifsson aðjúnkt við
viðskiptadeild Háskólans í Reykjavík
Traust í samningaviðræðum
SKRÁNING
14:15 Skráning við Gullteig A, Grand Hótel
FUNDARSETNING
14:30 Ræða formanns FÍS
Pétur Björnsson
RÆÐUMENN
14:50 Ávarp: Þorgerður Katrín Gunnarsdóttir
menntamálaráðherra
15:00 Tryggvi Þór Herbertsson forstöðumaður
Hagfræðistofnunar Háskóla Íslands
Verslun á Íslandi 2020
15:20 Baldur Þóhallsson dósent í stjórnmálafræði og
formaður stjórnar Alþjóðamálastofnunar og
Rannsóknaseturs um smáríki við Háskóla Íslands
Geta ríki valið sér stærð í alþjóðakerfinu?
Umræður og fyrirspurnir
Kaffihlé
16:15 Almenn aðalfundarstörf
Vinsamlega tilkynnið þátttöku í síma 588 8910
eða á netfang: elin@fis.is
só
fa
r
Sófar
s e m s a m e i n a f e g u r ð o g þ æ g i n d i
kr. 87.000
svartur og ljósbrúnn
St. 215x100 cm
Leðursófi
kr. 148.000
Drappl. og vínr.
St. 250x300 cm
Leðurhornsófi
FERÐAMÖNNUM sem koma
hingað til lands með skemmti-
ferðaskipum fjölgar ört, en
áfangastaðir á Norður-Atlantshafi
njóta sívaxandi vinsælda í slíkum
ferðum. Þessi þróun er afar já-
kvæð fyrir íslenska ferðaþjónustu
og efnahagslíf, enda er hér um að
ræða hreina viðbót í verslun og
eftirspurn eftir dagferðum. Tekju-
möguleikar eru miklir, bæði vegna
hafnargjalda skipanna og viðskipta
gestanna.
Þetta kom fram í máli Chri-
stopher Hayman, framkvæmda-
stjóra Seatrade Review, en hann
hélt fyrirlestur á Grand Hótel á
vegum samtakanna Cruise Ice-
land, sem vinna náið með
skemmtiferðaskipum sem leggja
leið sína hingað til lands. Í fyr-
irlestri sínum fjallaði Hayman um
þróun og horfur í siglingum
skemmtiferðaskipa, með áherslu á
Evrópu.
Seatrade, fyrirtæki Haymans,
stendur reglulega fyrir ráðstefnum
og kynningum um skipaflutninga
og ferðaþjónustu á hafi. Seatrade
fylgist vel með þróun innan sigl-
ingageirans og að sögn Haymans
hefur farþegum fjölgað ört síðustu
ár, eða um átta til tíu prósent á
ári frá árinu 2002. Þá er allt útlit
fyrir umtalsverða fjölgun farþega
hingað til Íslands á komandi árum,
en komum til hafna á Íslandi hefur
fjölgað mun örar en á mörgum
öðrum mörkuðum, sem hafa jafn-
vel mettast.
Hrein viðbót í innkomu
Hayman segir Íslendinga hafa
frábær tækifæri til að hagnast á
komum skemmtiferðaskipa, enda
sé þar um að ræða hreina viðbót
við aðra ferðamennsku. Ekki þurfi
að byggja upp gistirými fyrir hinn
mikla fjölda ferðamanna sem kem-
ur með skemmtiferðaskipum, þar
sem þeir komi yfirleitt í dags-
ferðir. Þá séu ferðamennirnir á
skemmtiferðaskipunum nær alltaf
í leit að áhugaverðum möguleikum
til að kaupa minjagripi og annað
og fara í áhugaverðar ferðir, m.a.
göngu- eða hestaferðir, ferðir á
söfn eða annað.
„Skipulagið hér á Íslandi er
mjög gott og framboð á afþreying-
armöguleikum og verslun fyrir
ferðamenn á skemmtiferðaskipum
er líka til fyrirmyndar,“ segir
Hayman. „Fjöldi þessa fólks hefur
líka vaxið gríðarlega á síðustu ár-
um og stærstur hluti þessara
ferðamanna, eða rúmar tíu millj-
ónir, er enskumælandi, frá Banda-
ríkjunum og Bretlandi, svo það er
eftir miklu að sækjast.“
Ímynd skemmtiferðasiglinga
breytist nú einnig óðum. „Þetta er
ekki bara gamalt fólk, heldur eru
afar fjölbreyttir möguleikar og
það er mikið til ungt fólk sem fer í
svonefndar „jaðarferðir“, þar sem
áherslan er lögð á öðruvísi áfanga-
staði, en það er fólk á öllum aldri
sem er að fara í hinar sígildu ferð-
ir,“ segir Hayman.
„Langflestir fara auðvitað til
Karíbahafsins og Miðjarðarhafs-
ins, en vöxturinn er langmestur
hér á Norður-Atlantshafi, enda
eru þessar slóðir tiltölulega
óplægður akur. Til dæmis óx fjöldi
ferðamanna sem komu til Reykja-
víkur úr 20.000 árið 1999 upp í
55.000 á síðasta ári, svo þetta
gengur mjög vel.“
Fjölbreyttir möguleikar
og landkynning
Að sögn Haymans hafa komur
skemmtiferðaskipa ekki einungis
góð áhrif í Reykjavík, heldur einn-
ig í öðrum höfnum víðar á landinu,
t.d. á Ísafirði, Grundarfirði, Húsa-
vík Seyðisfirði og Akureyri. Þann-
ig bæti sívaxandi hafnargjöld
þeirra m.a. að vissu leyti upp þann
tekjumissi sem hafnir landsins
urðu fyrir þegar strandsiglingar
lögðust af.
„Skipin skilja eftir mikla pen-
inga í höfnunum og það er bara
ímyndunaraflið sem takmarkar þá
innkomu sem ferðaþjónustan nær
að skapa. Því betur sem við nýtum
sköpunaraflið í að búa til fjöl-
breytilegar, skemmtilegar og
fræðandi ferðir og möguleika fyrir
þessa gesti, því meira græða Ís-
lendingar á komum þeirra,“ segir
Hayman.
„Það er öllum í hag að fá eins
marga farþega í land og mögulegt
er. Þetta fólk er komið hingað til
að eyða fé og versla. Mjög snið-
ugur möguleiki sem er nýtilkom-
inn er sá að skipin koma að landi í
Reykjavík, farþegarnir fara í
ferðalag yfir hálendið og fara svo
aftur um borð í skipið á Akureyri.
Þetta er einmitt það sem við vilj-
um sjá, frjóar hugmyndir og fjöl-
breytta möguleika fyrir ferða-
mennina.“
Aðspurður um þær fullyrðingar
sem komið hafa fram um að ferða-
þjónusta sé lágtekjuatvinnugrein
segist Hayman vera því fyllilega
ósammála, sérstaklega ef horft sé
til þess hreina virðisauka sem fáist
við komu skemmtiferðaskipa. „Það
er gríðarlegt fjármagn í húfi og
komur þessara skipa geta skipt
sköpum fyrir fjölmörg samfélög,
t.d. á landsbyggðinni. Ferðaþjón-
ustuaðilar sem sýna frumkvæði og
hugvit geta tekið inn miklar tekjur
af ferðaþjónustu. Það er verið að
vinna umfangsmikla könnun á
efnahagslegum áhrifum ferðaþjón-
ustu á ýmis lönd og bráðabirgða-
niðurstöður sýna okkur að þau séu
augljóslega mjög mikil.“
Þá segir Hayman þá kynningu
sem Ísland fær við þessar heim-
sóknir ómetanlega. Þannig fari alls
konar ferðamálaupplýsingar um
landið í umferð víða um heim og
veki áhuga bæði aðila í ferðaþjón-
ustu og fólks sem sé að kynna sér
ferðir. Ennfremur hafi rannsóknir
sýnt að um 25% eða meira af þeim
farþegum sem koma til lands með
skemmtiferðaskipum komi aftur til
landsins til að ferðast betur og þá
til lengri tíma. „Farþegar sem
koma hingað til lands eru mjög
ánægðir og mjög líklegir til að
koma aftur,“ segir Hayman að lok-
um.
Komum skemmtiferðaskipa mun fjölga á komandi árum
Hrein búbót fyrir
ferðaþjónustuna
Eftir Svavar Knút Kristinsson
svavar@mbl.is
Morgunblaðið/RAX
„Farþegar sem koma hingað til lands eru mjög ánægðir og mjög líklegir til
að koma aftur,“ segir Christopher Hayman hjá Seatrade Review.