Morgunblaðið - 27.02.2006, Side 9

MORGUNBLAÐIÐ MÁNUDAGUR 27. FEBRÚAR 2006 9
FRÉTTIR
Opið virka daga frá kl. 10-18 laugardaga frá kl. 10-16
• Engjateigi 5
• sími 581 2141
Stakir jakkar
margar gerðir
Ferðast þú til Flórída?
Hefur þú hugsað um að eiga þitt eigið sumarhús?
Viltu vita meira?
Umboðsaðilar frá Orlando Vacation Homes, USA, verða á
Íslandi til að veita þér nánari upplýsingar eftirtalda daga:
laugardag 4. mars frá kl. 9:00 til 18:00
sunnudag 5. mars frá kl. 13:00 til 18:00
á Hótel Loftleiðum, Reykjavík.
Allir þátttakendur á kynningunni eiga kost á að vinna
ókeypis gistingu í Orlandó!
www.livinfl.com
Mánudagur 27.02
Aloo-Saag spínatpottur & buff
Þriðjudagur 28.02
Próteinbollur m/cashewhnetusósu
Miðvikudagur 01.03
Ítalskur pottur m/pastasalati
Fimmtudagur 02.03
Fyllt paprika & gott salat
Föstudagur 03.03
Hnetusteik m/waldorfsalati
Helgin 04.03-05.03
Karrý korma m/naanbrauði
Nýjar vörur
Vertu þú sjálf
Vertu Belladonna
Hlíðasmára 11
Kópavogi • sími 517 6460
www.belladonna.is
Opið mán.-fös. 11-18, lau. 11-15
Stærðir
40-60
SIGMAR Eðvarðsson,
formaður bæjarráðs
Grindavíkur, sigraði í
prófkjöri sjálfstæðis-
manna í Grindavík.
Hann hlaut 125 atkvæði
í fyrsta sætið en 156
manns greiddu at-
kvæði. Guðmundur
Pálsson hafnaði í öðru
sæti með 109 atkvæði,
Guðbjörg Eyjólfsdóttir
í því þriðja með 96 at-
kvæði, Pétur R. Guð-
mundsson í því fjórða
með 69 atkvæði, Magn-
ús Már Jakobsson í því fimmta með
78 atkvæði, Ingibjörg Karen Magn-
úsdóttir í því sjötta
með 97 atkvæði, Gísli
Jóhann Sigurðsson í
því áttunda með 109
atkvæði og Svanþór
Eyþórsson í því tíunda
með 84 atkvæði.
Sækist ekki eftir
bæjarstjórastól
Sigmar sagði í sam-
tali við Morgunblaðið
að úrslitin hefðu verið
mjög ánægjuleg og
vildi hann skila þakk-
læti til þeirra fé-
lagsmanna sem tóku þátt. Sigmar
taldi að ekki yrðu gerðar neinar
breytingar á listanum en aðspurður
hvort hann sæktist eftir bæjar-
stjórastöðunni sagðist hann ekki
gera það. Hann sagði að Ólafur Örn
Ólafsson, núverandi bæjarstjóri,
hefði staðið sig afskaplega vel í sínu
starfi og ekki væri ástæða til að
breyta því. Sigmar var vongóður fyr-
ir kosningarnar í vor og vonaðist til
þess að ná góðri kosningu í vor til að
halda áfram að efla bæjarfélagið.
Kjörsókn í prófkjörinu var með
eindæmum góð en 156 manns tóku
þátt í því. Að sögn Ólafs Guðbjarts-
sonar, formanns kjörstjórnar, voru
138 manns á kjörskrá en um 100
manns hefðu gengið í félagið á síð-
ustu dögum.
Sigmar skipar fyrsta sætið hjá
sjálfstæðismönnum í Grindavík
Sigmar Eðvarðsson
SIGURÐUR Pétursson, sagnfræð-
ingur og menntaskólakennari, sigr-
aði á laugardaginn í prófkjöri Í-
listans, sameiginlegs framboðs Sam-
fylkingarinnar, Vinstri-grænna og
Frjálslynda flokksins á Ísafirði. Sig-
urður, sem er fulltrúi Samfylking-
arinnar, hlaut 192 atkvæði í fyrsta
sætið en 478 manns tóku þátt í próf-
kjörinu. Í öðru sæti varð Magnús
Reynir Guðmundsson, bæjarfulltrúi
Frjálslynda flokksins, með 122 at-
kvæði, í því þriðja hafnaði Arna
Lára Jónsdóttir, verkefnisstjóri hjá
Atvinnuþróunarfélagi Vestfjarða og
fulltrúi Samfylkingarinnar, með 130
atkvæði en í því fjórða hafnaði Jóna
Benediktsdóttir, kennari og fulltrúi
Vinstri-grænna, með 235 atkvæði í
1.–4. sæti.
Mun leiða listann
Sigurður sagði í samtali við Morg-
unblaðið að hann væri himinlifandi
með úrslitin bæði fyrir sína hönd og
hópsins í heild sinni. Þátttaka hefði
verið eftir björtustu vonum og taldi
hann það vera góða byrjun fyrir
komandi átök. Sigurður sagðist vera
mjög ánægður með uppröðunina á
þessum fjórum sætum en erfitt hefði
verið að velja á milli þeirra tólf sem
buðu sig fram. Jafnræði milli kynja
væri í efstu fjórum sætunum og
reiknaði hann fastlega með spenn-
andi kosningum í vor. Aðspurður
hvort hann yrði bæjarstjóraefni Í-
listans sagði Sigurður ekki reikna
með því þó svo að engin ákvörðun
hefði verið tekin í því máli að svo
stöddu. Reynslan hefði ekki verið
góð af pólitískum bæjarstjórum og
því gæti sá kostur að ráða bæj-
arstjóra verið betri. Spurður um
þær vangaveltur um að hann myndi
hætta við að leiða listann í vor, en
Ólína Þorvarðardóttir, eiginkona
hans, hefur ákveðið að hætta störf-
um sem rektor Menntaskólans á Ísa-
firði, sagði Sigurður öruggt að hann
myndi leiða listann. Fjölskyldan
hefði komið sér vel fyrir í bænum og
þau myndu búa þar áfram þrátt fyr-
ir að eiginkona hans skipti um starf.
Sigurður sigraði í prófkjöri
Í-listans á Ísafirði
Morgunblaðið/Halldór Sveinbjörnsson
Sigurvegarar prófkjörsins voru ánægðir með niðurstöðuna. Sigurður Pét-
ursson (l.t.v.), Arna Lára Jónsdóttir og Magnús Reynir Guðmundsson.
ÞRETTÁN nemendur útskrifuðust á föstudag úr
grunnnámi í flugumferðarstjórn hjá Flugmálastjórn Ís-
lands. Níu þeirra eru Kosovo-Albanar en Íslendingar
eru fjórir. Sjö ár eru liðin frá því nemendur útskrif-
uðust síðast úr þessu námi.
Fyrrnefndi hópurinn hefur nú réttindanám á flug-
vellinum í Pristina í Kosovo undir íslenskri umsjón en
Íslendingarnir stunda réttindanám sitt hérlendis næstu
tvö árin.
Þorgeir Pálsson ávarpaði hópinn við útskriftina og
sagði hann að í fyrstu hefði hann haft nokkrar áhyggj-
ur af því hvernig gengi að taka erlenda nema hingað.
Þær hefðu þó reynst óþarfar þar sem þeir hefðu staðið
sig með miklum ágætum og það hefðu einnig íslensku
nemarnir gert. Þakkaði hann öllum sem komið hefðu
við sögu í kennslunni og umsjón allri.
Grunnnámskeið fyrir flugumferðarstjórn var síðast
haldið hérlendis árið 1999 en síðan hefur Flug-
málastjórn sent Íslendinga á þessi námskeið erlendis.
Er það m.a. vegna mikilla verkefna hérlendis sem
tengjast nýjum kerfum í flugleiðsögu og flugumferð-
arstjórn. Gert er ráð fyrir að nemar verði næst teknir
inn á næsta ári en þörf er fyrir 4 til 6 nýja flugumferð-
arstjóra á ári hverju.
Morgunblaðið/Ómar
Nýútskrifaðir flugumferðarstjórar. Efri röð frá vinstri: Arber Zogu, Armend Verbovci, Enis Shala, Arfan Hasani,
Valon Ejupi og Kári Óskarsson. Neðri röð frá vinstri: Eliot Byryqi, Burim Durmishaj, Anný Þorgeirsdóttir, Sif
Aradóttir, Ilir Dauti, Shkelqim Lima. Á myndina vantar einn úr hópnum, Jón Inga Jónsson.
Þrettán flugumferðarstjórar
ljúka námi hjá Flugmálastjórn
HÉRAÐSDÓMUR Reykjavíkur
hefur dæmt karlmann á þrítugs-
aldri til 12 mánaða fangelsisvistar
fyrir tilraun til ráns, sérstaklega
hættulega líkamsárás, nytjastuld
og brot á umferðarlögum. Mað-
urinn á að baki langan, ofbeldis-
fullan sakaferil og taldi dómurinn
að hann ætti sér litlar sem engar
málsbætur. Hann var jafnframt
dæmdur til að greiða máls-
varnarlaun skipaðs verjanda síns,
alls 124.500 krónur.
Ákærða var gefið að sök að hafa
laugardaginn 2. október 2004 tekið
ófrjálsri hendi bifreið sem stóð
mannlaus í Keflavík og ekið henni
til Reykjavíkur og um götur borg-
arinnar án ökuréttinda og undir
áhrifum vímuefna. Bar ákærði því
við fyrir dómi að hann hefði ekki
verið undir áhrifum fíkniefna þeg-
ar hann keyrði bifreiðina en játaði
stuldinn. Ótækt þótti að sanna
meinta fíkniefnaneyslu ákærða og
var ákæru um fíkniefnaneyslu vís-
að frá.
Kjálkabraut mann
með hnúajárni
Sunnudaginn 3. október 2004 fór
ákærði inn í söluturn í Reykjavík,
vopnaður hnífi og skipaði af-
greiðslustúlku að afhenda sér pen-
inga. Hann flúði af vettvangi áður
en hann fékk fjármuni í hendur en
játaði engu að síður tilraun til
ráns.
Maðurinn var jafnframt ákærð-
ur fyrir sérstaklega hættulega lík-
amsárás þann 20. september 2005
fyrir utan veitingastað í Vest-
mannaeyjum. Sló hann þá annan
karlmann á þrítugsaldri á hægri
vangann með keðjuhlekk, sem not-
aður var sem hnúajárn, með þeim
afleiðingum að kjálki mannsins
brotnaði. Ákærði játaði að hafa
verið í nöp við manninn og upp-
söfnuð reiði hefði valdið því að
hann réðst að honum með hnúaj-
árni.
Ákærði bar því við fyrir dómi að
hagir hans í dag væru breyttir,
hann hefði verið í mikilli neyslu en
lagði fram vottorð um endurteknar
meðferðir og eftirmeðferðir, ásamt
staðfestingu frá vinnuveitanda.
Var því að einhverju leyti litið til
þeirra sjónarmiða að ákærði hefði
snúið frá fyrri lífsstíl en ítrekuð og
alvarleg sakarefni réðu þó mestu.
Dóminn kvað upp Símon Sig-
valdason héraðsdómari. Verjandi
ákærða var Guðmundur Ágústsson
hdl., en fyrir hönd ákæruvaldsins
flutti málið Kolbrún Sævarsdóttir,
saksóknari hjá ríkissaksóknara.
Tólf mánaða fangelsi
fyrir ítrekuð brot
GAGNASAFN MORGUNBLAÐSINS
mbl.is